Two-time gold medalist ng Paris Olympics 2024, level-up na… CARLOS YULO, 'DI NA RAW DAPAT TAWAGING 'CALOY'

ni Erlinda Rapadas @Teka Nga | August 11, 2024

Photo: Carlos Yulo / IG

Hindi lang ang tisay na GF ni Carlos Yulo na si Chloe San Jose ang umeeksena at nanggugulo sa buhay ng two-time gold medalist sa Paris Olympics 2024. Pati na ang babaeng nag-sponsor at nag-finance sa training ni Carlos Yulo na si Cynthia Carrion ay nakikisali na rin. 

Pinuna kasi ni Cynthia Carrion ang pagtawag ng ‘Caloy’ kay Carlos. Hindi na raw dapat ito ang itawag ng lahat sa kanya kundi “Carlos Yulo” dahil iba na raw ang status nito pagkatapos manalo ng dalawang gold medals sa Paris Olympics 2024.

Well, maraming kababayan ngayon ang nag-react sa isyung ito, lalo na ang malalapit na kaibigan ni Carlos. Nakasanayan na raw nila ang ganu’ng tawag kay Caloy. Bakit kailangang baguhin pa? 

Puwede naman kung sa mga formal events na magiging guest siya ay “Carlos Yulo” ang itatawag sa kanya ng lahat. Nakasanayan na rin ng ating mga kababayan at mga co-athletes niya ang pagtawag sa kanya ng ‘Caloy’.

---

Nagkita sina Vilma Santos-Recto at Aga Muhlach sa burol ni Mother Lily Monteverde. Balita sa amin ni Aga, may movie silang gagawin ng Star for All Seasons.

Ayaw pang magbigay ng detalye ni Aga kung ano ang title ng movie at kung ano'ng movie outfit ang magpoprodyus, basta kakaiba raw ito dahil suspense-thriller ang tema. 

Matagal ding hindi nagtambal sa pelikula sina Vilma at Aga, kaya excited na silang magkatrabahong muli. 

Samantala, naging emosyonal si Vilma nang magsalita sa eulogy ni Mother Lily Monteverde. Sinariwa niya ang masasayang memories sa Regal Films na nagbigay sa kanya ng mga pelikulang magaganda at relevant. Dito siya nahasa nang husto sa pag-arte. 

Nanalo siya ng Best Actress award sa pelikulang Broken Marriage na produced ng Regal Films. Last movie niyang ginawa sa Regal ay ang Mano Po 3: My Love noong 2004.

Hindi rin malilimutan ni Vilma Santos-Recto noong suportahan siya ni Mother Lily sa kanyang pagsabak sa pulitika. Binigyan siya ng presscon ni Mother noon nang kumandidato siyang mayor ng Lipa City.

---

Proud na proud si Sen. Bong Revilla, Jr. sa kanyang wife na si Congw. Lani Mercado dahil nagtapos ito sa kanyang Masteral Degree sa De La Salle University sa Dasmariñas, Cavite.

Master in Sustainable Leadership and Governance ang tinapos ni Congw. Lani at ginawaran ng highest distinction. 

Sa kabila ng kanyang kaabalahan bilang congresswoman at pagiging full-time wife and mother, nabigyan pa rin niya ng oras ang pag-aaral at pagdaragdag ng kaalaman. 

May panahon pa rin siya sa iba’t ibang charity projects na kanyang sinusuportahan.

Kaya naman, "Superwoman" ang tawag ng marami kay Congw. Lani.

---

May bagong partner at ka-tandem si Susan Enriquez sa programang IJuander na napapanood tuwing Linggo, 8 PM sa GTV. 

Ang Pambansang Leading Man at comedian na si Empoy Marquez ang bagong makakasama ni Susan at tiyak na masaya ang bawat episode ng IJuander. 

Nagpapasalamat naman si Empoy sa GMA Network sa bagong project na ibinigay sa kanya pagkatapos ng action seryeng Black Rider. 

Mahahasa siya sa hosting at may pagkakataon pa siya na makaikot sa iba’t ibang bayan-lalawigan sa ‘Pinas.

Sa first episode ng IJuander na kasama siya ni Susan ay lilibutin nila ang kani-kanilang hometown. Si Empoy Marquez ay tubong-Bulacan at Caviteña naman si Susan Enriquez. 

Tutuklasin nila ang mga masasarap na putahe at delicacies ng Bulacan at Cavite. Magkakaroon din sila ng cooking challenge na Caviteña vs. Bulakeño.

Aktor, dinala sa bahay at ipinakilala na… PAULO, OKS NA RAW SA PAMILYA NI KIM

ni Erlinda Rapadas @Teka Nga | August 9, 2024

Photo: Kim Chiu / IG

Mukhang pasado na si Paulo Avelino sa pamilya ni Kim Chiu.

Kumalat na dumalaw na ang aktor sa bahay ng Chinita Princess at naipakilala na ni Kim sa kanyang magulang at mga kapatid.

Maayos nilang tinanggap si Paulo at walang kumontra sa kanyang panunuyo kay Kim. Hindi na rin sila magtataka kung mauuwi sa magandang relasyon ang lahat.

Pero, may ilang grupo ng mga fans ni Kim Chiu ang hindi pa rin kumbinsido sa ipinapakitang kabaitan ni Paulo Avelino sa kanya. Duda sila kung seryoso ba ang aktor sa panliligaw kay Kim. Hindi kaya sinasamantala lang niya ang pagiging brokenhearted ng Chinita Princess? 

Kabe-break lang din ni Paulo kay Janine Gutierrez. Bakit kailangang manligaw siya agad kay Kim, gayung hindi pa nakaka-move on ang aktres sa paghihiwalay nila ni Xian Lim? 

Sana man lang ay pinalipas muna ni Paulo ang ilang buwan hanggang sa emotionally ready na uli si Kim upang magmahal.

Mas maganda kung manatili muna silang magkaibigan ni Kim upang hindi pagdudahan ang kanyang tunay na intensiyon. 

---

Dating dinudumog ng mga vloggers… DIWATA, LAOS NA AGAD 

Photo: Diwata / FB

Laos na raw ang social media sensation na si Deo Balbuena o mas kilalang ‘Diwata’, ang binansagang Pares Overload Queen.

Hindi na siya gaanong dinudumog at pinag-uusapan ngayon. Konti na rin ang mga vloggers na nagko-cover sa kanya. 

Samantala, kung kailan pa siya nagbukas ng malaking branch ng Diwata Pares Overload sa Quezon City ay saka naman humina ang kanyang negosyo. 

Sandaling panahon lang tumagal ang kanyang kasikatan, so, paano na ang balak na isapelikula ang kanyang buhay? Matutuloy pa ba ito?

Well, ang latest tsika naman na nasagap namin ay ‘yung lumang kaldero na unang ginamit  niyang lutuan ng Pares Overload ay ibinenta niya sa Pinoy Pawnstar na si Boss Toyo, pero sa halagang P3 thousand niya lang ito naibenta na mapapanood sa YouTube (YT) channel ni Boss Toyo.

Phenomenal ang naging pagsikat ni Diwata, kaya malakas ang naging impact niya sa publiko.

---

Sa guesting ni Rufa Mae Quinto sa programang Fast Talk with Boy Abunda, nabanggit niyang naging valedictorian siya nu’ng magtapos ng high school sa St. Vincent School. 

Ngayon lang naungkat ang pagiging valedictorian ni Rufa Mae, kaya marami ang nagtaka at hindi makapaniwala na may taglay pala siyang talino.

Nasanay na kasi ang lahat sa kanyang pagiging jologs at komedyana. Hindi rin naman niya ipinagsasabi at ipinagyayabang ang kanyang mga achievements nu’ng nag-aaral pa.

Well, hinayaan na lang ni Rufa Mae na manatili ang image niyang jologs at kikay dahil dito naman siya nakilala at sumikat sa showbiz, nagkaroon ng maraming projects at datung. 

Ang mahalaga, masaya siyang naninirahan ngayon sa USA pagkatapos magpakasal kay Trevor Magallanes at magkaroon ng isang anak na babae.

---

Maraming taga-showbiz ang nakikisimpatya sa mag-ama na sina Sandro at Niño Muhlach sa kanilang pinagdaraanan ngayon. 

Lalo na kay Niño na naging emotional at tumaas ang BP (blood pressure) nang dumalo sa Senate hearing at isinasagawang imbestigasyon sa kasong kanilang isinampa laban sa dalawang independent contractors ng GMA-7 sa pang-aabuso kay Sandro.

Sobrang damaged sila dahil ang lahat ng sakit at bigat ay nasa loob ni Niño bilang isang ama. 

Naniniwala ang mag-ama na makakamit nila ang hustisya at mapaparusahan ang mga taong sangkot sa pang-aabuso. 

Kailangan ngayon ni Sandro Muhlach ang moral support mula sa kanyang pamilya at mga kaibigan, pati na rin ang mga tao sa movie industry.

Nag-a-undergo siya ngayon ng counseling upang maka-recover sa masamang experience na kanyang pinagdaanan.

Kung buhay pa sana ang Movie Queen na si Amalia Fuentes at si Cheng Muhlach, tiyak na mag-iingay nang husto ang mga ito.

Panakip-butas daw kay Xian… BELA, IBINUKING NA HAPI NA ULI SI KIM DAHIL KAY PAULO

ni Erlinda Rapadas @Teka Nga | August 8, 2024

Photo: Bela Padilla & Kim Chiu / IG

Mag-bff sina Bela Padilla, Angelica Panganiban at Kim Chiu. Nabuo ang kanilang grupo na "AngBeKi" (Angelica, Bela at Kim) dahil sa special friendship nila na umabot na nang maraming taon. 

Hindi man sila madalas na magkakasama dahil pare-pareho silang busy, lagi naman silang nagte-text at nagbi-video call kaya updated sila sa mga kaganapan ng isa’t isa.

Masaya sina Kim at Bela nang magpakasal si Angelica sa businessman na si Gregg Homan. Biniyayaan sila ng isang cute at bibong baby girl. 

Foreigner naman ang boyfriend ni Bela pero wala pang balak na magpakasal. At si Kim Chiu, kabe-break lang kay Xian Lim pero balitang nililigawan ngayon ni Paulo Avelino. 

Base sa isang post ni Bela, nakikita raw niya na may pagbabago kay Kim simula nang nagtambal sila ni Paulo sa isang project. Mukhang bumalik ang saya at sigla ni Kim at hindi na brokenhearted.

Ganunpaman, mukhang hindi pa gaanong kumbinsido si Bela Padilla na ang aktor na ang Mr. Right para kay Kim. Kailangan daw na magkakilala pa sila nang husto ni Paulo. 

Sey naman ng mga netizens, ang bilis ma-fall ni Kim kay Paulo. Hindi kaya love on the rebound lang ito dahil kahihiwalay lang nila ni Xian Lim?

---

Kung titingnan ang panlabas na katauhan ni Kobe Paras, aakalain mong happy-go-lucky guy at isang gigolo. 

Pero in real life, may pagka-old soul siya at conservative type, lalo na at nakakabilib din dahil lumaki siyang hindi spoiled brat.

Marunong daw siyang maglaba, maglinis at magluto. Bibihira sa mga kalalakihan ngayon ang marunong ng gawaing-bahay. Hindi señorito type si Kobe, hindi rin siya masyadong mabarkada. 

Ang kanyang Kuya Andre ang madalas niyang kakulitan, kaya bistado ni Andre kapag may bagong nagpapasaya kay Kobe.

Sa one-on-one interview ni Heart Evangelista kay Kobe Paras ay natanong dito kung ano'ng katangian ang hanap niya sa babae. 

Well, dapat daw ay taglay nito ang 3 Fs — fine, funny and faithful, upang magkaroon siya ng interes sa isang babae. 

Ang simpleng kagandahan daw ni Kyline Alcantara ang nagustuhan ni Kobe Paras. Nakikita rin niyang hardworking at may ambisyon sa buhay ang aktres at malambing kapag magkasama sila.

---

Nagtapos naman pala sa kolehiyo si Coco Martin sa kabila ng pagiging aktibo sa television at pelikula. Graduate siya ng kursong Human Resource Management (HRM). 

Nag-aartista na noon si Coco nang magdesisyon siyang iwan ang showbiz at magtrabaho abroad. Gusto niyang subukan ang kanyang suwerte sa ibang bansa kaya nag-OFW siya at pumasok na janitor sa Canada.

Bukod sa pagiging janitor, sinubukan din niya ang iba’t ibang klase ng trabaho. 

Pero na-realize rin niya na hindi madaling kumita abroad, kaya nagpasya siyang umuwi ng 'Pinas at muling balikan ang pag-aartista. 

Dito niya ibinuhos nang husto ang kanyang atensiyon at panahon dahil na-feel niya sigurong nakatakda siyang sumikat. 

Nagklik ang TV serye niyang Ang Probinsyano at Batang Quiapo na dating movies ni FPJ (SLN). Ngayon ay matatag na ang career ni Coco at marami siyang natulungang jobless na mga kasamahang artista. 

Secured na rin ang future ng kanyang pamilya at financially stable na rin siya ngayon. Kahilera na ni Coco Martin ang mga sikat na action stars.