Sisikapin ng Underwater hockey team sa kanilang debut game sa 30th Southeast Asian Games na gumanda ang kanilang paglusong sa biennial meet at makuha ang pinakaaasam na 4 na gintong medalya.
Sa pagbisita sa 48th TOPS Usapang Sports sa Intramuros, Manila, sinabi ni Dennis Valdes, pangulo ng Philippine Underwater Hockey Federation, na malaking tulong ang pagdayo ng PHL team sa New Zealand at Australia upang matutukan ng foreign experts ang ensayo ng team dagdag pa ang sipag at dedikasyon ng kanyang players na magbubunga ang mga ito ng medalya. Higit na inaasahan para sa men’s team si forward Topz Policarpo at para sa women’s team si forward Nadj Buenafe at team captain JV Lim. Aminado siyang ang Singapore ang pinakamahirap na katunggali habang ang Malaysia at Indonesia ay magiging pukpukan din ang laban.
“I believe the Philippine UWH Team will do very well at the SEA Games. I am personally hoping to get four gold medals out of the four events. Of course, this cannot be guaranteed, but our athletes are training very hard for this goal,” saad ni Valdes at aniya idaraos ang event sa Vermosa Sports Hub sa Imus, Cavite.
Kilala ring Octopush ang team ng underwater hockey ay isang sport kung saan ang dalawang teams ay magtutulak ng pitsa sa ilalim ng swimming pool gamit ang isang hockey stick patungo sa opposing team’s goal. Apat na gintong medalya ang nakataya sa men’s 4×4 at 6×6, at women’s 4×4 at 6×6 competition categories na nakatakda sa Dis. 2, 3, 4 at 5.