Totoong-totoo dahil may personal na hugot... ECHO, UMAMING WALA NA SA SCRIPT ANG MGA SINASABI SA SER

Ador Saluta / ADORE ME!

KESEHODANG late-night na ang airing ng seryeng Halik, walang pakialam ang mga netizens na mag­puyat mapanood lamang ang bawat episode ng pinagbibidahan nina Jericho Rosales (as Lino), Yam Con­cepcion (Jade), Sam Milby (Ace) at Yen Santos (Jackie).

Maraming nakaka-relate sa tila swapping na relasyon ng mag-asawang Jericho-Yam sa isa pang pareha na sina Sam at Yen, na mala-changing partners ang peg.

Ang high ratings ng seryeng umeere pagkatapos ng Ngayon at Kailanman ay utang na loob ng mga bumubuo rito sa mga hugot lines ng mga characters na involved, na may te­mang pakikiapid na laging inaabangan ng mga viewers.

Gaya nu’ng nakaraang Tuesday night (Nov. 20 episode), pinalakpakan ng mga netizens ang eksena nina Jericho at Yam dahil sa palitan nila ng salita. Pang-award, ‘ika nga!

Sa nakaraang panayam kay Echo, ibinahagi niya kung bakit mabenta at bidang-bida ang kanyang mga linya sa Halik.

Sabi niya, “Some of the lines of (my) character Lino were actually improved,” at kanya ring ibinuking na bawat eksena sa series is a collaborative effort between the staff and the actors.

Kumbaga, pakialamero siya sa mga dapat na linyang idaragdag sa kanilang mga eksena.

Paliwanag niya, “Pagdating du’n sa creative, I am so blessed to be with a team and that’s the group of Direk Ruel (Bayani of RSB Unit). Actually, pinapakinggan nila ‘yung comments ko sa script, comments namin sa script. Sometimes I speak for the team. Sometimes I speak for the people. Sometimes I speak for the directors. We all collaborate.”

Sabi pa niya, “Being the man na kami ‘yung nag­kakarga ng characters, so we have to dive in deep du’n sa characters namin and share our creative ideas. And buti na lang, ‘yung directors namin and the entire production listen, open silang makinig. Madalas kasi kami ni Yam (Concepcion) magkaek­sena, eh, marami na kaming eksena ni Yam na improved ‘yung lines.”

Tinanong ang aktor kung anu-ano ang mga linyang kani­lang mas in-improve at mas pinaganda?

“Example, ‘yung humi­ngi [si Jade] ng annulment, ‘yung muntik ko siyang sam­palin, ‘yung sinuntok [ni Lino] si Ace nang nahuli sa bar. Those are all improved, most of the lines came from the heart and the directors, they all trust us when it comes to that kasi nga, alam nila na alam namin ‘yung characters. All I can say is that I am so happy and I feel so honored to be on this kind of position,” pahayag pa ni Jericho.