Ayaw daw nila ‘yung paliguy-ligoy... KAALAMAN TUNGKOL SA PAGKATAO NG MGA UNGGOY

Maestro Honorio Ong

BUKOD sa pa­giging masayahin at mapagbiro, ang Ung­goy ay sinasabi ring may katalinuhan, pagkatuso at alam niya kung pa­ano huhusgahan at ba­basahin ang mo­ti­bo o iniisip ng kan­yang kapwa. Kaya kung pag-iisipan mo ng ma­sama ang Ung­goy o pagpa­pla­nu­han mo siya ng ga­waing masama, ito ay malabo mong ma­gawa dahil ma­dali niyang na­baba­sa ang masa­mang motibo ng kanyang kaharap. Ang totoo pa nito, bago mo siya malo­ko, mas mau­una ka ni­yang ma­paglala­langan.

Dahil may pagkatuso at matalino, kung sakali mang mauto mo ang Ung­goy o sabihin na nating naihulog mo siya sa pati­bong habang tinatawa­nan mo siya na ang hindi mo alam, pagtalikod mo ay makatatakas at makali­ligtas na siya agad-agad sa kanyang kinahulugan dahil tulad ng nasabi na, sa anumang sitwasyon ng buhay o gaanuman kapanganib na pangya­yari ang kanyang nasu­otan, siguradong makai­isip talaga ang Unggoy ng epektibong paraan upang siya ay makatakas at makaahon ng ligtas sa kahit anumang uri ng suliraning kanyang ma­raranasan.

Oo, ganu’n kaga­ling ang Unggoy, ka­yang-kaya niyang ma­kaahon nang su­wa­beng-suwabe sa ka­hit anumang mabi­bigat na suliranin o prob­lema na kanyang masuo­tan.

Pagkatapos maka-ahon, tiyak na siya ay madali lang at bonggang-bonggang makare-reco­ver at makapagmu-move on.

Dagdag pa rito, dahil likas na matuwid at ma­katarungan, mahihirapan ka ring yayain o kumbin­sihin ang Unggoy na gu­mawa ng pagkakamali o kapalpakan dahil tulad ng nasabi na, likas sa mga Unggoy ang matuwid at palaging nakasandig sa katarungan at pagkaka­pan­tay-pantay ang kani­lang ipinaglalaban.

Ibig sabi­hin, kung nais mong lo­ko­hin ang Unggoy na gu­­mawa ng kamalian o hin­di maka­tarungang mga bagay, malabo mo siyang mayaya o makumbinsi sa nasabing mali o lihis sa ka­butihang-asal na gawain.

Bagama’t, may katali­nuhan at nag-iisip, sina­sabing ang Unggoy ay ma­ikli ang pasensiya at kapasidad na mag-analisa ng mga problema.

Kaya hindi tugma sa kanya ang mga bagay na may mahabang palaisi­pan. Ha­limbawa nito ay ang paglalaro ng chess, mala­bong maging grand­mas­ter ang Unggoy sa na­sa­bing larangan dahil sobra siyang naiinip ka­pag may mahahabang ba­gay na ina­analisa.

Kaya kapag nagdesis­yon sa buhay ang Ung­goy, umasa kang ma­bilis at kaagad niya itong gi­nagawa. Sa ganitong pag­katao niya, ‘yun ngang masyado siyang ma­­inipin, posib­leng hin­­di siya makinig sa kanyang mga kai­bigan o mahal sa buhay na nagku­kuwento ng maha­haba dahil na­ba­ba­got siyang pa­king­­gan ito.

Kumbaga, hindi mo na kailangang dra­­­mahan pa ng na­paka­haba ang Ung­goy.

Gayundin, sa pakiki­pagrelasyon, kung ikaw ay may girlfriend, boy­friend o asawang Ung­goy, hindi siya nanganga­ilangang ng madetalye at mahabang kuwento, sa halip, ang kaunting usa­pan, pero makabuluhan habang magkasama kayo at nakasandal sa ilalim ng malaking punongkahoy na napaliligiran ng kulay berdeng damuhan ay sa­pat na sa Unggoy upang lalo pang uminit at mag-alab ang inyong pagma­ma­halan.

(Itutuloy)