‘Di raw kailangan ng mamahaling regalo… DANICA, GUSTONG MA-SOLO SI MARC KAHIT 2 DAYS LANG

ni Beth Gelena @Bulgary | August 1, 2026

Photo: FB Danica Sotto Pingris

May pakiusap si Danica Sotto sa mister niyang si Marc Pingris.

Sa isang episode ng House of D (HOD), ibinahagi ng aktres ang kanyang kahilingan sa asawa na dating PBA player.

Ipinahayag niya na kahit lubos na panatag si Marc sa kanyang pagmamahal, gusto rin niyang pahalagahan nito ang kanyang katapatan.

Binigyang-diin ni Danica na napakahalagang mapanatili ang matibay na ugnayan bilang mag-asawa dahil kalaunan, lalaki rin ang kanilang mga anak at aalis sa kanilang tahanan, at silang mag-asawa na lang ang maiiwan.

Ang pagpapanatili ng isang matibay na pagsasama ay nangangailangan ng pagsisikap, komunikasyon at oras.

“I feel kasi sometimes he’s so secure with my love for him. Alam n’yang I’m there, secure s’ya, alam n’yang ‘di ako gagawa ng kalokohan. But I also want him to value my loyalty and show that to me,” sambit ng anak nina Dina Bonnevie at Vic Sotto.

Sinabi niyang hindi mahalaga ang mga materyal na bagay. Sa halip, ang mga simpleng pag-uusap at mga personal na sandali ang siyang nagpaparamdam sa kanya ng pagmamahal.

“Dahil ang alam ko sa pagmamahal ay oras. ‘Di mo ako kailangang bilhan ng mamahaling regalo, alam ‘yan ng mga kaibigan ko. Kausapin mo lang ako, ‘Kumusta ang araw mo?’ Kasi bilang nanay, ang sasabihin mo, una, mga anak mo muna. 

“S’yempre, ‘di mo naman puwedeng kasama ang biyenan mo, lalo na’t tumatanda na rin s’ya. Pero ang hinihintay ko lang sa kanya, ‘Sana, Marc this year, may ‘me time’ rin, one trip. Wala akong pakialam kung nasa ibang bansa ka o nandito, ibigay mo lang sa akin — dalawang araw na tayo lang.’”

Paliwanag pa ni Danica, bagama’t lubos niyang pinagkakatiwalaan si Marc at alam niyang isa itong mabuting asawa, dapat maging maingat ang mga mag-asawa na huwag abusuhin ang pagmamahal ng isa’t isa.

“You know that secure ka sa love ko, pero ‘wag mo rin namang abusuhin na okay lang ‘yan, nand’yan lang si Danica,” aniya pa.

---

BINALIKAN ni James Reid sa The B Side (TBS) ng Cinema One ang paggawa ng pelikulang Never Not Love You (NNLY) kasama si Nadine Lustre at sinabi niyang isa itong ‘crazy project’ dahil kakaiba ang paraan ng pag-shoot nito.

“That was a crazy project,” ani James.

Wala raw halos kumpletong script. Marami sa mga eksena at linya ay improvised o kusang nabuo habang kinukunan.

Kakaiba rin ang direksiyon ni Antoinette Jadaone. May mga pagkakataong magkaiba ang utos niya sa dalawang bida.

Halimbawa, kay James, “Siguraduhin mong ‘di aalis si Nadine.”

Kay Nadine naman, “Umalis ka.”

Dahil dito, naging mas natural at matindi ang emosyon sa eksena.

“It was definitely something more mature. Even from the coloring and everything, it’s darker... because it’s not exactly like a ‘happily ever after’.

“It’s a bit more nuanced than that... a bit more complicated. So that was definitely a step up from the projects that we had done, as it should be... as we were growing up and maturing,” pagbabahagi pa niya.

---

Tutuluyan daw dahil sa pagnanakaw…

LAKAM, TAMEME KAY KIM

INIULAT na itutuloy ng Kapamilya actress na si Kim Chiu ang pagsasampa ng kasong legal laban sa kanyang kapatid at matatag siya sa kanyang desisyon.

Noong nakaraang taon, pormal na nagsampa ng kaso si Kim laban sa kanyang Ate Lakam Chiu.

Ang reklamong pagnanakaw laban kay Lakam ay dahil umano sa pagsusugal nito.

“Nalulong s’ya sa pagsusugal. Madalas s’yang makita sa Solaire o sa casino sa isang hotel. Nalugi si Lakam ng daan-daang milyong piso mula sa kinita ni Kim dahil sa pagsusugal sa nakalipas na dalawang taon,” sabi ni Atty. Jesus Falcis.

Sa ngayon ay wala pang pahayag ang ate ni Kim kaugnay ng inilabas na statement ng Star Magic na itutuloy ng kanilang talent ang kaso laban sa kapatid nito.

Bawat buka raw ng bibig, sablay… NETIZENS KAY SEN. ROBIN: NAKAKAHIYA KA!

ni Beth Gelena @Bulgary | July 31, 2026

Photo: FB Robin Padilla

Isang netizen ang nag-post sa Threads tungkol sa sagupaan nina Sen. Robin Padilla at Jay Tristan Tarriela, isang rear admiral ng Philippine Coast Guard (PCG) at tagapagsalita nito para sa West Philippine Sea (WPS). Isa siya sa mga pangunahing opisyal na nagbibigay ng update tungkol sa mga insidente sa WPS at sa mga operasyon ng PCG.

Sey ng isang netizen, “Ang Shakit (sakit), Rub-IN (Robin). Ang sabi ko sa ‘yo, bago ibuka ang bibig, pag-isipan nang hundred folds. ‘Yan tuloy, ikaw na naman. Pambansang Dugol. 

“Mga Kumarites, sayang pera ng bayan sa ganitong senador.”

Nag-ugat ang sagupaan nina Tarriela at Padilla sa AI-generated video ng China Daily na naglarawan sa mga Pilipino bilang mga unggoy sa gitna ng isyu sa WPS.

Sinabi ng senador na si Tarriela umano ang ‘drew first blood’ o nagpasimula ng paglala ng ‘wartime propaganda’ laban sa China dahil sa transparency campaign ng PCG tungkol sa mga insidente sa WPS.

Tumugon si Tarriela na hindi propaganda ang kanilang ginagawa kundi pagdodokumento lamang ng umano’y pangha-harass ng China sa mga Pilipinong mangingisda at mga barko ng PCG at Bureau of Fisheries and Aquatic Resources (BFAR).

Pinuna rin ni Tarriela ang naging pahayag ni Padilla tungkol sa ‘monkeys of different colors’ at iginiit niyang “Hindi po tayo unggoy,” at hindi dapat tanggapin ng mga Pilipino ang ganitong uri ng panlalait mula sa kahit na anong bansa lalo na sa China.

Siyempre pa, ang mister ni Mariel Padilla na naman ang binanatan ng mga bashers.

“Robin, everytime you speak, maraming controversies. Think before you speak. Make some sense naman. Nakakahiya ka, eh.”

“Tagos sa buto ‘yun, Robin. Frontliner ‘yan ng bansa, ikaw backliner. Sasakay ka ng bus liner ‘pag nagkagera.”

“Yes, Commodore Tarriela, gusto ko ‘yan, walang takot mangatwiran sa senador na walang alam.”

“Go, Sir PCG Jay Tarriela, for our motherland.”

“Taumbayan din ang may kasalanan, ibinoto s’ya kahit walang alam.”

“I salute you and proud of you, PCG Jay.”

“Kaya malakas ang loob ng mga Intsik na ‘yan dahil kinakampihan ng senador na ‘yan.”

May ilan namang nagtanggol sa senador.

Sey ng isang fan, “Bobo ‘tong si Tarriela. ‘Di n’ya ba alam kung ilan ang nailigtas ni Sen. Robin sa Abu Sayyaf?”

Sa ganang amin, kaya malimit magtanong ang senador ay dahil gusto niyang malaman kung ano talaga ang sitwasyon.

Hindi sa kinakampihan niya ang China. Siya lang kasi ang may lakas ng loob na magtanong upang maintindihan ng buong bayan ang buong pangyayari.

---

JM, HINALIKAN AT SINABIHAN NG “MASARAP KA” ANG ISANG BATA, NA-BASH

UMANI ng batikos mula sa mga netizens ang Kapamilya actor na si JM de Guzman matapos umanong sabihang ‘masarap ka’ ang isang bata.

Sa isang kamakailang post sa Reddit, isang netizen ang nagbahagi ng video na umani ng mga negatibong komento laban sa aktor.

Makikitang hinalikan ni JM ang bata sa pisngi. Pagkatapos, may sinabi siyang hindi marinig, pero idiniin sa video na sinabi umano ng aktor sa bata na “Masarap ka.”

Pagkatapos noon, pabirong itinuro ng direktor ang kumukuha ng video at sinabing mahilig itong mag-post sa social media. Habang nakangiti, sinabi ni JM na baka magalit ang ina ng bata.

“‘Di ko masyadong maintindihan ‘yung ibang part na sinabi, pero it’s giving me creepy vibes. Hinalikan pa talaga. 

“Sabi sa comment section, ang narinig daw nila ay ‘‘Wag kang magpapaiyak ng mga babae, ha, pasarap lang.’ Mali pa rin ‘yun! Kitang-kita sa body language ng bata na alam n’yang may mali.

“Sa showbiz industry, normal na mag-joke ang mga manipulative predators,” ayon sa caption ng post.

Sa comment section, binatikos din ng ilang netizens ang actor.

“Baka kaya bet na bet n’ya si Donnalyn Bartolome kasi may pagka-childish vibes si girl. Hahaha! Remember nu’ng nag-cosplay s’ya bilang young girl o toddler? Na-bash s’ya ru’n.”

“There are so many clowns in ‘Pinas and others even continue idolising them. Don’t watch this garbage.”

“Kinabahan pa kasi may nagbi-video. Paano na lang kaya s’ya umasta sa harap ng mga minor kung walang camera?”

---

SI Angel Locsin ang nasa ikatlong puwesto sa Most Followed Celebrity on Facebook 2026. Nakapagtala ang aktres ng 24 million followers. Ang listahan ay may sariling pamantayan dahil hindi isinama ang content creators, influencers, vloggers at bloggers.

Hindi ito listahan ng lahat ng may pinakamaraming FB followers kundi ng isang partikular na kategorya ng mga celebrities. 

Hindi ito nangangahulugang siya ang pangatlong may pinakamaraming Facebook followers sa lahat ng public figures o celebrities sa buong mundo.

Well, ilang taon ding naging inactive ang actress sa kanyang social media. Kamakailan lang niya muling binuksan sa publiko ang kanyang platforms nang i-call out niya si Sen. Robin Padilla.

Ilan sa mga komento ng mga netizens:

“‘Yan ba ‘yung may pinagdaraanan dahil nagsasabi lang ng totoo? Congrats, Ma’am.”

“Congrats, Ms. Angel! Ang bait mo kasi at matino ang pag-iisip.”

May pasaring naman ang isang commenter sa misis ni Robin, “Mariel Rodriguez Padilla, 5.6M followers.”

“Sabi n’yo, laos. Inactive pa ‘yan, ha?”

“‘Yan ba ang tinatawag na laos?”

“Ang alam ko, ilang beses s’yang pinuntahan ng ABS-CBN para bumalik sa showbiz pero declined pa rin.”

Anak, nasa tamang edad na raw… GOMA, ‘DI NAKIKIALAM SA RELASYON NINA JULIANA AT RICCI

ni Beth Gelena @Bulgary | July 30, 2026

Photo: IG _richardgomezph

Nakapanayam si Richard ‘Goma’ Gomez nang um-attend siya sa State of the Nation Address (SONA) 2026 ni Pangulong Bongbong Marcos (PBBM) last Monday, July 27.

Sinabi ng aktor-pulitiko na hindi niya pinakikialaman ang buhay-pag-ibig ng nag-iisang anak na si Juliana Gomez. Ipinaliwanag ng aktor-pulitiko na nasa hustong gulang na ito para magdesisyon para sa sarili.

Pero bilang ama, binigyan niya ito ng isang malinaw na tuntunin kung paano dapat pormal na ligawan siya ng isang lalaki. 

“Wala namang problema sa akin kung nakikita silang dalawa, lumalabas sila. Alam mo, si Juliana is of age already, and wala namang bawal.

“Basta sinabi ko sa kanya nu’ng una, kung manliligaw sa ‘yo ‘yung lalaki, du’n s’ya manligaw sa bahay,” bulalas ni Goma.

Tinanong din ang kongresista kung kinausap ba siya ni Ricci bago nito niligawan si Juliana. Kilala na niya si Ricci dahil napanood na niya itong maglaro noong nasa

Unibersidad ng Pilipinas (UP) pa ito.

“Nalaman ko talaga na may nanliligaw pala sa kanya na basketball player. Oo nga, oo nga. Kasi napapanood ko sila dati nu’ng player pa sila sa UP,” pagbabahagi niya.

Tinanong kung binalaan ba niya si Ricci na huwag saktan ang kanyang anak. Sabi ng aktor, hindi na siya nagbigay ng ganoong babala.

“‘Di naman. Basta nakikita ko lang sila na masaya, okay na ako,” saad ni Goma.

Wala namang tinukoy si Goma kung kailan nagsimula ang relasyon nina Juliana at R

---

INAMIN ni IC Mendoza na muli siyang nanigarilyo matapos ang walong taon na pagiging smoke-free.

Nagsimula umano ito nang bumiyahe siya sa South Korea, kung saan paminsan-minsan niyang ginagawa ito hanggang sa maging regular uli.

Sa halip na sisihin ang sarili, nagpasya siyang huminto ulit at ibinahagi ito sa publiko upang maging accountable sa kanyang pangako.

Sey niya, “Ngayon, pinili kong sumuko muli. Walang pagkakasala. Walang dahilan. Isang panibagong pangako lamang.”

Dagdag pa niya, “Kinaya ko ng 8 years, so for sure, kayang-kaya ko ulitin... This time, for good na!”

Maraming netizens ang nagpahayag ng suporta at nagsabing naging inspirasyon ang kanyang pagiging tapat tungkol sa pagkakaroon ng setback.

Si IC ay apo ng yumaong Inday Badiday (RIP), na ang tunay na pangalan ay Lourdes ‘Luds’ Carvajal.

Ang ina ni IC ay si Dolly Anne Carvajal, anak ni Inday Badiday.

---

EXCITED ang Diamond Star na si Maricel Soriano sa pagbibidahang entry ng Regal Films sa Metro Manila Film Festival (MMFF) 2026, ang Haunted Carnival (HC). 

Pinuri ng beteranong aktres ang husay sa pag-arte ni Fyang Smith matapos niya itong makatrabaho noon sa isang vlog.

Ibinahagi ni Marya na tuwang-tuwa siyang malaman na makakatrabaho niya sina Fyang at Julia Barretto. 

“Na-excite ako kasi nai-guest ko na s’ya sa vlog ko. Pinaarte ko ‘tong batang ‘to. Sabi ko, 'Ah, ang husay-husay mo naman pala!' Tuwang-tuwa talaga ako sa kanya kasi ang galing-galing n’ya. Sabi ko, ‘Anak, ang husay-husay mo!’ Tapos, nu’ng malaman ko na ang makakasama ko rito ay s’ya at si Julia (Barretto), sabi ko, ang gaganda ng mga kasama ko at saka mga ka-height ko lang sila,” sabay tawa ni Marya.

Ine-encourage niya ang aktres na yakapin kung ano siya at hayaan ang mga tao na makilala siya sa sarili niyang mga tagumpay sa halip na ikumpara ang sarili sa mga nauna nang sumikat na artista.

“Nakakataba ng puso ‘yan. Pero ang gusto ko i-advise sa kanya, 'Alam mo, anak, you’re your own person. ‘Pag dumating ‘yung tamang pagkakataon, maipapakita mo sa kanila ‘yung totoong Fyang, ‘di ba? Kasi gusto ko, ikaw. Dahil dapat, ikaw ang makita nila. I want them to see you—kung gaano kalayo na ang narating mo, kung gaano kataas na ang naabot mo,'” taos-pusong sabi ni Marya.

Samantala, bagama’t hindi pa nagsisimula ang paggawa ng pelikula, inamin ng premyadong aktres na nasasabik na siya sa horror project na kanilang gagawin. 

Ibinahagi ni Maricel na hindi pa niya nababasa ang kumpletong iskrip. 

Aniya, “‘Di ko pa nabasa ‘yung script pero nakita ko agad, ang dami mo kasing puwedeng gawin sa karnabal na nakakatakot. Ang dami. Siguradong magiging maganda.”