May magiging kaagapay na ang Maharlika Pilipinas Basketball League (MPBL) upang patuloy pang mapalakas ang pinakamalaking regional amateur basketball league sa bansa.
Ang five-year agreement sa Chooks-to-Go ay opisyal na inilunsad sa EDSA Shangri-La Hotel sa Mandaluyong kahapon. “Dahil ang MPBL ang tunay na tahanan ng mga Manok ng Bayan, we are committed to sponsor this league for five years,” ayon kay Bounty Agro Ventures Inc. (BAVI) President Ronald Mascariñas.
Upang mapalakas pa ang pagmamahal ng Pinoy sa sports Mula noong 2016, ang Chooks ay umaagapay na sa mga atleta, sports at liga. Sa kabilang banda, nagtatag si Manny Pacquiao ng MPBL upang bigyan ng tsansa ang mga mahuhusay na basketball players na maipakita ang bagong mga talento sa larangan ng naturang sport.
Nagsimula ang liga sa 10 teams hanggang sa umabot na ngayon sa 31 squads kabilang na ang Cebu-Casino Alcohol.
Dahil kaisa na ni Pacman ang Chooks sa liga, aniya, “This is just the beginning of a strong and long partnership between the MPBL and Chooks-to-Go. We all know that Chooks-to-Go has been helping in sports development. Helping us is their way of helping a very successful business venture for me.” “As the father of the MPBL, I’m very happy that CTG has recognized the Maharlika Pilipinas Basketball League as a solid league with a bright future ahead of it. It is integral in MPBL’s vision to be the league for every Filipino. And with you, we will be able to help more Filipinos.”