Ate mo, Kylie, kahit wala sa showbiz… ROBIN, SUPER PROUD KAY QUEENIE NA MUSLIM YOUTH AMBASSADOR

Erlinda Rapadas / TEKA NGA

SUPER proud ang action star na si Robin Padilla sa panganay na anak niyang si Queenie na nahirang recently bilang Muslim youth ambassador ng National Commission on Muslim Filipinos (NCMF).

Nagpahatid ng pagbati sa anak si Binoe nang makita ang Instagram post ni Queenie na kasama ang apo niyang babae.

Kasal si Queenie sa Pakistani na si Usama Rashid Mir. Bilang youth ambassador ng NCMF, nagkaroon ng pagka­kataon si Queenie na makausap/makasalamuha ang mga kababaihang naapektuhan ng Marawi siege at ng naka­raang Cotabato bombings. Sinasaluduhan niya ang tatag ng loob ng mga kababaihang naka-survive sa crisis.

Iniwan ni Queenie ang showbiz at mas piniling ma­ging hands-on mom and wife.