‘Di raw pag-aresto kay Co sa Prague, pinabulaanan ng DOJ

ni Dominic Santos @News | April 21, 2026

Photo: Circulated

Pinabulaanan ni Department of Justice (DOJ) Sec. Fredderick Vida ang mga kumakalat na wala umano sa kustodiya ng Czech Republic si dating Ako Bicol Partylist Rep. Elizaldy Co.

Ayon kay Vida, sinisimulan na umanong ayusin ng gobyerno ang proseso para maiuwi sa bansa si Co at lilipad umano siya patungong Czech Republic para makipagpulong sa mga awtoridad doon.

Iginiit din niya na maaaring deportation ang paraan ng kanilang ahensya para mabilis na maibalik si Co sa Pilipinas.

Ibinulgar ng 18 ex-Marines... Remulla, inaming naka-meeting ang ICC sa kanyang bahay

ni Madel Moratillo @News | March 3, 2025

Photo File: Boying Remulla / FB

Inamin ni Ombudsman Jesus Crispin Remulla na nakapulong niya sina dating Sen. Antonio Trillanes IV, Gen. Nicolas Torre III at dalawang ICC investigators sa kanyang bahay sa Makati noong nakaraang taon, tulad ng binanggit sa joint affidavit ng 18 ex-Marines.  

Nangyari umano ito matapos maaresto si dating Pangulong Rodrigo Duterte at nu’ng siya ay kalihim pa ng Department of Justice (DOJ).

Ang nasabing meeting ay para umano sa proteksyon ng mga testigong Pilipino sa crimes against humanity case laban kay dating Pangulong Duterte.

Nais aniya nila sa DOJ na masiguro ang kaligtasan ng mga Pilipinong testigo.

“Since we're in the DOJ, kinakailangan gawin namin 'yun. Mga Pilipino kasi mga testigong 'to.

This happened maybe less than a year ago,” pahayag ni Remulla.

Sa joint affidavit na isinumite ni Atty. Levi Baligod, abogado ng 18 dating Marines, sa Ombudsman, nakasaad na nakipagpulong umano si Remulla sa ICC personnel noong kalihim pa siya ng DOJ.

“Kailangan protektahan natin ang ating mga testigo pero ang mas mahalaga d'yan 'yung allegations na ginawa nila na iba. Kasi kung 18 sila na nandoon na magkakasama ng dalawang taon na walang patid, na lahat ng pangyayari nakita nila, 'yun ang ating gustong malaman,” pahayag ni Remulla.

Sabi ni Remulla, gusto niyang magkaroon ng kopya ng affidavit ng bawat isa sa 18 dating Marines upang makasiguro na may personal knowledge sila sa kanilang mga alegasyon. 

Pamilya Villar, ipina-subpoena ng DOJ

by BRT @News | March 3, 2026

Photo FIle: Manny VIllar / FB

Naglabas na ng subpoena ang prosecutors ng Department of Justice (DOJ) laban sa Villar Holdings Corporation at ilang executive nito kaugnay sa reklamong inihain ng Securities and Exchange Commission (SEC).

Kabilang sa mga ipina-subpoena sina Villar Land Chair at dating Senador Manuel Villar, Jr., dating Senadora Cynthia Villar, at ang kanilang mga anak na sina Manuel Paolo, Camille, at Mark.

Ayon sa DOJ, dumaan na sa paunang pagsusuri ang reklamo at isasailalim na ito sa preliminary investigation na itinakda sa Marso 16, alas-2:30 ng hapon.

Nauna nang inihayag ng SEC na nagsampa sila ng criminal complaint sa DOJ noong Enero 30 laban sa Villar Land at ilang opisyal nito, pati na rin sa mga kaugnay na kumpanya, dahil sa umano’y market manipulation, insider trading, at misleading disclosures na diumano’y nag-distort sa presyo ng shares ng kumpanya.