3 Pinoy seafarers, todas sa pag-atake sa Black Sea

ni Jeff Tumbado @News | August 2, 2026

Photo: Pag-atake sa Black Sea - AP - PTI

Kinumpirma ni Department of Migrant Workers (DMW) Secretary Hans Cacdac nitong Sabado na umakyat na sa tatlo ang bilang ng mga Pilipinong seafarer na nasawi matapos ang pag-atake sa hilagang bahagi ng Black Sea.

“Noong nakaraang linggo, dalawa ang naiulat na nasawi, pero ang iuulat ko ngayon ay may isa pang nadagdag. Kaya tatlo na ang ating mga kababayang nasawi sa mga pag-atake sa mga barkong nakadaong sa mga pantalan ng Ukraine,” ani Cacdac sa Saturday News Forum.

Ani Cacdac, lilipad siya patungong Romania sa Lunes upang bisitahin ang morgue kung saan nakalagak ang labi ng isa sa mga nasawi. Binisita na rin aniya niya ang mga pamilya ng tatlong biktima.

Alinsunod sa direktiba ni Pangulong Ferdinand Marcos Jr., tiniyak ng pamahalaan na maibibigay ang buong suporta at tulong sa mga naulilang pamilya.

Pahingahan, info hub, support space para sa OFWs

ni Gina Pleñago @News | July 6, 2026

Photo: MECO Migrant Workers Office-MWO - DMW & OWWA Kaohsiung

Binuksan noong Hulyo 4 ang bagong MWO-OWWA Kaohsiung Office at OWWA Migrant’s Brew upang mas mapalapit ang serbisyo ng pamahalaan sa overseas Filipino workers sa Southern Taiwan.

Ang Kaohsiung Migrant’s Brew ay ika-41 sa buong mundo at ikatlong itinayo overseas. Magsisilbi itong pahingahan, information hub, at support space para sa mga OFW.

Pinangunahan ng OWWA, DMW, MECO, partner agencies, at Filipino community organizations sa Taiwan ang blessing at inauguration ng bagong tanggapan.

Apektado ng gulo sa Middle East... OFW, puwede nang i-withdraw ang ipon sa Pag-IBIG

ni Mylene Alfonso @News | April 7, 2026

Photo: Bongbong Marcos / FB

Inaprubahan ni Pangulong Ferdinand Marcos, Jr. ang “special benefits package” na magpapahintulot sa mga umuuwing overseas Filipino workers (OFWs) mula sa Middle East na makapag-withdraw agad ng kanilang ipon mula sa kanilang Home Development Mutual Fund o Pag-IBIG Fund bilang pagkilala sa kanilang sakripisyo.

Sinabi ni Palace Press Officer Undersecretary Claire Castro na sa ilalim ng specialty package ng Pag-IBIG maaari nang ma-access ng mga kwalipikadong OFW ang kanilang Pag-IBIG savings kung kakailanganin.

“Ibig sabihin ay puwede nang i-withdraw ng mga qualified beneficiaries ang 100 percent ng kanilang regular savings kasama ang employee share, employer share at dividends earned kahit hindi pa sila umabot sa 20-year maturity,” pahayag ni Castro sa Palace briefing.

“Maaari na rin nilang i-withdraw ang aabot sa 100 percent ng kanilang modified Pag-IBIG 2 o mas kilala sa tawag na MP2 Savings kasama na ang kinitang interes bago pa man ang five-year maturity nito,” aniya.

“Puwede ring mag-avail ang mga nasabing OFW ng three-month moratorium sa kanilang Pag-IBIG housing payments na walang dagdag na interes o penalty, ie-extend na lamang ang loan term ng tatlong buwan, walang dagdag na babayaran,” saad pa ni Castro.

Nabatid na ang bagong package ay tutulong sa mga OFW na tumatakas mula sa sigalot sa pagitan ng puwersa ng US-Israeli at Iranian upang makapagsimulang muli sa

Pilipinas.

Ayon naman kay Human Settlements and Urban Development’s Secretary Jose Aliling, napapanahon ang benefits package na ito upang makabangon ang ating mga bayaning OFW na lubos na naapektuhan ng tensyon sa Gitnang Silangan.