Babaeng tulak timbog

LAGUNA—Isang babaeng drug pusher ang naaresto sa isinagawang drug-bust operation ng pulisya, kamakalawa sa Bgy. Santo Angel Sur, Sta. Cruz sa lalawigang ito.

Ang suspek ay nakilalang si Anna Chan, nakatira sa nasabing bayan.

Nabatid na nakakumpiska ang mga awtoridad ng apat na sachets ng shabu sa pag-iingat ng suspek.

Nakapiit na si Chan na nahaharap ngayon sa kasong paglabag sa Dangerous Drugs Act of 2002.