4 foreign teams magpapasigla sa SSL National Invitationals

by MC @Sports News | July 8, 2026

Photo: Dumalo at nagsalita sa PSA Forum para sa Shakeys Super League Invitational Conference sina (gitna) ACES Athletic Events and Sports Management Inc. President Dr. Ian Laurel kasama sina Ginio Panganiban at Allen Reyes at coaches na sina  oberto Javier ng Arellano U., Olips Clavacio ng Pusong Azul na ginanap sa PSC Media Room. Sisimulan ang kompetisyon na may dalawang kategorya ngayong Hulyo sa FilOil EcoOil Centre San Juan ang High school habang sa Ninoy Aquino Stadium ang Collegiate. (Reymundo Nillama)  

Apat na dayuhang koponan ang nakatakdang magpasigla sa nalalapit na 2026 Shakey’s Super League (SSL) National Invitationals.

Lalahok ang Ho Chi Minh City Volleyball Club ng Vietnam at ang Southern Storm Melbourne ng Australia  ngayong taon sa preseason tilt (collegiate level), gaya ng isiniwalat ni ACES president Dr. Ian Laurel sa Philippine Sportswriters Association (PSA) kahapon sa media center ng Rizal Memorial Sports Complex.

Sa juniors level lalahok ang California, Perfect Set Dream Makers ng USA at ang Pacific Volleyball Academy ng Guam.  "Iba ang taong ito, napakaespesyal. Ito ay isang bagay na aming isinabay sa pagsusulong ng butihing chairman ng Philippine Sports Commission, chairman Pato Gregorio, tungkol sa sports tourism. Sa pagkakataong ito, mayroon kaming mga dayuhang koponan na darating upang makipagkompitensiya sa aming mga lokal na koponan," sabi ni Laurel.

Lalahok din sa kompetisyon ang mga lokal na koponan na University of Santo Tomas (UST), Enderun Colleges, Colegio de San Juan de Letran, at College of St. Benilde.

Sa dibisyon ng hayskul, ang mga maglalaro sa Pilipinas ay ang Pusong Azul ng Ateneo, ang Arellano University HS, ang St. John’s Institute, ang One La Salle, at ang UST.                                

Ang mga torneo ay tatakbo mula Hulyo 11 hanggang 26, at ang mga laro ng juniors ay gaganapin sa Filoil Centre sa San Juan, habang ang mga college squad ay makakakita ng aksyon sa Ninoy Aquino Stadium sa Maynila.

Rondina at Pons, Fan's Choice Awardee ng unang AVC Gala

by MC @Sports News | July 7, 2026

Photo: AVC

Inilabas ng Asian Volleyball Confederation (AVC) ang mga awardees sa unang AVC Gala sa pagtatapos ng pampublikong botohan, na kumikilala sa mga natatanging pagganap na nagbigay kahulugan sa Asian volleyball sa buong 2025 season sa Bangkok, Thailand. 

Itinanghal si Yuki Ishikawa ng Japan bilang Outstanding Men’s Volleyball Player.  Sa  kababaihan, natanggap ni Mayu Ishikawa ang Outstanding Women’s Volleyball Player award.  

Sa beach volleyball, mahusay ang duo ng Qatar na sina Cherif Younousse at Ahmed Tijan ang Outstanding Men’s Beach Volleyball Players award.  Kinilala sina Asami Shiba at Reika Murakami ng Japan bilang Outstanding Women’s Beach Volleyball Players. 

Ang Volleyball Coach of the Year ay si Ferhat Akbaş ng  Japan women's team. Kinilala rin ang kahusayan sa pag-officiate ni Yuliya Akulova ng Kazakhstan ang Volleyball Referee of the Year awardee, habang si Wang Lijun ng China ay Beach Volleyball Referee of the Year dahil sa propesyonalismo, consistency, at dedikasyon. 

Ang mga Outstanding Player, Volleyball Coach of the Year at Referee of the Year awards ay natukoy mula sa pinagsamang sistema ng pagboto na binubuo ng 70% boto ng AVC Committee at 30% boto ng volleyball fans sa Asya.

Ang bantog na beach volleyball tandem ng Pilipinas na sina Cherry Ann Rondina at Bernadeth Pons ay may 43,905 boto para sa Fans’ Choice Beach Volleyball Award, na inihandog ng Candon City. Pormal na pararangalan ang mga ito sa unang AVC Gala Awards Night sa Agosto 8, 2026, sa Bangkok, Thailand. Tinanggap ni AVC President Ramon Suzara ang matagumpay na paglulunsad ng unang AVC Gala at binigyang-diin ang kahalagahan ng pagkilala sa kahusayan ng mga nabanggit.

Lifter Diaz, naka-3 golds at may 2 world records

ni Christina Cla-or (OJT) @Sports | July 7, 2026

Photo: Nakagawa ng 2 world records ang batang Pinay  weightlifter na si Alexsandra Ann Diaz para sa 3 gold medals sa 2026 IWF World Youth Weightlifting Championships sa Cali, Colombia. Pamangkin siya ni Olympic Champion Hidilyn Diaz  na naka-ginto sa snatch (77kg), clean and jerk (98kg) at total lift (175kg). (fbpix)

Binuhat ni Alexsandra Ann Diaz ang bandera ng Pilipinas matapos magwagi ng tatlong gintong medalya at magtala pa ng dalawang bagong youth world records sa women’s 48kg event ng 2026 IWF World Youth Weightlifting Championships sa Cali, Colombia. 

Nanguna sa women's 48kg division si Alexsandra Ann Diaz— ang 15-anyos na pamangkin ng Olympic gold medalist na si Hidilyn Diaz-Naranjo matapos magpakitang-gilas sa lahat ng tatlong events. Sinimulan niya ang kampanya sa pagkuha ng gold medals sa snatch nang mabuhat ang 77 kilo. Mas lalo pa niyang pinahanga ang mga manonood nang maitaas ang 98 kilo sa clean and jerk, na nagbigay sa kanya ng ikalawang ginto at bagong youth world record, isang kilo na mas mataas kaysa sa dating marka. 

Hindi rin nagpahuli ang iba pang miyembro ng Philippine weighlifting team kung saan si Althea Bacaro ay nagtapos na ika-4 sa snatch matapos buhatin ang 60 kilo, ngunit nakabawi siya sa clean and jerk sa binuhat na 80 kilo upang makuha ang silver medal. 

Samantala, nakakuha rin ng medalya si Jay-R Colonia sa boy’s 56-kg category. Silver medalist siya  sa snatch sa 109 kilo, gold medal sa clean and jerk sa 140 kilo, at silver medal sa total na 253 kilo.