"Lucky ones" daw ang tawagan, Marlon… KIT, NAGSALITA NA SA RELASYON NILA NI PIA

Ador Saluta / ADORE ME!

SA Tonight with Boy Abunda, nilinaw ni Kit Thompson na hindi siya nanligaw at lalong hindi naging sila ng dating Miss Universe na si Pia Wurtzbach matapos itanong ng isang netizen sa TWBA ang tungkol sa relasyon ng dalawa.

“Hindi,” ani Kit.

Hindi rin daw siya naging attracted kay Queen Pia.

Good friends lang daw sila at ipinaliwanag niya kung papaano ito nangyari.

“She helped me a lot,” kuwento ni Kit nang i-flash ang mga pictures nila ni Pia kasama ang commercial agent ng aktor.

Dagdag pa ni Kit, “Even though we’re managed by different people, we still help each other. Nag-hang-out lang kami one time and we just… clicked. And kept hanging out even more.”

“Lucky ones” din ang tawagan nina Pia at Kit dahil noon daw ay nangarap lang sila pareho na mapunta sa New York.

“And one day, we were all in New York and wow, we’re lucky. That’s why we came up with the ‘lucky ones.’”

In a relationship din si Kit at one year and seven months na sila ng kanyang non-showbiz girlfriend. Kung magkakaroon naman daw ng offer ang girlfriend niya to join the business ay hindi ito pipigilan ng aktor.

Isa si Kit sa mga bida ng pangunahing Kapamilya serye na Sino Ang May Sala? sa ABS-CBN kasama sina Tony Labrusca, Jodi Santamaria at Bela Padilla.