2 notoryus na tulak, huli sa buy-bust

@Balitang Probinsiya | August 10, 2020

BOHOL—Dalawang notoryus na drug pusher ang nadakip sa isinagawang buy-bust operation ng mga awtoridad kamakalawa sa Bgy. Taloto, Tagbilaran City.

Kinilala ang mga suspek na sina Kim Rasmussen at Vinz Sumatra, kapwa nakatira sa nabanggit na lungsod.

Ayon sa ulat, may natanggap na impormasyon ang mga awtoridad na nagbebenta ng shabu ang dalawang suspek kaya agad silang nagsagawa ng buy-bust operation.

Nang pagbentahan ng shabu nina Rasmussen at Sumatra ang mga operatiba ay agad dinakip ng mga ito.

Nabatid na nakakumpiska ang pulisya ng 2.5 gramo ng shabu at markadong pera sa pag-iingat ng mga suspek na kapwa nahaharap sa kasong paglabag sa Comprehensive Dangerous Drugs Act of 2002.