2 Bigtime tulak nasakote
- BULGAR
- May 4, 2022
- 1 min read
@Balitang Probinsiya | May 4, 2022
RIZAL – Dalawang bigtime drug pusher ang naaresto sa isinagawang buy-bust operation ng mga awtoridad kamakalawa sa Bgy. Darangan, Binangonan sa lalawigang ito.
Ang suspek ay kinilalang si Ronel Membrebe at Danilo Cado, kapwa nasa hustong gulang at mga residente ng nabanggit na lalawigan.
Ayon sa ulat, nagsagawa ng drug-bust operation ang mga operatiba sa nabanggit na barangay at dito nadakip ang mga drug pusher.
Nabatid na nakakumpiska ang mga awtoridad ng 138 gramo ng shabu at markadong pera sa pag-iingat ng suspek.
Nakapiit na ang mga suspek na nahaharap ngayon sa kasong paglabag sa Comprehensive Dangerous Drug Act of 2002.
Comments