Pahiwatig na magiging mayaman sa kulay pula

Socrates Magnus

Salaminin natin ang pa­naginip ni Marydyn ng Marydyn_Baloy@face­book.com

Dear Professor,

Nanaginip ako na ki­nukulayan ko raw ng pula ang aking buhok, tapos pagtingin ko sa salamin, nakita ko na ang dami ko palang puting buhok.

Pero, nang magising ako, kulay itim ang buhay ko. Ano ang ibig sabihin nito?

Naghihintay,

Marydyn

Sa iyo Marydyn,

Kung gusto mong mag­tagumpay sa buhay, ang payo sa iyo ay makisakay ka sa agos ng panahon. Ang pormulang ito ay mas appli­cable sa negosyo, kumbaga, kung ano ang gusto ng mga tao, ‘yun na mismo ang iben­ta mo.

Dahil ito ang sikreto kung paano liligaya ang tao, ito ang dapat mong gawin kung kontra ka nang kontra, siyempre, hindi ka magiging masaya.

Kung angal ka nang angal, baka wala kang makasama at kung palagi kang nakasa­lungat sa ginagawa ng ma­ra­mi, baka layuan ka ng mga tao.

Pero, dahil “pula” ang ku­lay ng iyong buhok sa pa­naginip, malinaw na ito ay payo kung paano ka kikita ng malaki sa negosyo man o sa trabaho.

Pagmasdan mo ang mga tao lalo na ang kababaihan, matanda, dalaga, bata, may asawa o wala, gustung-gusto nilang kulayan ang kanilang buhok dahil ang pakiram­dam nila, kapag nasa uso sila, sa­saya at gaganda ang kani­lang buhay.

Tingnan mo rin ang mga negosyong maunlad at pa­paunlad pa, may matutuk­lasan kang lihim ng tagum­pay na ang red o pula pala ay kulay na pampabuwenas.

Ang panaginip mo ay nagsasabing, gawin mong paboritong kulay ang pula dahil sure na darami ang iyong kikitain.

Pero, bakit mo nga ba ga­gawin ang hindi mo gusto? Ang sagot ay nagsasabing, ang talagang gusto ng lahat ng tao ay umunlad ang ka­nilang buhay at ayon sa pa­niginip mo, pula ang gamitin mong kulay dahil tulad ng na­banggit na, maaaring uma­senso ang buhay mo at tulu­yan ka nang yumaman.

Muli, sakyan mo ang agos ng buhay at makaaasa ka na dadalhin ka nito kung saan abot-kamay mo na ang tagumpay.

Hanggang sa muli,

Professor Seigusmundo del Mundo