Wa' paki ma-bash… KAKAMPINK ACTRESS, GAGANAP NA LENI SA MOM NI DIREK DARRYL

ni Nitz Miralles @Bida | February 23, 2023

Ayan na, umapela ang mga netizens sa MTRCB na ipatigil ang showing ng Martyr or Murderer o #MoM na showing sa March 1, 2023.

Kasunod ito ng announcement ng MTRCB na plano nilang hindi payagang maipalabas sa bansa ang pelikula ni Gerald Butler na Plane.

Ang announcement na ito ng MTRCB na naka-post sa kanilang Facebook page ay umani ng comment from the netizens. Inakusahan nila si Director Darryl Yap of “disseminating historical falsehoods in order to clean up the Marcos family’s image.”

Comment pa ng isang netizen, “Samantalang ‘yung puro pelikula ni Darryl Yap na puro kasinungalingan, ayaw i-ban.”

Ipinagtanggol si Direk Darryl ng mga fans at binanggit na ang movie niya ang supported by documentation. Wala pang sagot ang MTRCB dito.

Si Direk Darryl, may sagot na sa isyu at maiksi lang ang sinabing “Bakit po ipapahinto?

Bakit po tayo natatakot? #MartyrorMurderer. March 1.”

Sa mga comments na nabasa namin, marami ang susuporta sa #MoM at magagalit sila kapag hindi natuloy sa March 1 ang movie.

Sa ginagawa raw ng anti-Marcos, naipo-promote nila nang libre ang movie. Saka, bakit daw ba takot silang mapanood ang pelikula?

May isa pa palang pasabog si Direk Darryl, pinasalamatan nito ang aniya ay “open-minded" Kakampink artist na pumayag gampanan ang role ni Leni Robredo sa Mabuhay Aloha Mabuhay o #MaM, ang last sa trilogy movie ng mga Marcos.

Siguradong maba-bash ang aktres na ito at ready naman siguro siya.

Kasama si Ruffa… CESAR AT DIEGO, NAG-BONDING SA HAWAII

ni Nitz Miralles @Bida | December 23, 2022

Kuha ni Ruffa Gutierrez ang photos at video nina Cesar Montano at Diego Loyzaga noong nasa Hawaii sila. Ipinost ni Cesar sa Instagram ang photo nila at may caption na: “First time to work and to travel with my son @diegoloyzaga. Had a great time in Hawaii.

Looking for more. Mahalo to our great God! Thanks so much to my FL @iloveruffag for this awesome candid shot. Mahalo!”

Video naman ang ipinost ni Diego sa kanyang IG at short lang ang caption niyang: “Thanks Hawaii.”

Pati ang mga netizens, nag-react sa photo/video na nakatalikod na naglalakad ang mag-ama. Nakaakbay si Cesar kay Diego at nakahawak naman si Diego sa waist ni Cesar. Si Sunshine Cruz nga, napa-comment ng heart emojis.

May mga nagtanong kung ano ang ginawa ng mag-ama at ni Ruffa sa Hawaii. Hindi naman siguro para sa shooting ng third installment ng Maid in Malacañang dahil tinatapos pa lang ni Director Darryl Yap ang second installment na Martyr or Murderer o #MoM.

Ang title ng third installment ay “Mabuhay Aloha Mabuhay” o #MaM. Parang guest ang tatlo sa isang event sa Hawaii.

Ang most controversial movie… MAID IN M'CAÑANG, MAY PART 2 AT 3

ni Nitz Miralles - @Bida | August 3, 2022

Ngayong araw na nga ang simula ng showing sa 200 cinemas nationwide ng napaka-controversial movie na Maid in Malacañang o MIM sa direction ni Darryl Yap. Bukod sa regular showing, may mga block screenings pa at susunod na ang showing sa ibang bansa.

Sa nabasa namin, pupunta sa Japan si Direk Darryl, ang cast at si Sen. Imee Marcos dahil simula Aug. 13, showing sa anim na lugar doon ang pelikula. Ang dami pang requests na ipalabas sa ibang bansa ang MIM.

Sa ending ng movie, malalaman kung ano ang nangyari sa mga maids na sina Santa (Karla Estrada), Biday (Beverly Salviejo) at Manang Lucy (Elizabeth Oropesa). Sila ang nagbigay ng comedy at light moment sa movie.

Samantala, sa isang interview kay Direk Darryl, inulit nito ang sinabi sa mediacon na dapat ay trilogy ang MIM at binanggit na nito ang title ng sequel na Martyr o Murderer o #MOM at ang last ay Mabuhay Aloha Mabuhay o #MAM.

Ang MOM daw ay tungkol sa kung sino ang pumatay sa dilawan at ang MAM ay tungkol sa naging buhay ng mga Marcos sa Hawaii noong ma-exile sila.

Kung sakaling matuloy ang sequel ng MIM, baka hindi na si Direk Darryl ang director dahil marami siyang naka-line-up na projects sa Viva. Sinabi na raw niya kay Sen. Imee na baka hindi na niya magawa ang MOM at MAM at kung gusto ng senadora na ituloy ang sequel, si Darryl na lang ang magsusulat ng script, pero hindi as director.