13 ex-rebels, sumurender
- BULGAR
- Jul 27, 2020
- 1 min read
@Balitang Probinsiya | July 27, 2020
ZAMBOANGA DEL SUR—Labintatlong dating miyembro ng New People’s Army (NPA) ang sumuko sa pamahalaan kamakalawa sa Bgy. Ocapan, San Miguel.
Para sa kanilang seguridad ay hindi na pinangalanan ng mga awtoridad ang mga sumukong dating rebelde.
Napag-alamang isinuko rin ng mga dating NPA ang mga dala nilang iba’t ibang uri ng armas at mga bala.
Ayon sa mga sumukong dating rebelde ay matagal na silang kumalas sa NPA at ngayon lang sila nagpasyang sumuko sa pamahalaan para mabigyan sila ng mga tulong pangkabuhayan.
Isinasailalim na sa taktikal na interogasyon ang mga sumukong dating NPA para matiyak na bukal sa loob nila ang pagbabalik-loob sa gobyerno.
Comments