ni Erlinda Rapadas @Teka Nga | May 29, 2026
Photo: Aiko at Onemig - IG
Nakikita ng lahat kung gaano ka-in love sa isa’t isa sina Aiko Melendez at Onemig Bondoc kaya inaabangan na ng lahat ang pormal na pagpo-propose ng aktor.
May naging pahayag na rin si Aiko na handa na siyang magpakasal kung gugustuhin ng kanyang mga anak. At mukhang hindi naman tututol ang mga anak niya dahil tanggap na nila si Onemig.
Sabi nga ni Marthena Jickain na anak ni Aiko, gusto niyang makitang maligaya ang kanyang mommy. At natagpuan na nga nito ang lalaking tunay na magmamahal at mag-aalaga sa kanya.
Marami sa mga showbiz friends ni Aiko Melendez ay botong-boto rin kay Onemig Bondoc. Payo nila ay huwag nang pakawalan pa ni Aiko si Onemig.
Well, sila talaga ang itinakda para sa isa’t isa.
Produkto ng Little Ms. Phils.
ICE, BAGONG DIREKTOR NG EAT BULAGA!
MARAMI ang natuwa sa balitang si Ice Seguerra na ngayon ang direktor ng noontime show na Eat… Bulaga! (EB!) na napapanood sa TV5. Ipinagkatiwala sa kanya nina Vic Sotto, Joey de Leon at iba pang hosts ang pagdidirek ng show.
Sobrang flattered at excited si Ice at hindi makapaniwala. Dati ay contestant lang din siya ng Little Miss Philippines (LMP). Maraming taon ang ginugol niya kasama ang TVJ at iba pang hosts ng EB! at marami siyang natutunan sa mga magagaling na hosts.
Well, for sure, hindi naman mahihirapan si Ice sa pagdidirek ng noontime show. May experience na rin siya sa mga concerts at tiyak na aalalayan naman siya nina Vic Sotto, Joey de Leon at Allan K.
Bukod dito, kabisadung-kabisado na niya ang ugali at mga mood swings ng cast. Madali na siyang mag-a-adjust.
Kaya tumagal ang relasyon…
NICO, TANGGAP NA ANG KAKAIBANG UGALI NI SOLENN
MAY pagka-OC (obsessive-compulsive disorder) pala ang actress at dating ‘It Girl’ na si Solenn Heussaff. Kailangang laging makinis at maayos ang kanilang bahay. Hindi raw puwede kay Solenn na makalat ang mga gamit ng kanyang mister na si Nico Bolzico.
Sobrang obsessed si Solenn sa maayos at organized na gamit kaya madalas niyang paalalahanan ang kanyang hubby na si Nico Bolzico. Dahil dito, binansagan siyang ‘Wifezilla’.
Binu-bully din niya ang kanyang mister kaya akala ng kanilang mga kaibigan ay under-de-saya ito.
Ganunpaman, nakapag-adjust na si Nico sa ugali ng kanyang wifey. Naiintindihan na niya si Solenn at naa-appreciate niya ang pag-aalaga nito sa kanya at sa dalawa nilang anak.
Chill mom ang aktres, habang strict naman pero very protective dad si Nico Bolzico.
Ten years na silang kasal. Simple lang ang gusto nilang buhay. Ang pagta-travel ang kanilang pinaka-bonding na ginagawa nila twice a year.
Well, ang pagiging joker at masayahin ni Nico ang nagustuhan ni Solenn kaya tumagal ang kanilang relasyon.
MARAMI ang nanghihinayang kay Joey Marquez dahil maikli lamang ang naging role niya sa seryeng The Master Cutter (TMC) na pinagbibidahan ni Dingdong Dantes.
Kilala bilang comedian si Joey, kaya malaking challenge para sa kanya ang seryosong role.
Pinuri ng mga viewers ang kanyang performance sa mga eksena nila ni Dingdong Dantes – ang gumanap bilang kanyang anak – na puno ng sumbatan at emosyon.
Gayunman, ilang araw lamang ang kanyang exposure sa serye at agad siyang nawala sa kuwento. Sayang umano dahil bihira siyang mapanood sa dramatic roles.
Well, puwede pa naman siyang muling mag-guest sa ibang GMA-7 shows tulad ng Magpakailanman. May mga nagsa-suggest din na sana ay makasama niya ang kanyang anak na si Winwyn Marquez sa isang guesting.
