ni Lolet Abania | August 15, 2020
Iminungkahi ng isang mambabatas sa gobyerno ang pag-aalis ng ipinapataw na buwis sa mga gadgets na maaaring gamitin ng mga guro at estudyante para sa gagawing online classes.
Ayon kay Quezon City Rep. Precious Hipolito Castelo, hindi na dapat patawan pa ng buwis ang mga computers, mobile phones, tablets at iba pang communication devices na magagamit para sa blended learning.
“Removing taxes will considerably reduce the cost of these devices and gadgets, and make them affordable to poor learners and teachers,” sabi ni Castelo.
Paliwanag ni Castelo, ang customs at tariff duties, maging ang 12% value added tax ay ipinapataw sa mga naturang produktong lalo na kung ito ay imported, subalit aniya, dapat nang alisin ang buwis nito.
Hiniling din ng mambabatas sa mga telecommunications company na pagbutihin nito ang serbisyo ng kanilang Internet at mobile connectivity signals higit sa lahat sa mga rural areas.
"They can do that if they want to. During the recent lockdown, they offered to boost signals for free. Internet became faster. Now, it’s back to snail pace. Actually, you can have faster Internet if you pay more, which means telcos can do it,” ayon kay Castelo.
Kahapon, inanunsiyo ni Department of Education Secretary Leonor Briones ang pag-uurong ng pagbubukas ng klase sa October 5, kung saan walang ipatutupad na face-to-face classes.
“There will be no face-to-face sessions and sessions will not be limited to online sessions alone. This is because we have adapted the policy of blended learning wherein various modalities are being recommended depending on the situation at the level of the region and the school," sabi pa ni Castelo.