ni ATD - @Sports | July 8, 2020
Namahinga nang matagal si Los Angeles Lakers star Anthony Davis dahil hininto ang 2019-20 NBA season.
Noong Marso ay ipinatigil lahat ng sporting events dahil sa pamiminsala ng COVID-19 sa buong mundo.
Ikakasa ang restart ng NBA sa July 30, gaganapin ito sa Walt Disney Land sa Orlando, Florida.
Para kay Los Angeles Lakers star Davis, mas pumabor sa kanila ang matagal na pahinga kaya naman naniniwala siyang malaki ang tsansa ng Lakers na masikwat ang korona.
"I think our chances are higher because we're all rested," hayag ni Davis. "We're all ready to go. If anything, our chances got higher, and it's going to be about who wants it more. Everybody had a decompression of the season … it's about which team wants it more and which team can stay healthy."
Sinabi pa ni Davis na 100 porsiyentong handa ang kanyang katawan na makipagbanggaan at nagamit niya ang ilang buwan na pagkakatigil ng NBA para mapagaling ang kanyang injury.
Sa 63 games ng Lakers sa regular season bago natigil, walong beses hindi nakalaro si Davis dahil sa glute contusion, sprained ankle at pananakit ng kanyang tuhod at balikat. "We were playing a lot of games, a lot of minutes, and it's been more about letting everything rest and heal on its own," ani Davis.
May pinagsamang average na 52.4 points na naitatala si four-time Most Valuable Player, (MVP) at Davis ngayong season.