Tuloy na tuloy na! BARON, NIYAYA NA NG KASAL ANG PSYCHOLOGIST GF

Anj Cabilla / PAK ANG GANAP

TULUY-TULOY na talaga ang kasal ni Baron Geisler sa kanyang psychologist GF na si Jamie Evangelista. Kalat kasi ngayon sa social media ang naganap na proposal sa dalawa.

Sa ulat ng Cebu Daily News, naganap ang proposal ng aktor sa nobya sa Maayo, San Remigio, Northern Cebu noong Linggo (July 14).

Saksi sa naganap na proposal ang kani-kanilang pamilya.

Matatandaang Abril ngayong taon nang ianunsiyo ni Baron ang kanyang planong pagpapakasal sa nobya na nakilala niya sa rehabilitation center kung saan siya nagpagamot ng kanyang pagiging alcoholic.

Busy ngayon ang aktor sa pagganap bilang si Bungo sa hit seryeng Ang Pro­binsyano, kaya ewan lang kung this year ba magaganap ang kasal nila ng GF.