Ex-GF, ngayong kasal na… GERALD AT DOMINIC, INAABANGAN ANG PAGBATI KAY BEA

ni Erlinda Rapadas @Teka Nga | July 18, 2026

Photo: IG _andersongeraldjr & _dominicroque _bealaonzo

Sobra ang tuwa ni Heart Evangelista nang magkita sila ni Bea Alonzo sa Aivee Clinic.

Nagyakapan sila at binati ni Heart ang bagong bride.

Lahat ng kaibigang artista ni Bea ay masayang-masaya sa kanilang pagpapakasal ni Vincent Co. Matapos maudlot ang kanilang kasal sa Spain noong Mayo, marami ang dumamay at nakisimpatya sa aktres.

Maging ang buong cast at crew ng Whispers from Heaven (WFH) ay masayang bumati nang dumating siya sa taping ng serye.

May inihanda rin silang bouquet of flowers para kay Bea Alonzo.

Ang hinihintay ngayon ng lahat ay ang reaksiyon o pagbati ni John Lloyd Cruz at ng kanyang mga ex-boyfriends na sina Gerald Anderson at Dominic Roque.

Well, tulad ng sinabi ni Vincent Co noong kanilang kasal, wala munang honeymoon dahil pareho silang busy ni Bea. Back to work muna sila dahil may mga commitments pa silang dapat tapusin.

---

Marami sa mga fans ni Maja Salvador ang nag-react sa mga ibinibigay na projects ngayon sa kanilang idolo.

Bakit daw nang mag-asawa at magkaanak ang aktres ay dumalang na ang kanyang shows? Bakit hindi na siya nabibigyan ng lead role sa serye? Bakit ang ibang aktres na nakasabayan niya na nag-asawa na rin ay hindi bumaba ang kasikatan?

Magaling namang artista si Maja. Hindi lang siya pang-love team. Puwede siya sa seryoso at mature na role.

Ang nangyayari kasi ngayon ay parang nagsisimula siyang muli sa kanyang career.

Sana ay maalagaan muli ang career ni Maja dahil isa siya sa magagaling at puwedeng magtagal na artista tulad nina Vilma Santos, Lorna Tolentino, Amy Austria, Aiko Melendez, Judy Ann Santos, atbp..

---

NAGBABALIK sa pagpo-produce ang Cine Suerte Inc. ni Ben Yalung. Tapos na nilang gawin ang pelikulang Teresing: The Lipa Miracle na tampok sina Cherry Pie  Picache, Lloyd Samartino, Epi Quizon, atbp.. Si Ben din ang direktor ng movie.

Dati nang nag-produce ng mga religious movies ang Cine Suerte tulad ng Kristo, na pinagbidahan ni Matt Ranillo III, Birhen ng Manaoag, Ama Namin, at Divine Mercy: Sa Buhay ni Sister Faustina na bida si Christopher de Leon.

Ang mga unang movies na ginawa noon ni Ben ay mga action films. Pero nang maging bahagi na siya ng Oasis of Love, mga religious movies na ang kanyang ginawa.

At the age of 80, malakas pa ring magdirek si Ben. At katuwang niya ngayon ang panganay niyang anak na si Benedict Yalung.

---

MARAMI ang nagtataka kung bakit, sa kabila ng pagkakaroon niya ng successful na resto business sa Angeles, Pampanga ay nagagawa pa rin ni Janna Dominguez ang mapabilang sa sitcom na Pepito Manaloto (PM). 

Siya ang gumaganap bilang isa sa mga kasambahay nina Elsa (Manilyn Reynes) at Pepito (Michael V.). Magkasama sila rito ni Mosang.

Marami rin ang naaaliw sa character ni Janna na medyo mahina ang ulo, pero may hatid na comedy. Madalas ay kontrapelo sila ni Mosang dahil hindi niya agad ma-gets ang mga iniuutos sa kanya.

Kung tutuusin, hindi na kailangan ni Janna Dominguez ang mag-showbiz pa. Kumikita naman ang kanyang resto sa Angeles, Pampanga. Masaya rin ang kanyang family life dahil sa mga anak nila ng dating aktor na si Mickey Ablan, na ex-BF ni Iwa Moto.

Dating sexy star si Janna, kaya marami ang nagtataka kung bakit tumanggap siya ng role bilang kasambahay.

Anyway, maging si Mosang ay may food business din. Maaaring passion lang nila ni Janna ang pag-arte kaya hindi nila maiwan-iwan ang buhay-showbiz.

Kung ang ibang kapatid ng mister, nandu’n… BEA AT VINCENT, ‘DI TITIRA SA COMPOUND NG MGA CO

ni Erlinda Rapadas @Teka Nga | July 17, 2026

Photo: IG mimiyuuuh & _iamhearte

Matapos ang biglaan at sikretong pagpapakasal, maraming fans ni Bea Alonzo ang nag-aabang sa mga susunod na kaganapan sa buhay nila ni Vincent Co bilang mag-asawa.

Saan daw ba magha-honeymoon sina Bea at Vincent? Saan sila titira ngayong kasal na sila? Maaapektuhan ba ang career ng aktres ngayong Mrs. Co na siya?

Excited ang lahat at nagwi-wish na sana ay mabiyayaan sila agad ng mga anak.

Well, isang linggo bago ang kanilang civil wedding ay may nai-post sa social media na babalik na ang aktres sa dati niyang bahay sa Quezon City. Ito kaya ang dati nilang bahay sa White Plains? Ito na kaya ang magiging love nest nila ng mister?

Samantala, isang reliable source ang nagkuwento sa amin na lahat ng kapatid ni Vincent na nag-asawa na ay may kani-kanyang bahay sa compound ng pamilyang Co na nasa Dasmariñas Village sa Makati. Hiwalay ito sa bahay ng parents nina Vincent.

Gusto ng parents ng mga ito na dito rin sa compound tumira sina Vincent at Bea, pero mukhang gusto ng aktres na humiwalay sila ng mister.

---

SERYOSO si Rufa Mae Quinto na ipagpatuloy ang kanyang showbiz career sa ‘Pinas. Wala na siyang balak na manatili nang matagal sa Amerika. Mas komportable siyang magtrabaho sa ‘Pinas dahil narito ang mga dati niyang kaibigan.

Kaya kapag may offers na dumarating ay hindi niya pinalalampas. Wala man siyang exclusive contract ay puwede siyang magtrabaho sa Kapuso, Kapamilya at Kapatid Network.

Nag-e-effort si Rufa Mae na i-reinvent ang kanyang sarili upang puwede siya sa kahit anong klaseng role. Hindi man siya singer o dancer, kinakaya niya at walang inuurungang challenge.

Hindi man siya ang bida sa show, ang mahalaga ay may trabaho siya at kumikita para sa future ng kanyang unica hija.

---

GRABE ang suportang ibinibigay ng mga fans ni Dustin Yu. Talagang gumagastos sila sa mga events para sa kanilang idolo. Okey silang gumastos makita lang at maka-bonding ang aktor.

Aktibung-aktibo ang mga leaders ng fans club ni Dustin. Sila ang nag-o-organize ng meet and greet events. Kadalasan ay may bayad na P1 thousand ang bawat fan na gustong dumalo sa meet and greet event.

Kasama na sa bayad ang libreng merienda, giveaways at iba pang freebies. At may photo op pa sila kay Dustin.

Iba na nga ang henerasyon ng mga fans ngayon. Dati ay mga artista ang gumagastos sa meet and greet ng kanilang mga fans. Ang mga artista rin ang naghahanda ng food at namimigay ng giveaways. Minsan, may transportation allowance pa.

Pero maraming fans ni Dustin ang belong sa upper class at can afford na gumastos.

Ang aktor ay BFF ni David Licauco. Pero mukhang walang mga diehard fans si David na nag-o-organize ng kanyang meet and greet event. Sikat na sikat na kasi siya ngayon at busy sa kanyang mga negosyo.

Kung si Anne, puring-puri na galing sa malinis ang datung… MIMIYUUUH, AFTER PAGKAKITAAN SI HEART, PINATUTSADAHAN SA SOURCE NG YAMAN

ni Erlinda Rapadas @Teka Nga | July 16, 2026

Photo: IG mimiyuuuh & _iamhearte

Maraming fans ni Heart Evangelista ang dismayado ngayon sa sikat na vlogger-content creator na si Mimiyuuuh.

Porke sikat na siya ngayon at kumikita ng milyones ay nagbago na rin daw ng ugali at asta. Nagkaroon na siya ng ere at hindi na naaalala ang naitulong sa kanya noon ni Heart noong nagsisimula pa lang siya sa pagba-vlog.

Dati-rati ay panay ang papuri ni Mimiyuuuh sa pagiging fashionista ni Heart. Malaki ang naging views niya nang mag-collab sila ni Heart at nagkaroon sila ng closet tour kung saan ipinakita ang mga koleksiyon nito ng branded bags, shoes, at designer clothes.

Binigyan pa ni Heart si Mimiyuuuh ng ilan sa kanyang branded items.

Ang pagiging fashion icon ni Heart ang hinahangaan ni Mimiyuuuh na kanyang ginagaya at tinutularan.

Sa kanyang sipag at diskarte, lumaki ang viewership ni Mimiyuuuh at pinagkakitaan niya ang kanyang mga vlogs. Nabigyan niya ng magandang buhay ang kanyang pamilya at nagkaroon ng katuparan ang lahat ng kanyang pinangarap.

Pero sey ng mga netizens, nakalimutan na raw ni Mimiyuuuh ang mga naitulong sa kanya noon ni Heart.

Okay lang na hangaan niya si Anne Curtis na kumikita rin nang malaki ngayon. Pero huwag na niyang sabihin na ang kinita ni Anne ay ‘clean money’, hindi tulad ng iba. Parang may gusto siyang tumbukin at pasaringan, kaya nag-react ang assistant ni Heart.

---

MARAMI ang nagulat at natuwa sa biglaang pagpapakasal nina Bea Alonzo at Vincent Co. Napaka-private ng ginanap na civil wedding, na in-officiate ni Makati Mayor Nancy Binay sa kanyang opisina.

Anim na tao lang ang sumaksi sa kanilang kasal. Wala roon ang kani-kanilang mga magulang. Maging ang manager ni Bea na si Shirley Kuan ay walang alam sa biglaang pagpapakasal niya kay Vincent. 

Wala rin doon si Atty. Lorna Kapunan, na inakala ng marami na siyang gagawa ng prenuptial agreement para kay Bea. Wala rin siyang ideya na magpapakasal ang dalawa.

Gayunman, bago nabunyag sa social media ang naganap na civil wedding, umugong na ang bulung-bulungan na may kasalang magaganap. Sinadya lang daw ilihim nina Bea at Vincent ang kanilang plano matapos maudlot ang kasal nila sa Spain noong Mayo 16.

Umiwas na sila sa media at ginulat na lang ang lahat nang bigla silang magpakasal. Inaasahan pa naman ng lahat na isang magarbong “Wedding of the Year” ang magaganap.

Kasabay ng balita tungkol sa kasal nina Bea at Vincent, muling lumitaw sa social media ang isang lumang post kung saan sinabi ng isang psychic na makapag-aasawa si Bea ng bilyonaryo, medyo mas matanda sa kanya at tunay ang pagmamahal nito. Ikakasal umano siya sa isang civil wedding na medyo private, at nagkatotoo nga!

Magkakaroon daw sila ng dalawang anak – isang babae at isang lalaki.

Well, ang buong movie industry ay natutuwa na finally ay natuloy na ring maging Mrs. Co si Bea Alonzo. Deserve niyang lumigaya.

---

MARAMING viewers ang napahanga sa pagiging astig ni Kylie Padilla sa seryeng Taskforce Firewall (TF). Ginagampanan niya ang papel ng chief ng mga agents na tumutugis sa mga scammers.

Tiyak na ikatutuwa rin ni Sen. Robin Padilla kung napapanood niya ang serye ng anak gabi-gabi. Pangarap noon ni Sen. Padilla na maging action star si Kylie at magmana sa kanya.

Ngayon ay napakagaling na ni Kylie sa paghawak ng baril at pakikipaglaban. Mistulang isang action-suspense movie ang TF, at swak sa serye ang mga karakter nina Miguel Tanfelix, Buboy Villar, Cheska Fausto, Rodjun Cruz, at Jak Roberto.

Maging si Kyline Alcantara ay napasabak din sa bakbakan.

Kinaaaliwan ang showdown nina Kylie at Cheska dahil nalaman na ni Liza (Kylie) na si Cheska ang kabit ng kanyang mister. 

Naging shoulder to cry on naman ni Liza si Hex (Jak).

May matitindi pang misyon sa pagpapatuloy ng kanilang paglaban sa mga scammers.