Inokray ng mga bashers… IVANA, NAGPAKITA NA NG KALAHATI NG PUWET, SAPAW PA RIN SA ABS-CBN BALL

ni Erlinda Rapadas @Teka Nga | Apr. 7, 2025

Photo: Ivana Alawi - Instagram

Bentahe ang pagiging beauty queen ni Michelle Dee (MMD) nang pinarampa siya sa Pinoy Big Brother (PBB) Celebrity Collab Edition kasama ang ibang housemates.

Walang kahirap-hirap si Michelle nang umawra na mala-model. 

At maging nang dumalo si MMD sa ABS-CBN Ball ay nakaw-eksena siya dahil napakaelegante ng kanyang suot na gown. Hindi siya nagpakabog sa ibang Kapamilya stars sa rampahan. Iba pa rin ang ‘aura’ at impact ng isang beauty queen kapag dumadalo sa mga special events. 

Well, para sa amin, bukod kay Michelle Dee, ay stand-out din sa ABS-CBN Ball (base sa kanilang total look) sina Sharon Cuneta, Kathryn Bernardo, Anne Curtis, Kim Chiu, Julia Montes, Sue Ramirez, Maymay Entrata, Nadine Lustre, Ashley Ortega, Janine Gutierrez at Heart Evangelista. 

Marami naman ang dismayado sa gown ni Julia Barretto, kasi hindi raw bumagay sa kanya. 

Maging si Ivana Alawi ay hindi lumutang sa kanyang sexy pink gown na nagpakita ng kanyang kalahating butt. Inokray-okray tuloy siya ng mga bashers.

---

Umalma ang libu-libong Vilmanians sa lalawigan ng Batangas nang tawaging ‘laos’ ng isang basher si Star for All Seasons Vilma Santos-Recto. Nagalit din at dumepensa ang mga lolo’t lola na nagmamahal kay Ate Vi. 

Para sa mga senior citizens, hindi kailanman mawawalan ng ningning ang isang Vilma Santos kahit bihira nang gumawa ng pelikula. Nagmarka pa rin sa mga Batangueños ang magandang serbisyo niya sa lalawigan ng Batangas. 

Mahigit na 5 dekada na sa showbiz ang Star for All Seasons, sanay na sanay na siya sa mga batikos at intriga, kaya hindi na siya naapektuhan sa paninira ng kanyang mga kalaban. Nagpatuloy siya sa sinserong pagtulong sa mga nangangailangan. 

Nagsimula ang political career ni Ate Vi nang mahalal siyang mayora ng Lipa City. Tatlong termino siya sa kanyang puwesto. Nakuha niya ang tiwala ng mga Batangueños kaya noong 2007 hanggang 2016 ay ibinoto siyang gobernador at nanungkulan ng 3 termino. Naging congresswoman din siya sa 6th District ng Batangas.

Ngayong midterm elections, kumakandidatong muli bilang gobernador ng Batangas ang Star for All Seasons. Vice-governor naman ang anak niyang si Luis Manzano. Ang bunso niyang si Christian ay tumtakbo ring congressman. Dahil dito, hindi nakaligtas si Ate Vi sa issue ng dynasty sa pulitika. 

Gayunpaman, naniniwala si Vilma Santos na basta sinsero ang hangarin nilang magsilbi at makatulong sa kanilang mga kababayan, ang mga Batangueños naman ang huhusga kung karapat-dapat silang iboto. At ilang taon nang pinatunayan ng Star for All Seasons na isa siyang hardworking public servant.

---

TIYAK na maninibago ang mga fans sa bagong hairstyle ngayon ni Barbie Forteza, pero bumagay naman sa kanya ang short hair. Mas bumata siyang tingnan, at mas naging komportable siya sa kanyang “summer look”.

Patuloy namang kinikilig ang mga fans sa tambalan nina Barbie at David (BarDa) Licauco. Marami na ang nag-aabang sa seryeng kanilang pagsasamahan at ang pelikulang kanilang pagtatambalan. 

Sey pa ng mga BarDa fanatics, mahigit 3 buwan nang break sina Barbie at Jak Roberto. Puwede na raw ituloy at seryosohin ni David ang panliligaw kay Barbie. 

Marami rin ang nakakapansin na hindi na asar si David kapag tinutukso sila ni Barbie sa isa’t isa. 

Sa kanyang mga interviews, consistent si David Licauco sa pagsasabing, “I care for her a lot.” 

At inamin din ni Barbie na very caring si David dahil ito ang nag-alaga sa kanya nang magkasakit noong nag-show sila sa Cebu.

---

TIYAK na marami pa rin ang nakakakilala kay Leni Santos, ang kapareha noon ni Rey “PJ” Abellana during the ‘80s. 

Big hit noon sa mga viewers ang serye nilang Anna Lisa (AL). Sumikat nang husto noon si Rey PJ na ama ni Carla Abellana.

Noong 2014, nagkaroon ng reunion sina Leni at PJ nang mag-guest sila sa programang Sarap, ‘Di Ba? (SDB) at sa The Ryzza Mae Show (TRMS). Hindi nagtuluy-tuloy ang pagka-comeback sa showbiz ni Leni, kaya piniling manatili na sa Amerika. 

Pero marami pa rin sa mga dating tagahanga ng Leni at PJ love team ang humihiling na magkaroon sila ng reunion project. 

Kaya naman nagawang kontakin ni Julius Babao si Leni Santos na sa USA na naninirahan ngayon. At si Leni ang kanyang itatampok sa kanyang latest vlog. 

Paniniyak ni Julius Babao, uuwi sa ‘Pinas si Leni Santos para sa exclusive interview niya. Tiyak na marami ang mag-aabang at gustong malaman kung ano ang naging buhay ni Leni Santos nang isantabi ang showbiz.

Pagod na raw kumayod, Aljur… KYLIE, NAGHAHANAP NA NG LALAKING BUBUHAY SA KANILANG MAG-IINA

ni Erlinda Rapadas @Teka Nga | Apr. 6, 2025

Photo: Kylie Padilla - Instagram

Nang maghiwalay sila ni Aljur Abrenica, pinanindigan na ni Kylie Padilla ang pagiging single mom. Gusto niyang patunayan na kaya niyang buhayin ang dalawang anak na sina Alas at Axl.

Kahit papaano, may mga projects naman siya sa GMA Network at nakaka-survive sila. Kinaya ni Kylie ang hindi paghingi ng tulong at financial assistance sa kanyang ama na si Sen. Robin Padilla dahil desisyon niya ang pakikipaghiwalay kay Aljur. 

Pero ngayon, dumating na sa punto na nakakaramdam na rin ng pagod si Kylie sa pagtatrabaho upang itaguyod ang dalawang anak, lalo na’t lumalaki na ang mga ito at nadaragdagan ang mga gastusin at pangangailangan. 

Sa pakikipag-usap ni Kylie sa kanyang Tita BB Gandanghari, nai-share niya ang kanyang nararamdaman. Gusto na rin daw ni Kylie na humanap ng isang katuwang na makakapag-provide sa pangangailangan nilang mag-iina. 

At this point of her life, gusto ni Kylie na makasama nang matagal ang kanyang mga anak at hindi na iiwan ang mga ito kapag may trabaho siya. 

Tuloy, nagtatanong ang mga netizens kung nagbibigay ba si Aljur Abrenica ng sustento sa kanilang mga anak? Ipinaubaya na ba ni Aljur kay Kylie ang responsibilidad na buhayin sina Alas at Axl?

Mabuti na lang at may mga bagong projects ngayon sa GMA si Kylie Padilla. Kasama siya sa Encantadia Chronicles: Sang’gre (ECS), at ganoon din sa My Father’s Wife (MFW) with Gabby Concepcion.

---

Wa’ raw siyang sustento, nambubugbog pa…

RESBAK NI BUBOY: ANGILLYN, MAS UNANG NAGKAANAK SA IBA

PAGKATAPOS ng mga pasabog ng kanyang ex-wife na si Angillyn Gorens, nagsalita na rin ang Kapuso actor na si Buboy Villar sa Fast Talk with Boy Abunda (FTWBA). 

Dito ay isa-isa niyang sinagot ang mga akusasyon na ibinibintang sa kanya ng dating karelasyon na si Angillyn, kung saan may dalawa siyang anak. 

Nasa pangangalaga ngayon ng mga magulang ni Angillyn ang kanilang anak at nahihiram ni Buboy tuwing Linggo. 

Maayos din ang naging usapan tungkol sa sustento ni Buboy sa mga anak, base sa kanyang kinikita sa showbiz.

Itinanggi ni Buboy ang akusasyon ni Angillyn na sinasaktan niya ito. Naging magulo raw ang kanilang pagsasama noon dahil hindi magkasundo ang kanyang ina at si Angillyn, kaya minabuti nilang bumukod ng tirahan.

Ang tungkol sa bago niyang pamilya ngayon ay hindi niya itinago, ipinaalam niya ito kay

Angillyn. Pero ang hindi alam ng marami, naunang nagkaroon ng anak at bagong karelasyon si Angillyn Gorens sa Amerika bago sila nagsama ni Isay Sampiano. Kaya umaasa si Buboy Villar na maiintindihan ni Angillyn kung may bago na rin siyang pamilya ngayon. 

Well, ang publiko na lang ang huhusga ngayon kung sino kina Buboy Villar at Angillyn Gorens ang nasa tamang katwiran at nagsasabi nang totoo.

---

MEDYO may pressure sa parte ni Glaiza de Castro na marami ang nag-aabang at nagtatanong kung kailan sila magkakaroon ng baby ng kanyang mister. 

Ang mga nakasabayang artista kasi ni Glaiza ay may mga anak na at na-experience na ang pagiging nanay. Pangarap din naman ni Glaiza ang makumpleto ang kanilang pamilya. Pero hindi pa nga ibinibigay sa kanila ang kanilang “little angel”.

Anytime raw na dumating ay ready na si Glaiza, puwede muna siyang magpahinga sa pag-aartista. 

Nakikita ng aktres kung gaano kasaya sina Jennylyn Mercado, Anne Curtis, Angelica

Panganiban, Iza Calzado at Solenn Heussaff sa pagkakaroon ng “little princess”. At nasa tamang edad na rin siya upang magkaroon ng anak na bubuo sa kanilang pamilya. 

Well, may ilang commitments lang si Glaiza na dapat tapusin tulad ng Encantadia Chronicles: Sang’gre na may bagong chapter na uumpisahan. Dito ay kasama ni Glaiza sina Kylie Padilla, Sanya Lopez, Gabbi Garcia at Rhian Ramos. Ginastusan ito nang malaki ng GMA Network. 

Halos dalawang dekada na rin sa GMA-7 si Glaiza de Castro at nakagawa na ng maraming serye. Tumatatak sa mga viewers ang bawat character na kanyang ginagampanan. Tiyak na aabangan ng lahat ang karakter ni Glaiza sa ECS.

Name, ayaw ilantad… IVANA, NON-SHOWBIZ ANG BAGONG LALAKI

ni Erlinda Rapadas @Teka Nga | Apr. 5, 2025

Photo: Ivana Alawi - Instagram

Mula nang sumikat at maging top content creator si Ivana Alawi ay pinagpantasyahan na siya ng kalalakihan. Sa mga una niyang vlog ay ipinakita ang kanyang natural na ganda at kaseksihan habang siya ay naglalaba. 

Kaswal na kaswal at walang kaarte-arte si Ivana, hindi siya nagpapa-cute at nagpapa-impress. Effortless ang kanyang pang-akit at umaapaw ang kanyang sex appeal kaya milyun-milyon ang kanyang mga viewers at followers. Marami rin ang humanga sa kanyang pagbibigay ng tulong sa mga kapuspalad. 

Ramdam ng lahat ang kanyang sinseridad sa mga taong tinutulungan niya. Hindi ito scripted at pakitang-tao lamang. Ito raw ang paraan ni Ivana upang i-share sa iba ang mga blessings na kanyang natatanggap. 

Samantala, nagkaroon ng impact sa Pinoy Big Brother (PBB) Celebrity Collab Edition ang kanyang pagiging “first guest celebrity”. Napalabas man siya agad dahil sa pagiging pasaway, nag-iwan naman si Ivana ng magandang impression sa mga housemates.

Sa guesting naman ni Ivana sa Kapuso Mo, Jessica Soho (KMJS), napaamin siya na may “special someone” na siya ngayon. 

Isa raw itong non-showbiz guy pero ayaw isapubliko ang pangalan. Ayaw ni Ivana Alawi ng karelasyong artista, gusto niya ay tahimik ang kanyang love life. 

Kaya marami ang nagtatanong kung rich businessman ba o pulitiko ang kanyang “special someone”. Super rich na si Ivana at dapat na pantayan ito ng lalaking kanyang mapapangasawa. 

Todo-deny din si Ivana sa mga pulitikong nali-link sa kanya.

---

HINDI na talaga mapigil ang pagsikat ng Mommy Grace ni Miguel Tanfelix. Bukod sa guesting niya sa Mga Batang Riles (MBR), marami ring ibang shows na nagkainteres na siya ay i-guest tulad ng Fast Talk with Boy Abunda (FTWBA), Toni Talks (TT), atbp.. 

At dahil malakas din ang feedback sa kanyang vlog, kung saan nagluluto siya ng iba’t ibang putahe, may mga offers ngayon sa kanya upang maging endorser ng mga sangkap sa pagluluto. 

In fact, isang malaking produkto ngayon ang ine-endorse ni Mommy Grace

Tanfelix. It seems dadaigin niya ang ibang sikat na celebrities na dating nag-e-endorse ng mga sangkap sa pagluluto. 

Mas realistic kasi na endorser si Mommy Grace dahil ang husay niyang magluto at maraming nanay ang naeengganyo sa kanya. 

May request nga ang iba na mag-collab sila ni Judy Ann Santos, tapos kunin nilang taga-tikim sina Kara David at Susan Enriquez na mahilig ding kumain at magluto.

Anyway, hindi naman daw nao-offend si Miguel Tanfelix kapag sinasabing mas maraming followers/fans si Mommy Grace. Natutuwa nga si Miguel dahil may ibang career na ang kanyang ina at masaya sa kanyang ginagawa.

Si Miguel Tanfelix daw ang kinakausap kapag may mga offers na endorsements kay Mommy Grace. Siya ang tumatayong manager ng kanyang mom.

Bongga!

---

DAHIL sa sitcom na Pepito Manaloto (PM), nagkaroon ng bagong sigla ang career ni Manilyn Reynes. Kahit hindi nagtuluy-tuloy ang kanyang singing career, nabigyan naman ng pagkakataon na lumabas ang kanyang pagiging natural comedienne. 

Nag-click ang tandem nila ni Michael V. (Bitoy) sa sitcom na PM. Sila ni Bitoy ang naging bagong version ng John en Marsha nina Dolphy at Nida Blanca. 

Fifteen years nang umeere sa GMA-7 ang PM na napapanood tuwing Sabado ng gabi.

Swak din sa istorya ng PM ang mga kinuhang artista na bumubuo sa cast tulad nina Nova Villa, Ronnie Henares, Chariz Solomon, Jake Vargas, Angel Satsumi, John Feir,

Arthur Solinap, Mosang at Maureen Larrazabal.

Taun-taon ay may summer episode ang PM. Madalas ay sa resort ang taping ng show.

Pero mapapaiba ang summer episode ngayon dahil isasabay na rin ang 15th anniversary ng PM, kaya paghahandaan itong mabuti ng buong cast. 

Pangako nga ni Michael V., dobleng saya ang ibibigay nila sa mga viewers ng PM.