Para raw tipid na masustansiya pa… LANZONES, KERING PANGGAMOT SA ULCER!
PANAHON na ng lanzones, beshy, kaya naman marami na naman ang nagtitinda nito sa palengke. Pero, bukod daw sa likas na itong masustansiya, knows ba ninyong maaari rin itong panggamot sa ulcer? Weh, ‘di nga?
Ang lanzones ay nabubuhay lamang sa mga bansang may tropical weather, ito ay mayaman sa mga bitamina tulad ng Vitamins A, B, at C, riboflavin, ascorbic acid, niacin at marami pang iba.
Gayunman, ayon sa mga eksperto, bukod sa mga bitaminang nabanggit, ang lanzones din umano ay nakabu-boost ng immune system at nakapagpapatibay ng mga ngipin. Ito ay dahil sa taglay nitong phosporous at calcium, gayundin epektibo umano itong pampapayat, kaya sa mga beshy natin diyan na bet nang magbawas ng timbang, alam n'yo na!
Samantala, kung mayroon kayong iniindang sakit ng tiyan dahil sa ulcer, don’t worry dahil mukhang nahanap na ninyo ang gamot para riyan dahil natuklasan sa pag-aaral na ang lanzones daw ay nakabubuti sa ating digestion process.
Dagdag pa rito, epektibo itong panlaban sa cancer sa bituka dahil mataas ito sa fiber, calories, minerals at iron.
Samantala, kung worried kayo sa inyong pagtanda, keri rin 'yang gamutin ng lanzones dahil mayroon itong antioxidant properties.
Kaya kung makakakita kayo ng lanzones, beshy, eh, ‘wag na kayong magdalawang-isip pang bumili lalo na kung pasok naman sa budget ang presyo nito.
Oh, ayan mga beshy, tipid na masustansiya pa, ano pa ang hinihintay ninyo? Bili na! Hi-hi-hi!
Comments