Knows mo ba ‘yan, Bea? SUE, IBINULGAR KUNG BAKIT SWAK SILA NI DOMINIC

ni Beth Gelena @Bulgary | Apr. 27, 2025

Photo: Sue Ramirez - Dominic Roque

Hindi naniniwala si Sue Ramirez sa “the one that got away” o TOTGA.  

Paliwanag ng aktres, “Ako dati, naniniwala ako sa TOTGA. Recently, pinag-isipan ko, is there such a thing?” tanong daw niya sa sarili.  

Aniya, “Parang isn’t it, we are here because we are meant for something? It is an experience, eh. You learn from it. But if you live with no regrets, walang TOTGA. Recently ko lang na-realize, hindi pala ako naniniwala.”  

Tinanong naman siya kung naniniwala siya sa “the one”.  

“I think hindi mo malalaman. Something pipiliin mo. Walang perfect na tao, hindi lahat ng ideals, makikita natin sa isang person at maa-achieve. Pipiliin mo ‘yung taong gusto mong mahalin,” esplika naman niya.  

“Parang for me, love really is a choice. Choosing that is changing person every time. Love mo pa rin, hindi nababawasan ‘yung pagmamahal mo. Iba-iba tayong tao, hindi lahat ng gusto natin, makukuha natin sa isa. But if we choose this person, and we learn to love this person sa kabila ng pagkakamali niya, past niya and future, ‘andoon tayo. More than commitment, paninindigan s’ya,” dagdag pa ni Sue.  

Sa relasyon nga raw nila ni Dominic Roque ay walang pressure.  

“Ang saya lang. Masaya lang kaming lumalabas. We enjoy time together. We go on adventures. We eat the best food together. Mahalaga ring foundation na you find interests and so far, swak naman,” pagbabahagi ng aktres. 

---

Pinasalamatan ni Rachel Alejandro ang longtime girlfriend ng kanyang late father na si Hajji Alejandro, si Alynna Velasquez.

Twenty-seven years na magkarelasyon ang ama at si Alynna.

Ani ng singer sa Facebook (FB) ni Alynna, “Thank you for loving him.” 

May post si Alynna na dumalaw siya sa “Walk of Fame” sa Libis kung saan isa sa mga nandu’n ang namayapang singer.

Aniya, “I was unable to go to your wake for reasons I don’t have control of. But I am glad I

am here to pray for you and watch your star shine (sun emoji)! I want to thank Eastwood City Walk of Fame for giving you honor today. You truly are a legend and your wonderful music will live on forever.  We love you so much! #HajjiAlejandro #iMissYouLove #HappyAnniversary (heart and praying emoji).”

Rachel simply commented on Alynna’s FB post last Thursday. 

Sabi naman ni Alynna sa tribute ni Rachel kay Hajji, “The best father and daughter team.”

Dagdag pa niya sa caption, “I love you both.”

“The strength of your bond and mutual support is immeasurable,” wika pa niya.

Ayon pa kay Alynna, “The father and daughter are such impactful performers that every show is a lasting memory for their audiences. Bravo!”

---

DESIDIDO na si Alden Richards na ituloy ang matagal na niyang dream na maging piloto.

Matutupad na ito dahil sa post niya sa Instagram (IG) page, may picture siyang nakalagay ang logo ng Alpha Aviation Group at caption niya: “Reaching new heights one flight at a time.”

Ani ng kanyang mga supporters: 

“‘Pag nagkataon, s’ya ang pinakaGUWAPOng piloto to fly with!”

“Wow! Support natin ‘yan. Walang pinipiling edad ang pagtatapos ng pag-aaral and good job ka d’yan, Alden!”

“Okey na fall back ‘yan from showbiz. ‘Yung iba kasi, ang retirement plan, eh, maging trapong pulitiko.”

“He’s doing that because it’s his father’s dream for him. I don’t think he has anything to worry about money wise pagdating ng panahon. He’s invested well.”

“Fallback n’ya mga restos and fast food chains n’ya, his production company, etc. This pilot thing is just him fulfilling his childhood dream.”

Wow! Ang daming ganap ni Alden Richards.

Piktyur, viral… PIOLO AT FIL-CHINESE MODEL, SUPER-SWEET SA YATE

ni Beth Gelena @Bulgary | Apr. 26, 2025

Photo: Kim Rivera at Piolo - Instagram, Circulated

Trending ang larawan ni Piolo Pascual sa socmed na may kasamang Filipino-Chinese model. Pumukaw ng atensiyon ang naturang larawan dahil tila sweet umano si Piolo sa modelo. 

Matatandaang laging nababanggit ni Papa P sa kanyang mga panayam na ilang taon na rin siyang single dahil tutok sa kanyang career.  

Muling napag-usapan ang aktor matapos kumalat online ang litrato niya kasama ang Filipino-Chinese model na nagngangalang Kim Rivera, kung saan ito mismo ang nag-post sa kanyang IG account last April 9 bilang bahagi ng carousel post mula sa kanyang bakasyon sa Baler.  

Sa isang larawan, makikitang nakayakap si Piolo kay Kim. Halos dumampi ang mga labi ng aktor sa kaliwang sentido ng modelo habang tila nagpapahinga sila sa isang yate. 

“Reliving these moments,” ang simpleng caption ni Rivera, na hindi nag-tag ng sinuman sa kanyang mga kasama.  

Sa comment section ng naturang post, tinanong si Rivera kung si Papa P nga ba ang kasama niya. Sumagot naman ang modelo na hindi ito si Piolo, kundi isang lalaki na kahawig lamang ng aktor.  

Gayunpaman, kapansin-pansin sa larawan ang tattoo sa kanang braso ng lalaki, na tila tugma sa tattoo ni Papa P na makikita rin sa isa sa kanyang mga recent running videos.  

Anyway, siguradong hindi dito matatapos ang isyu kay Papa P at sa modelong Filipino-Chinese.  

Tiyak na kukuyugin ng mga entertainment writers ang aktor sa isyung ito dahil marami ang gustong makakuha ng update tungkol sa love life ni Papa P.

---

After ng hiwalayan nila ni Kyline… 

KOBE, NAG-POST NG “PLEASE SHUT UP!”

HINDI pa rin pala tapos ang isyu between ex-couple Kyline Alcantara at Kobe Paras.  

Nagbahagi si Kobe sa kanyang Instagram (IG) Story ng picture niya habang nagpapahinga at nasisikatan ng araw at may background music itong Please Shut Up ng A$AP Mob.  

Maraming netizens ang nag-isip na ang musika ay may pinapatamaan o may kaugnayan sa kasalukuyang isyu nila ng dating girlfriend na si Kyline.  

Sa gitna ng mga posts na ito, nagbigay ng makahulugang pahayag ang ina ni Kobe na si Jackie Forster sa comment section.  

Aniya, “Please protect that peace we have been working so hard to achieve.”  

Walang tinukoy ang dating aktres kung para kanino ang mensahe.  

Ilang mga netizens ang nagbigay ng opinyon na maaaring ang pahayag ni Jackie ay paalala hindi lamang kay Kobe kundi sa mga taong sangkot sa mga isyu, na mas mainam ang tahimik na pag-usad kaysa sa pagbunyag ng mga alitan sa publiko.  

Samantala, pinuri rin ang tila matured na pagharap ni Kobe sa sitwasyon. Sa halip na magsalita nang diretsahan ay piniling gumamit ng simbolismo sa pamamagitan ng musika.  

Lalo pang pinag-usapan ang IG Story dahil sa timing nito — kasabay ng pagkalat ng ilang cryptic posts mula sa iba pang personalidad online. 

Para sa ilan, ang pagpili ni Kobe ng kantang Please Shut Up ay hindi simpleng soundtrack, kundi isang tahimik na pahayag ng pagtatanggol sa sarili mula sa mga umano’y maling interpretasyon o paninisi. 

Sa halip na magsalita, ginamit niya ang creative medium ng social media para maiparating ang saloobin. 

2 lola, magkasunod pa… JANINE, NAGSALITA NA SA PAGPANAW NINA PILITA AT NORA

ni Beth Gelena @Bulgary | Apr. 25, 2025

Photo: Janine Gutierrez - Instagram

Balik-social media na si Janine Gutierrez after magkasunod na pumanaw ang dalawa niyang lola na sina Asia’s Queen of Songs Pilita Corrales at Superstar Nora Aunor.  

Ang dalawang nabanggit ay parehong legendary icons ng showbizness.  

Sa broadcast channel on Instagram (IG), ani Janine, first day niyang bumalik sa social media nang wala siya sa wake ng kanyang mga lola.  

Naalala niya, nasa wake siya ng kanyang Mamita (Pilita) nang tumawag ang kanyang kapatid para magpa-book ng isa pang room para naman sa kanilang grandma na si Ate Guy.  

Corrales passed away on April 12, while Aunor died on April 16.  

“It’s the first time in 10 days that I’m not at a wake. This Holy Week, my siblings and I lost two lolas, mama and papa’s mothers. Kakauwi lang namin galing sa wake ni Mamita ng mga alas-kuwatro ng hapon nu’ng April 16, pagdating ng alas-diyes ng gabi, tumatawag na ulit ‘yung kapatid ko sa chapel para kumuha ng kuwarto, para naman kay Mama Guy,” pagbabahagi ni Janine.  

Pagpapatuloy niya, “It’s been difficult and even unbelievable, but all throughout, you have helped us so much with your support and love. Thank you so much for your thoughts and prayers, dropped by or had us and our lolas in your mind.”

Balik-trabaho na rin siya knowing na maraming tao ang nakakaalala at hindi nalilimutan ang dalawa niyang lola. 

“Initially, I blocked off the week to travel but decided to just spend it at home. Sabi ko mag-ayos na lang ako ng bahay at mag-aral ng script. Buti na lang hindi na ako umalis. Mamita passed away on my first free day and we buried Mamay Guy on my last. Driving to my location today. I think of my two new angels and how they always powered through. I think of how I can continuously make them proud. It gives me comfort to know there are many of us who will always have them in our hearts. Thank you,” pasasalamat ng girlfriend ni Jericho Rosales.  

---

NA-EXCITE si Angelica Panganiban sa ipinadalang food ni Julia Montes.  

Halos mapalaway ang aktres sa masasarap na food na ipinadala ni Julia at agad naman siyang nagpasalamat.  

Chinese food ang ipinadala ni Julia like hakaw, wonton, siomai, dumplings, and fluffy siopao. 

Aniya sa caption, “Nakaka-excite subukan lahat ng 'to. Request kagabi, agad-agad naman dumating ngayon. Salamat @takeoutfoodstore & @montesjulia08.”

Agad namang ini-repost ni Julia ang pasasalamat ni Angge, “Sana ma-enjoy mo

@iamangelicap.”  

Natuwa naman ang mga netizens sa sweet convo ng magkaibigang aktres. 

Sey nila, “Ang cute n’yong dalawa!”  

“Nakakatakam naman ‘yung post.”