Wa' paki ma-bash… KAKAMPINK ACTRESS, GAGANAP NA LENI SA MOM NI DIREK DARRYL

ni Nitz Miralles @Bida | February 23, 2023

Ayan na, umapela ang mga netizens sa MTRCB na ipatigil ang showing ng Martyr or Murderer o #MoM na showing sa March 1, 2023.

Kasunod ito ng announcement ng MTRCB na plano nilang hindi payagang maipalabas sa bansa ang pelikula ni Gerald Butler na Plane.

Ang announcement na ito ng MTRCB na naka-post sa kanilang Facebook page ay umani ng comment from the netizens. Inakusahan nila si Director Darryl Yap of “disseminating historical falsehoods in order to clean up the Marcos family’s image.”

Comment pa ng isang netizen, “Samantalang ‘yung puro pelikula ni Darryl Yap na puro kasinungalingan, ayaw i-ban.”

Ipinagtanggol si Direk Darryl ng mga fans at binanggit na ang movie niya ang supported by documentation. Wala pang sagot ang MTRCB dito.

Si Direk Darryl, may sagot na sa isyu at maiksi lang ang sinabing “Bakit po ipapahinto?

Bakit po tayo natatakot? #MartyrorMurderer. March 1.”

Sa mga comments na nabasa namin, marami ang susuporta sa #MoM at magagalit sila kapag hindi natuloy sa March 1 ang movie.

Sa ginagawa raw ng anti-Marcos, naipo-promote nila nang libre ang movie. Saka, bakit daw ba takot silang mapanood ang pelikula?

May isa pa palang pasabog si Direk Darryl, pinasalamatan nito ang aniya ay “open-minded" Kakampink artist na pumayag gampanan ang role ni Leni Robredo sa Mabuhay Aloha Mabuhay o #MaM, ang last sa trilogy movie ng mga Marcos.

Siguradong maba-bash ang aktres na ito at ready naman siguro siya.

Wala raw siyang kunsensiya… SIGAW NI DIREK DARRYL: CHERRY PIE, OA, NOT ONCE BUT TWICE!

ni Reggee Bonoan @Sheet Matters! | February 14, 2023

Hindi pinalampas ng small but terrible director na si Darryl Yap ang one liner ni Cherry Pie Picache na, "May kunsensiya pa ba siya?"

Nag-ugat ang one-liner statement na ito ng aktres sa ginanap na mediacon ng pelikulang Oras de Peligro nu'ng Linggo dahil natanong si Pie kung okay sa kanyang gumanap na Madam Imelda R. Marcos at si Direk Darryl ang magdidirek.

Maganda naman ang sagot ng aktres na sabi niya, “Depende sa konteksto ng pelikula, sa script, why not? Pero by Darryl Yap, no!”

Sumunod na tanong ay bakit ayaw niyang magpadirek kay Darryl, at sagot niya, “Ewan ko. May kunsensiya pa ba siya?”

Nabanggit namin kay Cherry Pie sa one-on-one interview na tiyak na may sagot sa kanya si Direk Darryl sa maanghang niyang sinabi at kung nakahanda na ba siya. Natawa sa amin ang aktres at sabay sabing, "Huwag na nga natin siyang pag-usapan."

At hindi nga kami nagkamali, dahil heto at trending na nga ang sagot ng direktor na ipinost niya sa kanyang Facebook page na as of this writing ay nasa 436 shares, 21,000 likes/love at 2,400 comments.

Published as is…

“Aking Reaksyon tungkol sa Pahayag ni Ms. Cherry Pie Picache.

“Tinatanong po ni Miss Cherry Pie Picache kung may konsensya pa raw ba ko dahil sa mga Marcos films na ginagawa ko.

“Sasagutin ko po ang tanong nya, ng dalawang tanong.

“1. Alin kaya sa eksena sa #MAIDinMALACAÑANG at #MARTYRorMURDERER ang hindi totoo, napanood na ba nya ang #MIM, kasi ang #MOM ineedit ko pa. Ano sa loob ng mga gawa ko ang kasinungalingan?

“2. Napakahusay umarte ni Miss Cherry Pie, pero ngayon lang ako parang naOAyan sa kanya (actually pangalawa na pala ito, una nung umiyak sya sa kampanya ni Leni at para siyang CEO na isang pyramiding company na sumisigaw ng MANGHIKAYAT KAYO!)

“Ito, seryosong tanong Miss.

“Napanood ko kasi kung paano mo pinatawad ang pumatay sa Nanay mo, ang pagsabi mo ng magagandang bagay patungkol sa pangtanggap at pagbibigay katwiran sa mismong kriminal na pumatay na Nanay mo— naisip ko, YUNG PUMATAY SA NANAY MO, NAYAKAP MO.

“Sigurado kang may kabutihan sa kanya

“Ako, na gumagawa lamang ng pelikula (na dahilan kung bakit kayo may pelikula) AKO ANG TINATANONG MO KUNG MAY KONSENSYA?

"At wag po kayong mag-alala; wala naman po akong deklarasyon na gusto ko kayong makatrabaho.

#KAMOTEpie

MARAMING SALAMAT."

In fairness din naman kay Cherry Pie ay nabanggit niyang tiyak na ayaw din siyang maka-work ni Direk Darryl at puwedeng ito rin ang isagot ng nasabing direktor.

Samantala, trending din ang pagsita ni Senator Imee Marcos sa kaibigang direktor.

Ipinost din ni Direk Darryl sa FB page niya ang takbo ng usapan nila.

Ang caption ni Direk Darryl, “Ok, quiet na 'ko.”

Ang sabi ni Sen. Imee, “DARRYL!”

Sagot ng direktor, “Luh, nagrereak lang ako, Sen., ako na naman masama… dabog (paakyat) (balibag pinto) (iyak sa kama) (tumayo ulit to open aircon).

“Ako po ay nagrereak lang. Hindi ako ang umaatake…”

Anyway, the feeling is mutual naman pala between Cherry Pie and Direk Darryl.

Basta sa March 1, mapapanood ang Oras de Peligro na handog ng Bagong Siklab Productions na idinirek ni Joel Lamangan.

Bukod kay Pie ay kasama rin sa pelikula sina Apollo Abraham, Marcus Madrigal, Timothy Castillo, Elora Espano, Jim Pebanco, Mae Paner, Dave Bornea, Rico Barrera, Alvi Siongco, Gerald Santos, Crysten Dizon, Nanding Josef, Therese Malvar, Allan Paule at ang bida ring si Allen Dizon.

Kasama si Ruffa… CESAR AT DIEGO, NAG-BONDING SA HAWAII

ni Nitz Miralles @Bida | December 23, 2022

Kuha ni Ruffa Gutierrez ang photos at video nina Cesar Montano at Diego Loyzaga noong nasa Hawaii sila. Ipinost ni Cesar sa Instagram ang photo nila at may caption na: “First time to work and to travel with my son @diegoloyzaga. Had a great time in Hawaii.

Looking for more. Mahalo to our great God! Thanks so much to my FL @iloveruffag for this awesome candid shot. Mahalo!”

Video naman ang ipinost ni Diego sa kanyang IG at short lang ang caption niyang: “Thanks Hawaii.”

Pati ang mga netizens, nag-react sa photo/video na nakatalikod na naglalakad ang mag-ama. Nakaakbay si Cesar kay Diego at nakahawak naman si Diego sa waist ni Cesar. Si Sunshine Cruz nga, napa-comment ng heart emojis.

May mga nagtanong kung ano ang ginawa ng mag-ama at ni Ruffa sa Hawaii. Hindi naman siguro para sa shooting ng third installment ng Maid in Malacañang dahil tinatapos pa lang ni Director Darryl Yap ang second installment na Martyr or Murderer o #MoM.

Ang title ng third installment ay “Mabuhay Aloha Mabuhay” o #MaM. Parang guest ang tatlo sa isang event sa Hawaii.