TV host, iba na ang trip… WILLIE, WALANG PA-CHRISTMAS PARTY SA MGA STAFF NG SHOW SA SIYETE

Erlinda Rapadas / TEKA NGA

WALANG bonggang Christmas party ang staff and crew ng programang Wowowin, pero kahit papaano, namud­mod ng pamasko si Willie Revillame pati na sa kanyang mga co-hosts at dancers.

Maging ang mga event marshalls at guards ng GMA Network ay naka­tanggap din ng pamasko ni Revillame.

At ang mga studio audience na duma­rayo pa at galing sa malalayong lugar at grupu-grupong nanonood ng Wowowin ay may pamasko rin. Maging ang mga bata ay binigyan ng jacket at pamasko.

Bongga rin ang premyo ng nanalong choral group sa pa-contest ng Wowowin, ang Charole-rolling, kung saan winner ang Nueva Ecija Singing Ambassadors na tumanggap ng P250,000 cash price.

Twelve ang choral groups na pumasok sa finals. Ang second placer ay tumang­gap ng P20,000. Ang mga non-winners naman ay binigyan ng tig-P10, 000 each.

Samantala, sasamantalahin ni Willie ang Holiday break upang magpa-general checkup. Sa sobrang pagod niya sa teyping ng Wowowin ay halos ma­maos at nawalan na siya ng boses. Pero, masaya siya dahil kahit papaano ay napa­saya niya ang mga viewers ng Wowowin.