Para sure na makuha mo ang position, beshy! TIPS PARA MAKAPASA SA JOB INTERVIEW
BAGO magsimula ang pasukan, marami rin ang nagsipagtapos ngayong Oktubre kaya naman, congratulations! For sure, sa hirap ng buhay, marami na sa ating mga beshy ang maghahanap ng trabaho. Kaya narito ang limang tips kung sakaling tawagan na kayo para sa inyong job interview.
1. CONDUCT RESEARCH ON THE EMPLOYER, HIRING MANAGER AND JOB OPPORTUNITY. Ito talaga ang unang-unang dapat pag-aralan dahil for sure, kapag ikaw ay naimbitahan na para sa job interview, kasama ito sa mga itatanong sa iyo kaya dapat umpisa pa lang, alam mo na, beshy, kung anong landas ang tatahakin mo.
2. DRESS FOR SUCCESS. Talagang importante ang magbihis nang naaayon sa okasyon. Kaya, beshy, kung pupunta ka sa job interview, ‘wag kang magsusuot ng sando, off shoulder, shorts at kung anu-ano pang informal attire kung ayaw mong papasok ka pa lang, palalayasin ka na. He-he-he!
3. ARRIVE ON TIME, RELAXED AND PREPARED FOR THE INTERVIEW. Walang excuse kapag na-late ka sa interview, beshy! Kaya dapat on time o kaya ay mas maaga kang pumunta. Mainam ito para magawa mo pa ang mga dapat mong gawin at nang makapag-relax ka pa. Mahirap na mamaya ay ayos na ayos ka nang umalis ng bahay, pero dahil late ka, nagulo na ang ayos mo, bagsak ka pa sa interview. Tsk!
4. MAKE GOOD FIRST IMPRESSIONS. Isa sa pinaka-rule kapag ini-interview ay ang maging magalang at palabati. Dahil tiyak na ito ang tatatak sa mag-i-interview sa inyo, mga beshy. Kumbaga, ito ang magiging impression nila sa inyo kaya ‘wag kang maging barumbado o mahangin para sure na tatawagan ka pa rin!
5. REMEMBER THE IMPORTANCE OF BODY LANGUAGE. Yes! Isa na rito ang firm handshake dahil ito talaga ang pinakaimportante sa lahat. Gayundin ang smiling, eye contact, solid posture, active listening at nodding. Kaya hindi dapat mali ang maiparating mong body language, beshy, para sureball nang ang sasabihin sa iyo ay: “You’re hired!”
Comments