Mas mataas ng P407B sa 2026... P7.2 trilyon budget sa 2027

ni Mylene Alfonso @News | June 27, 2026

Photo: Department of Budget and Management

Inirekomenda ng administrasyong Marcos ang panukalang P7.2 trilyong pambansang budget para sa 2027, na mas mataas ng anim na porsyento kumpara sa P6.793-T alokasyon ngayong taon, ayon sa Department of Budget and Management (DBM).

Batay sa National Budget Memorandum No. 158 na inilathala nitong Biyernes, Hunyo 26, ang panukalang P7.2-T pambansang budget para sa 2027 ay katumbas ng 21.7% ng gross domestic product (GDP) ng bansa. 

Mas mataas ito ng 6% o P407 bilyon kumpara sa P6.793-T budget na inilaan para sa 2026.

Inaasahang popondohan ng panukalang badyet ang mga pangunahing programa at proyekto ng pamahalaan sa susunod na taon, kabilang ang mga prayoridad sa imprastraktura, edukasyon, kalusugan, at iba pang serbisyong pampubliko. 

Nabatid na dadaan pa sa deliberasyon at pag-apruba ng Kongreso ang panukalang General Appropriations Act bago ito tuluyang maipatupad sa 2027.

Budget transparency ng 'Pinas

ni Gina Pleñago @News | June 22, 2026

Photo: File

Nagawa umanong mapanatili ng Pilipinas ang pagiging numero uno pagdating sa budget transparency sa buong Southeast Asia, batay sa Open Budget Survey (OBS). 

Ang OBS ay isang survey na isinasagawa na may kaugnayan sa transparency, accountability at public participation ng 86 bansa sa buong mundo. 

Ang naturang survey ay isinagawa noong 2025 habang ang nakaupo pang Department of Budget and Management secretary ay si Amenah Pangandaman. 

Ang Pilipinas ay nasa 1st rank sa Southeast Asia at 10th place naman globally for budget transparency, kung saan ang fiscal transparency score ay 76 mula sa 100. 

Ito ang ikalawang pagkakataon na ang Pilipinas ay nanguna sa budget transparency, na kung saan noong 2023 ang unang pagkakataon ng pagkakatala sa ilalim pa rin ng

liderato ni Pangandaman.  

Ang OBS ay ang world’s only independent, comparative assessment of central government budget accountability na pinangangasiwaan ng International Budget Partnership (IBP).

Target na kita ngayong taon, hihigitan — DBCC

Filni Angela Fernando - Trainee @News | November 4, 2023

Inaasahan ng mga ekonomista ng pamahalaan ng Pilipinas na kokolekta ang bansa ng mas higit sa P3.73 trilyon na target na kita ngayong 2023.

Sinasabing aabot sa P3.84-trilyon hanggang P3.90-trilyon ang kabuuang kita ngayong taon na higit na mas mataas sa target na kita ng ekonomiya ng bansa.

Pahayag ng Development Budget Coordination Committee (DBCC), tumaas ng 6.8% ang kinolokteng kita sa loob ng unang siyam na buwan ng 2023 kumpara sa nagdaang taon.

Tumaas din ng tatlong porsyento ang kita sa unang siyam na buwan ng taon na may koneksyon sa mas mataas na koleksyon ng Bureau of Customs (BOC) at sa mga kitang hindi galing sa buwis na pumalo sa P152.57-bilyon.

Ayon sa DBCC, ang kita sa mga programa ng taong ito ay 15.7% na mas mataas sa magkasunod na medium-term fiscal framework (MTFF) at sa antas na inaasahan ng 184th DBCC na 15.3% at 15.2%.

Kasalukuyang nagpapatupad ang BOC ng mga repormang naglalayong mapabilis at mapabuti ang pagkolekta ng buwis at ang mas epektibong pangangasiwa sa buwis ng bayan.