Most wanted nasakote

TARLAC—Isang most wanted criminal ang nadakip ng pulisya, kamakalawa sa Bgy. Calabangan, Mayantoc sa lalawigang ito.

Kinilala ang suspek na si Feliciano Baquiri, residente ng nabanggit na barangay.

Nabatid na dinakip ng pulisya si Baquiri sa bisa ng warrant of arrest na inisyu ng korte kaugnay sa kinasasangkutan nitong kasong homicide sa Ilocos Norte.

Hindi nanlaban ang suspek nang dakpin siya ng mga awtoridad sa nasabing lugar.