Para sa mga dehins pa itong nasusubukan, read n‘yo ‘to, dali! TIPS PARA MAKUMPLETO ANG SIMBANG GABI,

MALAPIT nang mag-umpisa ang Sim­bang Gabi, hindi ka pa ba na­kakukumpleto nito dahil madalas, eh, late ka nang nagi­gising o kaya naman ay hindi ka na na­kaaabot? Huwag kayong mag-alala, mga lodi, dahil na- rito na ang tips para sa inyo upang tulu­yan n’yo nang ma­kumpleto ang Sim­bang Gabi ngayong Pasko:

1. GET SOME SLEEP. Given na ito, beshy, ngunit, hindi ini­rerekomenda na um-at­tend sa misa nang puyat o walang tulog dahil for sure, eh, matu­tukso kang matulog habang nasa misa.

Gayunman, bago ka matulog ay mag-set ka ng alarm upang hindi maging sim­bang banig ang iyong Simbang Gabi. He-he-he!

2. EAT BEFORE GOING TO MASS. Na­ging tradisyon na ang pag-aalmusal pagkata­pos ng misa, ngunit, sigura­duhin mo na may laman ang iyong tiyan bago ka pumunta sa misa upang makapag-focus ka sa homily ng pari at hindi sa tindang bibingka at puto-bumbong sa labas.

Kung hindi mo naman trip na kumain, puwede kang magkape muna nang sa gayun ay hindi kuma­lam ang iyong sik­mura.

3. COVER-UP. Sigu­radong ma­lamig kapag ma­daling-araw, kaya na­man para mati­yak mong matata­pos mo ang misa, ugaliing magsuot o mag­dala ng damit-panlamig nang sa gayun ay maiwa­san mong mangi­nig. He-he-he!

4. BE PUNCTUAL. Upang makakuha ka ng magandang puwesto at maging komportable, ma­halaga na dumating ka sa Simbahan, ilang minuto bago ang oras ng misa.

Huwag ugaliing ma-late kahit ilang minuto lang ‘yan, besh, dapat mong simulan at tapusin ang misa dahil pagbibigay ito ng respeto sa Diyos.

5. BE QUIET. Ma­ging tahimik sa oras ng misa at ituon ang atensi­yon sa homily. Kung may kasama kang magsimba, iwasan ninyong mag-usap habang nasa misa dahil pakikinig sa salita ng Diyos ang ipinunta ninyo sa Simbahan at hindi para magkuwentu­han.

Oh, ayan, mga lodi, sundin ang ilang tips na ito nang sa gayun ay ma­kumpleto ninyo ang Misa de Gallo o Simbang Gabi para matupad ang inyong mga kahili­ngan sa buhay.

Oks ba ‘yun?