2 organizers ng NPA, sumurender

@Balitang Probinsiya | July 9, 2020

QUIRINO—Dalawang organizers ng New People’s Army (NPA) ang sumuko sa Philippine National Police (PNP) kamakalawa sa bayan ng Nagtipunan.

Ang mga sumuko ay kinilala ng pulisya sa mga alyas na Ka Sario at Ka Juana Marie, kapwa organizer ng NPA na nakabase sa nabanggit na lalawigan.

Nabatid na isinama nina “Ka Sario” at “Ka Juana Marie” sa pagsuko ang tatlong aktibong miyembro ng NPA na hindi na pinangalanan ng mga awtoridad para sa kanilang seguridad.

Sinabi ng mga sumukong rebelde na nais na nilang magkaroon ng tahimik na pamumuhay kaya nagpasya na silang magbalik-loob sa pamahalaan.

Isinasailalim na sa taktikal na interogasyon ang mga sumukong NPA upang matiyak na bukal sa kanilang kalooban ang pagbabalik-loob sa gobyerno.