Tigdas sa buong mundo, lumala

NAGBIGAY-BABALA ang World Health Organization (WHO) hinggil sa umano’y paghina ng mga programa kontra tigdas sa iba’t ibang panig ng mundo.

Ayon kay Katherine O’Brien, director for immunization, vaccines and biologicals ng WHO, nakababahala ang patuloy na pagtaas ng bilang ng measles case sa kabila ng mahigpit na paalala rito ng mga awtoridad.

Dagdag pa ni O’Brien, hindi lamang mahihirap na bansa ang nakararanas ng outbreak kundi ang mayayamang estado rin na naghihirap na dahil sa naturang sakit.

Batay sa pag-aaral ng WHO, tumaas nang halos 50 porsiyento ang kaso ng tigdas sa buong mundo kumpara noong nakaraang taon.

Gayunman, nasa 229,000 kaso ang naitala kung saan ito ay mas mataas mula sa 170,000 kaso noong 2017 sa buong mundo.