Pareho silang girl ng 'mister' na si Aiza.. LIZA, KUMANTANG BAWAL MAGBUNTIS SA 'PINAS DA

Ador Saluta / ADORE ME!

NAKABINBIN pa ang planong pagbubuntis ni Liza Diño dahil sa dami ng nakalinyang activities niya ngayong 2019 bilang chairperson ng Film Development Council of the Philippines (FDCP).

Napag-usapan na raw nila ito ng partner niyang si Ice Seguerra, at sa Disyembre nitong taon na nga nila ire-resume ang proseso ng kanyang pagbubuntis via In Vitro Fertilization (IVF).

Paliwanag ni Liza, “Yes, the whole process kasi dapat by June, puwede na, pero I asked Ice, ‘Love, banner year talaga ng FDCP itong 2019 kasi 100 years, ‘yung pressure ba.

“‘Allow me muna i-launch the events, create something very significant, tapos sa December, let’s do this.’

“I’m not getting any younger also, pero at the same time, ayoko ring maiwanan ‘yung mga nakahanda naming mga proyekto for FDCP.” Kinumpirma rin ni Liza na sa Malaysia magaganap ang proseso ng IVF dahil hindi pa ito tanggap sa Pilipinas.

Naka-freeze raw ngayon ang mga extracted ovarian eggs mula kay Ice at nakapili na rin sila ng magiging sperm donor — isang foreigner na chef-musician.

Sabi niya, “Yes, it’s actually on its way… frozen transport siya na dadalhin nila for fertilization. Once it’s frozen, ‘yung quality niya is intact naman.” Ani Liza, “The religious views of the country… Dadalhin sa Malaysia kasi bawal dito.

“Nakakalungkot, ‘di ba? There are ethical issues na nagsasabing ‘di puwede. ‘Pag single ka, ‘di puwede, ‘pag same sex kayo, hindi puwede.”

Ayon kay Liza, tila naging advocacy na rin ang kanyang pagbubuntis dahil may mga tumatawag sa kanya at nagtatanong tungkol sa IVF, at marami rito ay mula sa Lesbian, Gay, Bisexual and Transsexual (LGBT) community. “For me it’s also an awareness din, making it easier for them to understand and embrace in vitro.

“It is not something na iba-violate ang mga values natin, no. It’s really just allowing us to experience… ‘Di lahat ng kababaihan, madaling magbuntis. ‘Di lahat sila, fertile gaya ng iba.

“Ang dami-daming mga couples ang nag-reach out sa amin to tell us that they are also going through the same journey.

“LGBT couples na nagkaroon ng pag-asa na puwede pala silang magkaroon ng anak, they try to understand kung ano ‘yung process, magkano ‘yung ginastos, posible ba sa akin ito?”

Ikinuwento rin ni Liza ang bawat yugto ng IVF na haharapin nila ni Ice. “First is the egg retrieval, basically they need to harvest the egg kasi sa labas gagawin ‘yung pagpe-fertilize.

“The second stage is the fertilization, the egg cell meets the sperm cell and they become an embryo that turns into a baby.

“The third phase is when it gets implanted sa akin and the baby starts to grow.

“From December, another nine months for us to expect a baby.

“Hopefully, kung papalarin talaga, December sana matuloy na ‘yung pregnancy ko.”

Hindi maisasantabi na mangarap ang couple na isang mestisuhin o blue-eyed baby ang magiging una nilang supling.

Ibinahagi rin ng aktres kung paano nila pinili ang kanilang sperm donor. “Through website, it just tells you description nu’ng lalaki. May picture, child picture, ‘Ah, ganito hitsura niya, nu’ng bata.’

“Tapos merong adult picture, so makikita mo na ‘yung hitsura niya ngayon. “Walang pangalan, tapos naka-describe. Halimbawa, sasabihin niya, ‘I’m a chef, musician,’ so ‘yun ang mga binabasa namin.

“Tapos ‘yung ethnicity, nandu’n, ‘yung history, may personality test silang tine-take.

“Even ‘yung genetic testing, ginagawa nila para masabi kung fit ba ang genes niya ru’n kay Ice. Halimbawa, ang hinahanap namin ‘yung kapareho ng personality ko, nag-shortlist kami.”

At ang napili nga nila ay isang chef-musician.

“Oo, summa cum laude, he’s into music. He plays a lot of instruments, tapos he loves to cook.”

Look-alike raw ng isang Hollywood actor ang kanilang dream baby?

“Liam Hemsworth? Type namin ‘yung blue eyes. Tawag ni Ice is Superman.” Sey ni Liza, “Siguro, the very reason why we chose an anonymous sperm donor… wala kaming legal issues na haharapin.”

Tungkol naman sa gastos, ipinaliwanag din ni Liza na phase by phase ang payment kaya hindi sila gaanong nahirapan sa funding ng buong proseso.

“Akala namin, isang bagsakan lang ‘yung mga milyon [peso], ‘di namin kaya ‘yun. ‘Yun pala, in phases siya.

“Right now, isipin mo, P300,000, parang kaya naman siya, lalo na si Ice ngayon, puro concerts, left and right.

“It wasn’t hard for us to put together this amount, ‘di siya isang bagsakan, nakakapag-ipon naman siya.”