ni Beth Gelena @Bulgary | February 28, 2026
Photo: FB Jonvic Remulla & Gov. Daniel Fernando via PIA
Napabalitang binugbog umano ang Bulacan governor na si Daniel Fernando ng isang mataas na opisyal.
Taliwas sa iniulat, nagpakita sa publiko ang aktor-pulitiko sa Bulacan Capitol Gymnasium sa gitna ng paratang na siya ay binugbog at wala ring nakitang pinsala sa kanyang katawan.
Ang nag-ulat na pisikal na sinaktan ang gobernador ay ang batikang kolumnista na si Ramon Tulfo. Nangyari raw ang insidente sa North Luzon Expressway noong Pebrero 21.
Ayon kay Tulfo, nagalit umano si Fernando nang may kotseng nag-overtake sa kanyang convoy. Hinarangan ang sasakyan at umano’y nahuli ang drayber. Gayunman, nalaman na ang drayber ay anak daw ni Pangulong Ferdinand Marcos, Jr. na si Vinny Marcos.
Inihayag din ni Tulfo na sumulat si Gob. Fernando ng liham ng paghingi ng tawad sa Pangulo at pinatawad siya, ngunit isang mataas na opisyal ang umano’y pisikal na sinaktan ang gobernador dahil sa nangyari.
Bagama’t itinanggi ng Malacañang ang mga ulat ng panliligalig na kinasasangkutan ng anak ng Pangulo, sinabi ni Sec. Jonvic Remulla ng Department of the Interior and Local Government (DILG) na may mga ulat laban sa asal ni Fernando, batay sa artikulong lumabas sa PEP.
“Naging ugali na ni Gov. Fernando na nagbibiyahe s’ya sa NLEX na apat na lane ang occupied n’ya na walang puwedeng mag-overtake. So, ang dami naming nakuhang reklamo na ganu’n na s’ya makahari sa lugar n’ya,” sey ni Remulla.
Iginiit din niya na hindi mahalaga kung ang kabilang partido ay anak ng pangulo o hindi.
Kung siya, ‘di raw niya feel…
IBINUKING NI BELA: KIM, NAGPA-FREEZE NG EGG PARA MABUNTIS
SA Fast Talk with Boy Abunda (FTWBA), natanong ni Boy Abunda ang guest na si Bela Padilla tungkol sa ‘egg freezing’, at nadawit din ang pangalan ng best friend ng aktres na si Kim Chiu.
Sagot ni Bela, hanga siya sa kaibigan niya at wala siyang masabi kung iyon ang desisyon nito, pero para sa kanya ay hindi niya ito magagawa.
Ipagpapasalamat daw niya kung mabuntis siya sa natural na paraan, pero kung hindi naman meant sa kanya ay may iba pa siyang option.
Well, nagbigay ng iba’t ibang reaksiyon ang mga netizens. May nagsabing may health condition si Bela kaya hindi puwedeng magpa-freeze ng egg. May iba namang nagsabing praktikal ito para sa mga babaeng may kakayahan.
May ilang netizens din ang nagpahayag ng pag-aalala tungkol sa pagbanggit ni Bela ng personal na desisyon ni Kim sa publiko at sinabing dapat igalang ito privately.
NAG-ALALA ang mga fans ni Asia’s Songbird Regine Velasquez sa kanyang post kamakailan na feeling niya ay may nagbabago sa kanyang boses, lalo na’t siya ay nagkakaedad na.
Kaya naman sa social media ng batikang singer ay nagbigay siya ng update. Nilinaw niyang maayos naman ang kanyang kalagayan at nag-a-adjust lang siya sa mga pagbabago sa buhay habang siya ay tumatanda.
Nagpahayag siya ng pasasalamat sa pagmamahal at pagmamalasakit na natatanggap niya.
Aniya, “Kumusta sa lahat, alam kong marami sa inyo ang nag-aalala sa akin nitong mga nakaraang araw. Pasensiya na pero ayos lang ako. Hinaharap ko lang ang mga hamon at pagbabago sa buhay ko habang tumatanda ako.
“Ganu’n talaga ang iba pero ako pa rin ito, ibang bersiyon ko lang. Pagpalain kayo ng Diyos. Salamat sa lahat ng pagmamahal na nararamdaman ko. Salamat sa pa-flowers, sana sa susunod ay may pera na.”
Marami kasi ang nagpadala ng mga flowers sa Asia’s Songbird kaya nagbiro siya na sa susunod daw ay pera na lang ang ipadala. Hahaha!
Well, maraming netizens ang tumugon ng mga komentong sumusuporta at tiniyak sa music icon na palagi nila siyang susuportahan.
Sa ngayon, tanggap ni Regine Velasquez ang mga pagbabago sa buhay niya. Masaya siya dahil ang mga tagasuporta ay laging nariyan na nagbibigay sa kanya ng lakas ng loob kaya tumatapang siya na lampasan ang anumang negatibong dumadaloy sa kanyang isip lalo na pagdating sa kanyang music career.
MAY nakakita sa opisina ng Viva na magkasama sina Sarah Geronimo at John Lloyd Cruz kamakailan.
Ang komento ng mga nakakita, “Comeback sa big screen?”
Anila, tila may bagong proyektong iniluluto ang Viva para sa dalawang personalidad na matagal na ring hindi napapanood sa big screen. Maraming na-excite na mga fans ng AshLloyd.
Matagal na rin kasing gustong masundan ang big hit movie nilang A Very Special Love (AVSL) bilang sina Miggy Montenegro at Adelaida Magtalas. Nagkaroon ng ilang series ang kanilang pelikula at sa huling bahagi ay nagpakasal ang dalawa.
After that ay natigil na ang love story nina Miggy at Laida kaya marami ang nag-aabang sa sequel nito.
Komento ng mga netizens…
“Aabangan ko ‘yan, Sir Miggy at Adelaida Magtalas comeback na ba ‘yan?”
“Lahat ng movies nila, halos ilang ulit ko na pinapanood, walang kasawaan. Excited na naman sa bagong movie.”
“Ang saya ng mga AshLloyd kung may movie na sila, siguradong maraming kikiligin.”
Lahat ng mga catchy lines nina Miggy at Laida ay hindi nakakalimutan ng kanilang mga fans tulad ng “Sir, gaano ka-close?” at “Close the door when you leave.”
Samantala, nakuhanan ng barista ng video ang aktor na bumibili ng coffee sa drive-thru. Kinikilig ang barista nang makita si John Lloyd.
Aniya, “Ang aga namang dumaan. Kinilig tuloy ako.”
Nagkomento si John Lloyd sa lumabas na video.
Aniya, “Gusto ko po sana bumaba n’yan, eh, kaso may pupuntahan pa ako.”
Wow! Ang suwerte naman ng fan na ito.
