2 magsasaka tiklo sa marijuana

QUEZON—Dalawang magsasaka ang inaresto ng pulisya dahil sa pagtatanim ng marijuana, kamakalawa sa Bgy. Gulang-Gulang, Lucena City sa lalawigang ito.

Nakilala ang mga suspek na sina Alan Omanga at Michael Lavarro, kapwa residente sa nasabing barangay.

Ayon sa ulat, ilang residente ang nag-report sa pulisya na may tanim na marijuana sina Omanga at Lavarro sa private farm kaya agad rumesponde ang mga awtoridad at dinakip ang dalawang suspek.

Nakapiit na ang dalawang suspek na kapwa nahaharap sa kasong paglabag sa Dangerous Drugs Act of 2002.