ni Julie Bonifacio - @Winner | September 25, 2020
Nagpakita ng suporta sina Angel Locsin at Alessandra de Rossi sa pagsasampa ni Liza Soberano ng criminal case sa korte kahapon laban sa netizen na nagkomentong "ang sarap ipa-rape" ang Kapamilya star.
Ini-retweet ni Angel ang news item sa Twitter account ng ABS-CBN News tungkol sa pagpunta ni Liza sa korte kasama ang kanyang manager na si Ogie Diaz.
"Mahigpit na yakap @lizasoberano," caption ni Angel.
Sinang-ayunan din ng mga netizens ang hakbang ni Liza na magsampa ng kaso base sa comment section sa Twitter account ni Angel.
"Good decision! Mabawasan mga siraulo at bastos sa social media! Parang mga walang ina kung makabastos ng babae."
"An advocate supporting another advocate! Thank you miss @143redangel #StandWithLiza"
"Sige sampulan mo sila, Liza! Sana, marami pang sumunod sa 'yo, para naman hindi na sila dumami."
May nag-comment din ng ganito, "Darnas volt in."
Knows naman na nag-Darna na si Angel noon at si Liza naman ay muntik na ring maging Darna.
Iba naman ang laman ng tweet ni Valentina, este Alessandra tungkol sa pagsasampa ng kaso ni Liza.
"Matuto lang galangin ang isa't isa online. Lesson na ito para sa lahat (folded hands emoji). Salamat, Liza. "Kaso" is not good and magastos pa. So think before you make a nasty remark. Wala namang may kayang magsabi nu'n in person, lalong 'wag mong gawin online kung saan may ebidensiya (red heart, folded hands, red heart emojis)"
Say naman ng mga netizens sa tweet ni Alessandra, "Correct Miss Alex, people nowadays don't know how to think before they click.. tsss."
Ka-boom!