Mga mommy, panalo sa Expanded Maternity Law
GOOD news sa mga working nanay!
Pinirmahan na ni Pangulong Rodrigo Duterte ang Expanded Maternity Law.
Sa bagong batas, magbibigay ng 105 araw na paid maternity leave para sa mga ina na nagtatrabaho sa gobyerno at pribadong sektor.
Puwede ring mag-extend ng pahinga nang hanggang 30 araw bagama’t, hindi na ito bayad.
Samantala, ang mga solo mother naman ay makakukuha rin ng karagdagang 15 araw na leave.
Pagkakataon ito para magpagaling pagkatapos manganak at siyempre, maalagaan din ang bagong beybi.
Maituturing din natin itong isang paraan ng pagkilala sa mga kababaihan na bahagi ng ating labor force. Sa panahon ngayon, malaking bagay na sabay na kumakayod ang tatay at nanay para sa kanilang pamilya.
Samantala, sakto rin ang pagpirma sa nasabing batas para sa pagdiriwang ng Araw ng Kababaihan sa susunod na buwan.
Kaya mga mommy, sulitin ang dagdag-pahinga para sa sarili, sa bagong beybi at sa pamilya.
Comments