Walang paki sa mga bashers… SIGAW NI ARJO: MAINE, WORTH FIGHTING FOR!
MASAYANG-MASAYA si Arjo Atayde sa buhay niya ngayon mapa-career man o love life.
Sa kanyang career, heto’t after 7 years na pagsusuporta sa mga lead stars, finally ay nabigyan na siya ng pagkakataong magbida sa digital series na Bagman ng iWant, Dreamscape Digital at Rein Entertainment.
Sa kanyang love life naman, well, hindi lingid sa kaalaman ng lahat na masaya silang nagmamahalan ni Maine Mendoza na recently nga ay very proud na ring umamin sa buong mundo that they’re dating at inisa-isa pa ang mga dahilan kung bakit siya nagustuhan.
“Masaya po ako. I’m very, very, very happy, I’m contented,” sey ni Arjo sa presscon ng Bagman, ang pinagbibidahan niyang digital series na mapapanood sa iWant.
When asked kung napag-usapan ba nila ang bagay na ito bago ilabas ni Maine sa kanyang blog, ayon kay Arjo ay hindi at personal decision daw ito ng dalaga.
Kahit nga sa gitna ng kaligayahan niya ngayon ay may mga bashers pa rin, ayon sa aktor ay hindi ito mahalaga.
“I am very, very happy and I think, that’s what matters now. My career, ABS-CBN is taking care of me, my personal life is good, my family is fine, they’re all very good, so I’m very happy. Kuntento po ako ngayon, sobra!” pahayag pa ni Arjo.
At kahit nga maraming bashers, talaga namang ipinaglaban din ni Arjo si Maine at sey nga niya nang mahingan ng komento tungkol dito, “As I’ve said last time, she’s worth fighting for, so dedma na lang siguro. I’m happy nga, eh, tulad nga po ng sinabi ko kanina, kuntento na po ako. I’m just really happy, and I see her happy, and I think it’s all that matters to me.”
Diretsong natanong din si Arjo kung siya ba ang dahilan ng pagkabuwag ng AlDub (Alden Richards and Yaya Dub) love team, at ayon sa aktor, “Ay, hindi ko po alam ‘yun, but I’m on a personal side. ‘Yun lang po ang masasabi ko.”
Samantala, sobrang proud si Arjo sa Bagman kung saan ay gumaganap siya bilang ordinary ngunit madiskarteng barbero na kumakayod para sa pamilya subalit naipit sa isang ilegal na gawain para mabuhay ang kanyang pamilya.
Ipinrodyus ng Dreamscape Digital at Rein Entertainment ang Bagman kung saan kasama rin sina Allan Paule, Yayo Aguila, Chanel Latorre at Raymond Bagatsing.
Ang 12-part series na ito ay isinulat at idinirek ni Shugo Praico at nilikha naman nina Lino Cayetano, Philip King at Shugo.
Comments