Para sa mga puyat everyday, read n’yo ‘to, dali! PAGIGING TAHIMIK, EPEKTIB NA PANLABAN SA INSOMNIA!

Donna Thea Topacio/ Gulat ka 'noh?!

NAKATIRA tayo rito sa mundo kung saan punumpuno ng kainga­yan dahil sa mga bagay na nakapagpo-produce ng tunog, gayundin ang kakilala nating nasobra­han sa kadaldalan. He-he-he! Pero, alam ba nin­yong ayon sa mga eks­perto, ang katahimikan ay epektibo umanong pan­­laban sa insomnia at ma­rami pang iba? Aha!

Sa pag-aaral ng mga dalubhasa, sinabi nilang ang pagiging tahimik ay mayroon umanong nai­du­dulot na maganda sa ating kalusugan.

Una na rito ang ating memory kung saan ayon sa pag-aaral na nai-pub­lished sa Proceedings of the National Academy of Sciences, natuklasan ni­la na kapag tahi­mik ang isang tao, mas na­giging focused siya sa pag-alaala sa mga bagay na maaaring nakali­mutan na niya.

Gayundin, napaga­gan­da nito ang ating phy­sical health at well-being kung saan nare-reduce nito ang pagkakaroon ng atake sa puso at paghina ng immune system.

Samantala, ang ingay ay may epekto sa ating pa­giging stress dahil lalo nitong nae-elevate ang lebel ng ating pagkainis at pagka-pressure, nang­yayari ito kapag umaabot na sa ating utak ang sound waves na ating na­ri­rinig.

Dagdag pa ng mga eksperto, nalalabanan ng pagiging tahimik ang pagkakaroon ng in­som­nia, kaya sa mga be­shy nating diyang hindi na kaya ang puyat, ma­rahil, ito na ang sagot sa in­yong problema.

Nalalabanan nito ang insomnia sa pamamagitan ng pagme-meditate kung saan naiaayos natin ang ating mindset at nakatu­tulong ito sa atin upang ma-train natin ang ating isip araw-araw para sa ating relaxation response.

Oh, ‘di ba, kaya better daw lodi kung kahit 5-10 minutes, eh, mananahi­mik muna tayo?

Huwag masyadong maingay para magkaroon ng peace of mind.

Gets mo?