Kelot tiklo sa boga

BATANGAS—Isang lalaki ang inaresto ng pulisya nang makumpiskahan ng baril, kamakalawa sa loob ng bahay nito sa Bgy. Sapangan, San Juan sa lalawigang ito.

Kinilala ang suspek na si Roderick Reglos, nakatira sa nabanggit na barangay.

Ayon sa ulat, isang kalibre .45 pistola at mga bala ang nakumpiska ng mga awtoridad sa loob ng bahay ng suspek.

Hindi nanlaban ang suspek nang dakpin ito ng mga awtoridad at sinampahan na rin siya ng kasong illegal possession of firearm and ammunitions.