Magsasaka tinodas ng pamangkin

NORTH COTABATO—Isang magsasaka ang namatay nang barilin ng kanyang pamangkin kamakalawa sa Bgy. Paraiso, Tulunan sa lalawigang ito.

Ang biktima ay nakilalang si Angelito Castaños, samantalang, ang suspek ay si Narito Polvera, kapwa residente sa nasabing barangay.

Ayon sa ulat, nagkaroon ng pagtatalo sina Castaños at Polvera tungkol sa sinasaka nilang lupa na humantong sa pamamaril ng suspek sa biktima.

Nabatid na namatay sa mismong pinangyarihan ng krimen si Castaños, samantalang, kusa namang sumuko sa pulisya ang suspek.