Tren nagbanggaan: 1 todas, 100 nadale

PATAY ang isa katao habang halos isandaan ang sugatan matapos ang banggaan ng dalawang tren sa Spain.

Ang insidente ay naganap sa pagitan ng mga bayan ng San Vicenç de Castellet at Manresa sa layong 35 miles sa hilagang-kanluran ng Barcelona.

Patungo ang isang tren sa Barcelona habang ang isa ay patungo sa Manresa nang magbanggaan ang mga ito sa riles. Ang nasawi ay drayber ng tren habang tatlo sa mga sugatan ang nasa kritikal na kondisyon.

Patuloy pa rin ang imbestigasyon sa sanhi ng naganap na banggaan.