Nanindigan si UFC lightweight champion Khabib Nurmagomedov na mananatili ito sa kanyang tahanan sa Russia upang ipagpatuloy ang quarantine, isang hakbang na makakaapekto sa mga plano ni UFC president Dana White sa pagpapasiyang ipagpatuloy pa ang UFC 249.
Inihayag ni Nurmagomedov ang anunsyo sa kanyang Instagram account na nagsasabi sa mundo ng mixed martial arts na, “Take care of yourself and put yourself in my shoes.”
Nakatakdang itaya ni Nurmagomedov (28-0) ang undefeated mark nito laban sa number one contender na si Tony Ferguson (25-3) sa main event ng UFC 249 sa loob ng dalawang linggo, Abril 18, sana sa Barclays Center sa Brooklyn, New York.
Gayunman, ayon sa kanyang Instagram post, siniguro ni Nurmagomedov na hindi ito aalis sa kanyang lugar sa Dagestan, Russia kahit pa man makahanap ng lokasyon si White ng pagdadausan ng kanilang laban. Nagawang umalis si Nurmagomedov sa California upang umuwi nang pansamantalang inanunsyo ng UFC na gagawin umano ang UFC 249 sa United Arab Emirates, ngunit ibinulgar nitong hindi ito aalis sa kanyang bansa dahil sa paghihigpit sa pagbiyahe bunsod ng coronavirus disease pandemic.
“I understand everything and I'm definitely more upset than you to cancel the fight,” wika ni Nurmagomedov. “Probably like all others, I had many plans after the fight, but I can't control it all,” dagdag nito.
Hinikayat na lamang nito ang lahat na sumunod sa mga panuntunan at pakiusap ng bawat pamahalaan sa buong mundo upang maging ligtas ang lahat na kumalat pa ang nasabing sakit.
“It turns out that the whole world should be in quarantine. Governments of all countries, famous people around the world urge people to follow all safety requirements in order to limit the spread of the disease, to save people, and Khabib is the only one relieved of all obligations and must demonstrate free will and train flying around the world, for the sake of fight?"
Dahil naman sa kagustuhang lumaban, hiniling ni Ferguson na hubaran ng titulo si Nurmagomedov ng kanyang lightweight title dahil sa pagtangging lumaban dito.
“He obviously knew what he could do to help save this card,” saad ni Ferguson sa panayam sa kanya ng ESPN. “He didn't want to take any of those chances. Everybody is taking risks trying to do it. He bailed out, man.”