‘Wag lang daw free sakay… LIBRENG BIGAS, HIRIT KAY WILLIE

ni Erlinda Rapadas @Teka Nga | April 8, 2026

Photo: IG meryllsoriano

May panawagan ang mga fans ng Wilyonaryo host na si Willie Revillame na bukod sa kanyang pag-sponsor ng libreng sakay sa mga commuters, magpaayuda na rin siya ng libreng bigas sa mga mahihirap. 

Sa sobrang taas ng presyo ng bigas ngayon, halos hindi na kayang bumili ng mga ordinaryong mamamayan. 

Ipinakita na sa mga balita sa telebisyon ang pagdagsa ng tao sa Kadiwa Center ng Department of Agriculture (DAR) office sa Quezon City (QC) upang makabili ng bigas na P20 per kilo. Marami na ang natutulog sa Kadiwa Center para lang makabili ng murang bigas. 

Ang mga senior citizens, PWDs (persons with disabilities), single moms, at mga 4Ps members (Pantawid Pamilyang Pilipino Program) ang prayoridad upang makabili ng 10 kilo ng bigas. Kahit sana tig-5 kilos lang ang maipamigay na bigas ni Willie Revillame sa mga depressed areas, malaking tulong na. 

Sa panahon ngayon na may krisis sa langis, lahat ay apektado ng inflation. Mahal ang lahat ng bilihin, hindi lang ang mga jeepney drivers ang dumaraing at nahihirapan. 

Sana naman, ang iba pang celebrities na milyon ang kinikita ay makaisip na tumulong sa kapwa-Pilipino na nangangailangan.

---

TIYAK na ikatutuwa ni Sen. Robin Padilla ang pagtanggap ni Kylie Padilla sa bagong action seryeng Firewall ng GMA-7. Dito ay kakaibang character ang gagampanan ni Kylie, na punumpuno ng aksiyon. 

Sasabak siya sa matitinding action scenes at mag-aaral ng martial arts at tactical shooting. 

Matatandaan na noong nagsisimula pa lang sa showbiz si Kylie, pangarap na ni Sen. Robin na maging action star ang anak tulad niya. Maaga niyang sinanay noon sa martial arts ang anak upang sumunod sa kanyang yapak. 

Magagamit na nga ni Kylie ang kanyang mga natutunan sa martial arts. 

Kasama rin sa seryeng Firewall sina Jak Roberto, Miguel Tanfelix, at Kyline Alcantara. 

Maging si Kyline ay pinaghandaan nang husto ang kanyang karakter sa Firewall. Sasabak din siya sa mga action scenes at kailangan na physically fit at sanay sa martial arts.

---

MAGSISILBING reunion ng mga dating hosts ng programang MARS ang pagsasama nina Suzi Entrata-Abrera, Camille Prats at Iya Villania sa kanilang podcast na Kami Ang Inyong Mga…. (KAIM). Mapapanood ito ngayon via streaming sa YouTube (YT), Spotify, at Apple Podcasts.

Ang programang MARS, na umere sa GMA Network ay unang pinangunahan nina Camille Prats at Suzi Entrata. Napanood ito sa GMA-7 mula 2012 hanggang 2019. 

Sumunod na nagkasama sina Camille, Iya at Kim Atienza sa MARS Pa More! (MPM!) na nagpaalam sa ere noong 2022.

Sa unang pagsali sa podcast na KAIM, pag-uusapan at babalikan nina Suzi, Camille, at Iya ang kanilang masasayang experiences bilang mga hosts ng MARS. Malalaman din ng publiko kung bakit sila naghiwalay noon at kung bakit iba na ang programa nila.

'Di na raw maaagaw kay Belle... SHUVEE, HAHANAP NA LANG NG KAMUKHA NI DONNY

ni Erlinda Rapadas @Teka Nga | April 7, 2026

Photo: File / Shuvee Etrata IG

May dapat magbantay at mag-advice kay Shuvee Etrata upang hindi siya basta nagbibigay ng pahayag tungkol sa kanyang ultimate crush na si Donny Pangilinan. Lalo lang kasi siyang maba-bash at magiging negative ang kanyang image sa publiko kapag hindi tama ang nabitawan niyang pahayag tungkol kay Donny.

Okay nang inamin niyang sobra ang paghanga niya sa aktor, pero sa ngayon ay may ka-love team na si Donny, si Belle Mariano, kaya nagagalit ang mga fans ng Kapamilya actress kay Shuvee.

Maraming netizens ang na-turn-off nang sabihin ni Shuvee na kung hindi niya maaagaw si Donny ay hahanap na lang siya ng lalaking kamukha ng aktor. Parang ganoon katindi ang paghahabol niya kay Donny.

Celebrity na rin si Shuvee at marami ang humahanga at umiidolo sa kanya. Dapat niyang alagaan ang kanyang image. Huwag siyang magpaka-fangirl nang sobra. Ang dapat niyang asikasuhin ngayon ay ang kanyang showbiz career. Huwag niyang ipilit ang kanyang sarili sa taong committed na sa iba upang hindi siya mabansagang ‘mang-aagaw’.

---

Sorry na lang sa ibang girls... ANDREA, BAGO NI ALDEN

Photo: Andrea Torres at Alden Richards - Instagram

Tiyak na kaiinggitan ng ibang Kapuso female stars si Andrea Torres dahil siya ang magiging leading lady ni Alden Richards sa upcoming primetime series na Code Gray (CG). Gaganap dito si Alden bilang doktor. 

Magaling din namang umarte si Andrea kaya match sila ni Alden. It’s time na muling sumabak sa aktingan ang aktres. Matagal na rin nang magbida siya noon sa seryeng The Better Woman (TBW) sa GMA-7, kung saan kapareha niya ang ex-boyfriend niyang si Derek Ramsay.

May mga guestings at kasama rin naman si Andrea sa mga regional shows ng Kapuso Network, pero iba pa rin kung sa serye siya magbibida dahil mas maganda ang exposure niya. 

Marami nang pagsubok at kabiguan na pinagdaanan si Andrea Torres, pero nananatili siyang matatag at hindi sumusuko. 

Ngayon ay career ang kanyang prayoridad.

---

MARAMI ang natutuwa sa tandem nina Alessandra de Rossi at Empoy Marquez. Nakita ang malakas nilang chemistry noong naging box office hit ang pelikulang Kita Kita (KK). Phenomenal ang success nito sa takilya at marami ang hindi makapaniwala na magugustuhan ang kanilang pelikula.

Kakaiba ang tandem nina Alessandra at Empoy. Kahit na seryosong aktres ito, hindi mapigilan ng lahat ang matawa kapag magkasama sila ni Empoy. Komportable si Alessandra sa kapareha.

May nagsasabing bagay sila bilang partners in real life, pero para kay Empoy Marquez, kapatid lang ang turing niya kay Alessandra de Rossi. 

At kahit na super close sila, hindi niya inisip na magkakaroon sila ng relasyon in real life. 

Sana, gumawa na lang sila lagi ng pelikula dahil gusto sila ng moviegoers.

Si David ang gusto… DERRICK, GAME SA KAPWA LALAKI KAPALIT NG P200 K

ni Erlinda Rapadas @Teka Nga | April 6, 2026

Photo: File / Derrick Monasterio

May ilang humahamon kay Derrick Monasterio kung kaya niyang magpaka-daring at tumanggap ng BL (boys’ love) project. 

Maraming aktor na ang gumagawa nito at tanggap na ng publiko, pero may ilang mga moviegoers na nagsasabing ang dapat gumanap sa BL movie ay mga aktor na macho ang imahe. 

Isa na nga rito si Derrick na nag-react at nagbigay ng pahayag na game raw siya sa BL project kung si David Licauco ang kanyang makakapareha, at kung ang talent fee (TF) na ibibigay sa kanya ay P200,000 per shooting day. 

Well, may producer kaya na susugal sa kondisyon ng aktor? At pumayag naman kaya ang girlfriend niyang si Elle Villanueva?

---

NAKATAGPO na nga ba si Paul Salas ng ipapalit  sa ex-girlfriend niyang si Mikee Quintos? May bago na ba siyang ‘apple of the eye’ ngayon? 

Sa set ng Stars on the Floor (SOTF), madalas biruin at tuksuhin si Paul sa P-pop girl group KAIA member na si Sophia Mercado na isa sa mga contestants. Obvious daw na attracted si Paul kay Sophia, at nakikita ng lahat ang kakaibang spark at kilig nito kapag nakikita o nakakausap niya ito. 

Mismong ang host ng show na si Alden Richards ang nagsabing hindi matatapos ang Season 2 ng SOTF nang walang mabubuong romantic love team sa mga contestants. 

Single naman ngayon ang aktor dahil matagal na silang break ni Mikee Quintos. Inamin mismo ito ng aktres nang mag-guest siya sa Fast Talk with Boy Abunda (FTWBA). Tinapos nila ang relasyon na tumagal nang mahigit dalawang taon. 

Deserve na ni Paul Salas na muling umibig at lumigaya sa sinumang babae na darating sa kanyang buhay. Naka-move on na rin ang aktres sa kanilang breakup at ngayon ay naka-focus ito sa career.

---

HAMON para kina Rhian Ramos at Glaiza de Castro ang pagpayag nilang tanggapin ang GL (girls’ love) movie na I Fell, It’s Fine (IFIF) na idinirek ni Sigrid Andrea Bernardo. 

Daring kung tutuusin ang kanilang desisyon dahil hindi pa ganap na tanggap ng lipunan ang ganitong relasyon. Ilan pa lang ang nag-open-up na involved sa GL relationship, tulad nina Klea Pineda at Janella Salvador. Pero dahil babae ang direktor ng IFIF, cute at walang malisya ang lambingan at kissing scenes nina Rhian at Glaiza sa movie. 

Ayon kay Glaiza, sa puntong ito ng kanyang career, panahon na rin na makita ng publiko na puwede rin siyang magpaka-daring sa role na kanyang ginagampanan. Hindi na siya nakakahon lang sa pagiging kontrabida, at matatanggap na ng mga moviegoers ang pagbabagong ito sa mga projects niya.

---

TAMA lang ang desisyon ng Sparkle star na si Caprice Cayetano na maging solo star muna at hindi dumepende sa ka-love team sa pagsisimula ng kanyang showbiz career. 

Ibini-build-up sana sila ni Heath Jornales bilang love team dahil may mga fans at supporters na sila. May chemistry kasi sila at marami talaga ang kinikilig sa kanilang tambalan.

Ganunpaman, pakiramdam ni Caprice na mas magiging magaan para sa kanya ang maging solo artist habang nagsisimula pa lamang sa showbiz. Hindi siya mai-stuck sa pagkakaroon ng screen partner, puwede siyang tumanggap ng kahit anong role, at puwede rin siyang tumambal kahit kaninong aktor.

Tinanggap naman ni Heath Jornales ang desisyong ito ng aktres. Kahit na sana gusto niyang mas makilala pa nang husto si Caprice Cayetano at magkalapit sila nang matindi, inirerespeto niya ang anumang landas na nais tahakin nito para sa kanyang career. 

Sa ngayon, pareho na lamang silang magsisikap upang maabot ang kanilang mga pangarap sa buhay.