ni Julie Bonifacio @Winner | May 20, 2026
Photo: IG _cocomartin_ph
Ibinulgar na nina Coco Martin at Julia Montes ang kanilang tambalan sa tunay na buhay.
Idinetalye ni Coco kung paano siya unang na-in love kay Julia.
Sa eksklusibong panayam para sa kanilang sariling produksiyon, ang CCM Productions, ikinuwento nina Coco at Julia ang matagal na nilang partnership sa likod at harap ng kamera.
Ang unang show daw na pinagsamahan nila ni Julia ay ang Pangarap Kong Jackpot (PKJ). Sobrang batambata pa raw ng aktres that time.
Nagkasama sila ulit sa seryeng Ligaw na Bulaklak pero hindi sila nagkaeksena. Hanggang sa nagkita sila ulit sa party ng mga shows ng Dreamscape Entertainment. Nasa Mara Clara si Julia at sa Minsan Lang Kita Iibigin naman ang show ni Coco under Dreamscape.
Dito na nagulat si Coco kay Julia na isa nang ganap na dalaga. Naglaho raw ang pagka-crush ng aktor kay Julia dahil feeling niya, naging party girl na ang aktres.
Hanggang sa ini-request na ni Coco sa yumaong executive ng Dreamscape na si Deo Endrinal na maging kapareha si Julia Montes sa Walang Hanggan (WH).
Simula noon ay naging magkarelasyon na raw sina Coco at Julia at 15 years ago na ‘yun.
Ang sikreto raw ng kanilang relasyon ay naging pribado sila sa kanilang personal life, especially sa love life nila.
“Sabi ko nga, kung anuman ‘yung ikinukuwento namin, kasi past na. Masarap na lang balikan. And then, ngayon talaga as a partner, talagang ano kami, team.
“Talagang nagsusuportahan kami, nagtutulungan kami. Ngayon naman sa amin, ganu’n din. In all aspects, talagang si Juls ang nag-aalaga sa akin.
“Mula paggising hanggang sa pag-uwi ko, sa lahat ng kakainin ko, sa lahat ng isusuot ko, s’ya talaga lahat. Kaya masarap ‘yung partnership namin. Higit pa sa pagkakaibigan, magkarelasyon, business partners, talagang pinagtibay namin ang relasyon namin,” paglalahad ni Coco.
As business partners, tulungan din daw talaga sila, gaya na lang sa bagong serye nila na Sigabo. Si Coco na raw ang bahala sa creatives at si Julia sa finance.
Tsika pa ni Coco, “Ang maganda sa amin, tulungan talaga. Kung saan kailangan ng alalay ng isa, du’n talaga sumusuporta ang bawat isa. So more than a partner, talagang mas partner in life ‘yung nangyayari sa amin.”
Kuwento pa niya, “Minsan nga, ‘pag nag-uusap kami, honestly, minsan umaabot kami sa pagkakataon na magkasama kami. Sa sobrang aga naming dumating sa mga meetings, nandu’n kami sa kotse.
“Mga one hour before, minsan, nandu’n na kami sa location, naghihintay na kami sa ka-meeting namin. Nandu’n kami sa kotse namin natutulog.
“Sinabi namin sa sarili namin, ‘Nanay, kailangan pa ba natin ‘tong gawin?’
“Kumbaga, sa dami ng ginagawa namin sa pag-aartista, sa production, sa pagpo-produce, kailangan pa rin naming asikasuhin ‘yung small business namin.
“And then, wala naman kaming ibang makakatulong kundi kaming dalawa.”
Para kay Coco, kailangan daw talagang magtiyaga dahil wala raw nagtagumpay kapag hindi mo ito ginawa.
“And then, bilang partner talaga, ang masarap sa amin, ako, lagi kong sinasabi sa kanya, every time na umuuwi kami, napakasarap ng pakiramdam na kami ‘yung magkasama na lumalaban sa buhay,” saad pa ni Coco Martin.
‘Yun na!
Isa pang BFF ni Bea… BEA SAW, NAGPUNTA RIN SA SPAIN BUKOD KAY DIMPLES
TULAD ni Dimples Romana, nagpunta rin sa Spain ang isa pang kaibigan ni Bea Alonzo na si Bea Saw.
Sina Dimples at Bea ang huling kasama ni Bea na kumalat sa socmed (social media) bago ang inaasahang wedding nila ni Vincent Co noong May 14.
Dahil parehong nasa Spain sina Dimples at Bea, pinagdudahan ng netizen na kasama nila si Bea Alonzo.
Aniya, “I wish you were with Bea and Dimples. Love the 3 of you.”
Bukod sa Spain, may picture si Dimples sa Iseltwald, Switzerland na ipinost niya sa kanyang Instagram (IG). That was the spot sa eksena sa Koreanovela na Crash Landing on You (CLOY). Same spot din ang picture ni Bea Saw na ipinost niya.
Samantala, may fan si Bea Alonzo na nag-post ng picture niya na nakasuot ng wedding gown sa IG.
Say ng faney, “It’s been years since I last featured Bea Alonzo in this IG blog of mine. And by next year, it will have been 10 years since I first publicly fangirled over her via A Love to Last. With all the rumors swirling about what was supposed to have been her real-life wedding, all I can say is this: She deserves that one great love. Whether that great love is that guy and there are just some things that need fixing between the two of them or her destiny is with someone else, someday we’ll see her this radiant, this beautiful, this happy. And when that day comes, it will be for real and it will last #beaalonzo.”
Agree…
