Magsasaka niratrat ng mga armado

MASBATE—Isang magsasaka ang namatay nang barilin ng mga hindi kilalang armadong salarin, kamakalawa sa Bgy. Rizal, Batuan sa lalawigang ito.

Nakilala ang biktima na si Romeo dela Vega, nakatira sa nabanggit na barangay.

Ayon sa ulat, habang nasa labas ng kanyang bahay si Dela Vega ay biglang sumulpot ang mga suspek at agad pinagbabaril ang biktima.

Iniimbestigahan na ng pulisya ang motibo ng mga suspek sa pamamaslang sa biktima.