ni Reggee Bonoan - @Sheet Matters | October 12, 2020
Buntis na ang actress girlfriend ni Romnick Sarmenta na si Barbara Ruaro sa kanilang panganay at sa Pebrero, 2021 nila masisilayan si Little Bean (tawag nila sa kanilang baby).
Base sa pregnancy test na ipinost ni Barbara sa kanyang IG account, nakasaad sa caption na: “Thank You, dear God, for the gift of life! The cross that appeared on my test and this miracle as a whole is Your loudest yet most comforting affirmation. I praise and thank You for my Nicko, and all our friends and families who have expressed and continue to show their love and undying support. See you on February, Little Bean.”
Halos lahat ng mga kaibigan nilang taga-showbiz at non-showbiz ay bumati sa magkasintahan.
Pinasalamatan naman ni Romnick ang Panginoong Diyos para sa bago niyang baby, “IBA. Infinitely Blessed with Your Affirmation. Iba Ka Panginoon, maraming salamat Po #alwaystogether.”
Kung susumahin ay pang-limang anak na ito ng aktor dahil may nauna siyang apat na anak na babae (Seki, Bo, Merel at Yuwela) sa dating asawang si Harlene Bautista. Ang panganay naman nilang lalaki (Abija) na ang ama ay si Direk Rico Gutierrez ay itinuring ni Romnick na tunay na anak.
Sa kasalukuyan ay on the works ang annulment ni Romnick at ng asawang si Harlene na ang huli mismo ang nag-apply.
Matatandaang tatlong beses ikinasal sina Nicko at Harlene — civil ceremony noong 1999, church wedding nu'ng 2000 at 2002 ay renewal ng vows sa Las Vegas, Nevada.
Binabati namin sina Romnick at Barbara para sa kanilang panganay.