Kung kelan may 2 anak na raw… KYLIE, UMAMING NANGONGOLEKTA NGAYON NG LALAKI

ni Beth Gelena @Bulgary | September 2, 2026

Photo: IG _kylienicolepadilla

Aminado si Kylie Padilla na ilang lalaki ang kasalukuyang nanliligaw sa kanya. Nagulat din umano ang aktres sa atensiyong natatanggap niya ngayon kung kelan may 2 anak na siya. 

Sa report ng GMA morning program na Unang Hirit (UH), pabirong sinabi ng aktres na tila sinusunod na niya ngayon ang kasabihang “Collect then select.”

“Alam mo ‘yung saying na, ‘Collect then select?’ Finally, I’m doing it, charot! At this age, nagulat din ako,” ani Kylie.

Hindi naman nagbanggit si Kylie ng pangalan ng mga manliligaw niya at hindi rin niya sinabi kung mayroon na siyang napipisil.

Samantala, naging interesado rin ang ilang fans sa mga Korean friends ni Kylie na nakakasama niya sa kanyang mga live-streaming session. Dahil sa kanilang magaan na pakikitungo sa isa’t isa, may ilang viewers na nag-isip kung may posibilidad na maging romantic ang kanilang closeness. 

Well, nilinaw ni Kylie na magkakaibigan lamang sila. Aniya, ginagawa lamang nila ang mga livestream para mag-entertain ng kanilang mga followers. 

Hiniling din ng aktres na huwag munang lagyan ng love angle ang kanyang closeness sa mga Korean friends.

Samantala, patuloy namang sinusuportahan ng mga manonood ang tambalan nina Kylie at Luis Hontiveros sa action-drama series na Taskforce Firewall (TF).

Gumaganap si Kylie bilang si Isa, habang si Luis naman ay si Martin. Marami sa kanilang mga eksena ang nakakuha ng positibong reaksiyon mula sa mga viewers dahil sa chemistry ng kanilang mga karakter.

Pinag-uusapan umano nila ang mga eksena upang maging mas kapani-paniwala ang kanilang tambalan.

---

IBINAHAGI ni Alex Gonzaga sa kanyang Instagram (IG) Stories ang isang espesyal na moment kasama ang kanyang mga kaibigang matagal na niyang nakasama sa iba’t ibang yugto ng buhay.

Ang caption ng post niya: “Mommy na kaming lahat! Shoutout sa isang buntis at ‘yung dalawa na nasa States na wala sa video. Hehehe!”

Sinabi ni Alex na nagsimula ang kanilang pagkakaibigan noong 2003, noong high school at college pa sila. Ngayon, magkakasama na silang humaharap sa panibagong yugto ng buhay bilang mga misis at ina.

Sey niya, “Ultimate luxury is having friendships that grow with you. From high school and college to becoming wives and now moms, we’ve been navigating life together since 2003.”

Mas naging espesyal para kay Alex ang moment na ito matapos nilang magkaroon ng unang anak ni Lipa Vice-Mayor (VM) Mikee Morada.

Sa loob ng maraming taon, magkakasama ang magkakaibigan sa mahahalagang milestones sa kanilang buhay, pati na rin sa mga heart-to-heart talks at mga pangarap.

Maraming celebrity friends at libu-libong netizens ang nag-like at nag-iwan ng masasayang mensahe sa post.

Komento ng mga netizens…

“Same girls, just with babies now. Love you all. Thank you, Lord.”

“Congrats, Mommy and Daddy Morada. Sobrang iyak ko nu’ng narinig ko si baby na umiyak. I’m so, so happy for you, guys! Love you, Mama and Dada.”

“Excited to see our inaanak ng bayan.”

“Grabe, Alex. First time ko kayong napanood with your friends back 2019 nu’ng nagta-travel kayo nu’n sa mga vlogs mo, and now lahat kayo, certified mothers na. Mabuhay ang mga ina.”

Congrats, Alex!

SARAH, PINAGPAHINGA NA SA CONCERT DAHIL BUNTIS DAW

ni Beth Gelena @Bulgary | September 1, 2026

Photo: IG _justsarahgph

After manganak ni Alex Gonzaga, kay Sarah Geronimo naman nakatutok ang mga Marites dahil may isyung buntis na umano ang Popstar Royalty.

Anila, “Ang saya lang ng news na buntis na si Sarah G., parang ninong at ninang ang lahat.”

Tanong ng isang netizen, “Legit? Wala pa ‘kong nakita (post).”

Sey pa ng iba…

“Wala pa namang legit news na nagsabi. Pero ‘di magkakausok kung walang apoy na pinagmulan. Last na balita is ‘yung pinagpahinga s’ya, eh, may ‘di na natuloy na concert.”

“Yep, ‘yung sa Clark Aurora Festival. Baka jontis (buntis) na s’ya nu’n.”

“Totoo na ‘to? For real na? Ang dami kasing fake news sa pagbubuntis n’ya porke’t sikat s’ya. Congrats kina Sarah and Matteo! Finally!”

“Obvious naman na preggy na s’ya. Sad lang kasi pinangunahan ang mag-asawa na i-announce or kahit ‘di nila i-announce is okay lang naman.”

“This one is real. Waiting for their announcement. Nauna kasi ‘tong mga friendship ni Matt nag-splook, tapos delete sa FB (Facebook).”

“Saan na ‘yung baklang manghuhula sa showbiz last day na sinabing ‘di mabubuntis si Sarah? Hahaha!”

“Maniniwala lang ako ‘pag in-announce na nila. ‘Di ako maniniwala sa random link.”

“Lord, sana totoo na ‘to na si Ms. Sarah naman, tapos na po kay Ms. Alex, eh, para mas masaya.”

“Sarah is 38 na yata. Alex din is 38 when she had her baby. It’s never too late.”

Korek!

---

Pumalit sa dating manager ng aktres… 

CHRIS CAHILIG, UMAMIN KUNG ANONG KLASENG MANAGER SIYA KAY BEA

NAGSALITA ang film producer na si Chris Cahilig tungkol sa bago niyang papel bilang interim manager ni Bea Alonzo kasunod ng pagbibitiw ng longtime manager ng aktres na si Shirley Kuan (SK). 

Kasama sa kanyang tungkulin ang pag-aasikaso sa mga propesyonal na commitments ni Bea, pati ang mga kasalukuyang kontrata at mga bagong endorsement inquiries.

Sa isang panayam, natanong si Chris kung ano ang pinakamalaking hamon para sa kanya sa paghawak sa career ng isang aktres na katulad ni Bea.

“I don’t know yet. But so far, it’s probably the unwanted attention that comes with it. I’ve always been low-key. I’m more comfortable working behind the scenes and seeing others shine from a distance,” sabi niya.

Natanong din siya kung anong klaseng manager siya pagdating sa pagbibigay ng payo sa kanyang mga artists — sinasabi ba niya ang gusto nilang marinig o ang kailangan nilang marinig?

Diretsahan at tapat daw siya, pero sinisikap niyang manatiling diplomatiko at magalang sa kanyang pakikipag-usap.

“I’ve always been very upfront and honest, but also diplomatic and respectful. I say what’s on my mind, especially when I believe it will benefit my artists,” ani Chris.

Para sa kanya, mahalagang bahagi ng anumang propesyonal o personal na relasyon ang katapatan at hindi ito dapat isakripisyo.

Samantala, nang tanungin naman kung ano ang kailangan para maging matagumpay ang relasyon ng isang manager at artista, binigyang-diin ni Chris ang pagtutulungan at tiwala sa isa’t isa.

“Creative collaboration and mutual trust. We should be able to let each other do our respective roles without ego or personal interests getting in the way,” aniya.

---

Pasado sa Lollapalooza debut…

SB19 PALDO, KINUHA ULI SA IBA PANG SHOWS SA IBA’T IBANG BANSA

MUKHANG hindi lang audience ang humanga sa naging performance ng SB19 sa Lollapalooza dahil maging ang mga executives ng festival ay napansin ang Kings of P-Pop.

Ayon sa ulat, naging matagumpay ang debut ng SB19 sa Lollapalooza at agad silang nakatanggap ng mga offers para sa iba pang editions ng festival sa iba’t ibang bansa. 

Nakatakda silang mag-perform sa Brazil, Argentina, Chile at India.

Ayon kay Rhiza Pascua, Managing Director ng Live Nation Philippines, tinawagan pa siya mismo ng presidente ng Lollapalooza dahil nais nilang makuha muli ang SB19 para sa iba pang shows.

“I got called again by the president of Lollapalooza because they wanted to get them for other Lollapalooza shows in America, in India,” deklara niya.

Hindi rin maikakaila na malakas ang naging dating ng SB19 sa kanilang Lollapalooza debut. Kahit bago sila sa lineup, nakahatak agad sila ng malaking audience at naging usap-usapan ang kanilang performance.

Tila wala na ring mahahanap na maipipintas ang ilang Blooms, o fans ng BINI, sa naging performance ng SB19.

Reaction ng mga faney…

“Can we all stop mentioning that stupid ass fandom na.”

“Yes, it's hella irritating! Just don’t mention their name, my gawd (God), please.”

“Naniniwala na ‘ko na habang pinuputakti ng bashers ang SB19, lalong umaapaw ang blessings nila. Congratulations, esbi (SB19). Deserve n’yo ‘yan!”

“‘Di ba wala raw Pinoy rep (representative)? Hahaha! Plakda. Nag-post ang Cordillera sa suot nila. Saan bang global music fest ka makakarinig na kakanta ng VISA, MAPA, WAKAS, DAM, GENTO, DUNKA, etc.? Lahat, Tagalog ‘yan. Hahaha! Noypi, noypi, noypi! Ang vengeance? VOGUE BEST DRESSED sila. Hahaha! Ang funny ng clapback.”

“Pampasuwerte talaga ng esbi ang mga bashers kasi kada may bashing, may blessings.”

Congrats!

Naka-move on na… HARVEY, NAGSALITA NA SA PAGIGING THIRD PARTY DAW NI MICHAEL SA BREAKUP NILA NI AC

ni Beth Gelena @Bulgary | August 31, 2026

Photo: IG _hrvbtsta & _acbonifacio _michaelsager

Mukhang naka-move on na si Harvey Bautista sa naging hiwalayan nila ni AC Bonifacio at sa ngayon ay career muna ang kanyang prayoridad.

“Sa ngayon, ‘di muna [love life]. I want to focus on my career and getting my name as an actor and I want to make sure I do a good job,” pahayag ni Harvey.

Nang tanungin kung naka-move on na siya sa kanilang breakup ni AC, simple lang ang sagot ni Harvey, “Yes na lang.”

Samantala, nilinaw din ng aktor na walang kinalaman si Michael Sager sa paghihiwalay nila ni AC, matapos muling umugong ang mga espekulasyon tungkol dito.

Nauna nang nilinaw ni AC sa isang panayam kay Boy Abunda na hindi sangkot si Michael sa kanilang breakup.

“He is not [involved]. I get the confusion, online can get hectic. There is no involvement,” paglilinaw ni Harvey.

---

Belle, naunahan ka pa… DONNY, INIMBITAHAN SI LIZA SA BAGONG BUKAS NA RESTO

INIINTRIGA ngayon sina Donny Pangilinan at Liza Soberano dahil sa sunud-sunod nilang pagkikita nitong mga nakaraang araw.

Kabilang si Donny sa mga artistang dumalo at nagpakita ng suporta sa advance screening ng DreamWorks animated film na Forgotten Island (FI) ni Liza noong Martes sa SM Mall of Asia (MOA). Tampok sa pelikula ang boses ni Liza at ng Grammy-winning Fil-Am artist na si H.E.R. bilang mga pangunahing bida.

Kinabukasan naman, nakita si Liza sa soon-to-open na Analog MNL restobar ni Donny.

Gayunman, hindi naman nag-iisa si Liza nang bumisita sa aktor dahil kasama niya sina Anne Curtis, Isabelle Daza, Solenn Heussaff, Liz Uy at Georgina Wilson. Iniulat ding inimbitahan ni Donny ang mga ito upang maranasan ang ambiance, food at drinks ng kanyang bagong negosyo.

Dahil dito, may ilang netizens na agad na nagbigay ng kulay sa magkasunod na pagkikita nina Liza at Donny. May ilan ding nagbiro na naunahan pa raw ng aktres si Belle Mariano na makita ang bagong ‘baby’ ni Donny — ang kanyang negosyo.

Mas naging kapansin-pansin ang intrigang ito dahil kamakailan lamang ay inanunsiyo nina Donny at Belle na ang Tayo Sa Wakas (TSW) ang kanilang huling proyekto bilang love team, bagama’t hindi naman nangangahulugang wala na silang posibilidad na muling magsama sa hinaharap.

Gayunman, walang kumpirmasyon na nililigawan ni Donny si Liza. Sa halip, naniniwala ang ilang tagahanga ng aktor na maaaring may iba lamang itong pinaghahandaan kasama ang aktres, gaya ng isang proyekto.

---

Super-arte raw…  MOIRA, PINASIGAW SA IT’S SHOWTIME, NAUBOS ANG ENERGY, CONCERT, SI OGIE NA ANG NAG-PROMOTE

NAGING usap-usapan sa social media si Moira Dela Torre matapos ang kanyang guesting sa It’s Showtime (IS) noong birthday celebration ni Ogie Alcasid.

Nag-duet sina Moira at Ogie sa programa, ngunit ang naging sentro ng atensiyon ay ang hamon sa singer na isigaw ang “What’s up, madlang people!”

Dahil soft-spoken at hindi sanay sumigaw, ilang sandali munang bumuwelo at huminga nang malalim si Moira bago tuluyang binati ang audience. Dahil dito, may ilang netizens na bumatikos kay Moira at tinawag siyang ‘pabebe’ at ‘maarte’. 

Sey ng mga netizens…

“Mas harsh kami. P*tang in* ni Moira, napakaarte.”

“‘Di ko rin kasi gets si Moira kung bakit ganyan s’ya umarte, ilang taon na ‘yan humaharap sa mga TV guesting and concerts, kaya ‘di tayo naniniwala na ‘di pa sanay sa tao ‘yan at introvert kuno kaya ganyan. ‘Yung way ng pananalita at kilos n’ya, mao-off ka talaga kasi sobrang arte.”

“Mag-treinta anyos na lang, ganyan pa rin umasta.”

“Napakaarte n’ya talaga kaya nawala sa limelight.”

“Nakakairita naman kasi sobra.”

Meron namang mga netizens na dumepensa sa singer at sinabing maaaring ganoon lamang talaga ang kanyang personalidad at pagiging mahiyain.

Sa kabilang banda, hindi lamang ang pagbati ng singer ang naging isyu. Dahil tila naubos ang kanyang energy sa pagsigaw, si Ogie na mismo ang nag-promote ng kanyang paparating na concert sa SM Mall of Asia (MOA) sa Oktubre 4.