Bahay natupok sa sunog
- Pabs Hernandez III
- Dec 22, 2018
- 1 min read
BENGUET—Tinatayang aabot sa P1 milyon ang halaga ng mga ari-ariang tinupok ng apoy sa naganap na sunog sa isang bahay, kamakalawa sa Bgy. Poblacion, La Trinidad sa lalawigang ito.
Kinilala ang may-ari ng nasunog na bahay na si Decenio Dicam, residente ng nasabing lugar.
Ayon sa ulat, biglang sumiklab ang sunog sa bahay ng pamilya Dicam, gayunman, walang iniulat na nadisgrasya sa naganap na insidente.
Patuloy ang imbestigasyon ng mga awtoridad para mabatid ang sanhi ng sunog sa bahay ng pamilyang Dicam.
Comments