Dagdag-taon, dagdag-gastos, pabigat sa mga Pinoy… SEN. ROBIN: SISTEMA NG EDUKASYON, AYUSIN

ni Mercy Lejarde @Talkies | May 12, 2026

Photo: Robin Padilla / FB

Iminungkahi ni Sen. Robin Padilla na panahon nang ayusin ang sistema ng edukasyon.

Saad ni Sen. Robin, “Dagdag taon, dagdag gastos. Panahon nang ayusin ang sistema ng edukasyon.”

Sa ilalim ng SBN 1297, iminungkahi ni Sen. Robin Padilla na mabawasan ang pinansiyal na pasanin ng mga pamilyang Pilipino at magkaroon ng mas epektibo at angkop na sistemang pang-edukasyon para sa kabataan.

Sang-ayon ba kayo na ibalik ang dating curriculum?

Well, sa comment section ng post ni Sen. Robin ay marami ang nakiusap na tanggalin ang K-12.

Ano’ng sey n’yo, mga Ka-BULGAR?

---

SA panayam ng King of Talk na si Boy Abunda kay Bea Borres sa Fast Talk with Boy Abunda ay napag-usapan ang tungkol sa kagustuhan nitong mag-artista.

Tanong ng mahusay na TV host, “Gusto mo rin bang maging katulad ni Andrea Brillantes, maging leading lady, maging artista?”

Sey ni Bea, “Of course, pangarap ko po ‘yun, Tito Boy. Gusto ko talagang maging sikat na artista. I want to be a superstar. I want to be, alam mo ‘yun, gusto ko ‘yung mga kawawang roles. Gusto ko ‘yung inaapi ako, ‘yun talaga ang pangarap ko. Pero ngayon, gusto ko nang maging kontrabida.”

Dagdag na tanong ni Boy, “Ba’t ‘di mo itinuloy ang pag-aartista?”

Sey ni Bea, “Well, Tito Boy, sobrang blunt kong tao. Siguro kasi, pangit ako dati. Charot lang, hindi. Ah, walang opportunities for me. ‘Di ako gusto, ‘di ako favorite.”

Tanong ni Boy, “Paano mo nalaman?”

Sey ni Bea, “Okay, I’ll be honest, meron akong backer, eh. Pero kahit ano namang backer mo, kung ‘di ka kakagatin ng mga boss, ganu’n, wala rin.”

Hirit na tanong ni Boy, “Baka naman nagmadali ka. ‘Di naman kaya? Kasi mahabang panahon ba. Did you try for a number of years?”

Sey ni Bea, “Siguro, 3 years. Saka siguro, ‘di rin ako magaling umarte. Hahaha! Siguro, ‘yun din ‘yun, Tito Boy.”

Samantala, napag-usapan din nina Boy at Bea ang dahilan kung bakit hindi nito kinuha ang komedyanang si Herlene Budol bilang ninang ng kanyang anak.

Tanong ni Boy, “Bakit ‘di mo kinuhang ninang si Herlene ‘Hipon’ Budol?”

Sey ni Bea, “Eh, kasi Tito Boy, it was a vlog. So alam mo ‘yun, like ang tagal na naming nagkukulitan. So I thought it was a joke. Tapos akala n’ya, gets n’ya rin na joke.

“Tapos, biglang nakita ko, nag-interview s’ya here, tapos nag-viral. Tapos, pinapamukha n’ya naman ako na masamang tao. S’ya nga, ‘di n’ya pinansin ‘yung DM (direct message sa Instagram) ko before. Hahaha!”

Dagdag na tanong ni Boy, “Nagkausap na kayo?”

Sey ni Bea, “‘Di pa.”

Well, ibang klase ang chemistry at rapport nina Boy Abunda at Bea Borres. Straight to the point ang usapan!

---

Buong pagmamalaking ibinahagi ng aktor-direktor na si Xian Lim ang video clip ng kanyang graduation photoshoot, suot ang kanyang robe. 

Sa edad na 36, nakatakda siyang magtapos ng Bachelor of Arts in Music Production mula sa De La Salle-College of Saint Benilde (DLS-CSB) sa July 4, 2026, sa pamamagitan ng Expanded Tertiary Education Equivalency and Accreditation Program (ETEEAP).

Saad ni Xian sa post niya na nagbigay ng inspirasyon sa madlang people, “Dear 8-year-old self, the road gets hard sometimes... but I promise, we make it through more than you could ever imagine. 

“And one day, the things you once only dreamed about slowly become reality…”

Anyway, muli na naman nating napatunayan na ang edukasyon ay isang walang katapusang paglalakbay na hindi nalilimitahan ng edad o estado sa buhay.

Isang malaking congratulations, Direk Xian Lim.

Aktres, kaya umatras sa kasal… HINIHINGI NG PAMILYA NI VINCENT KAY BEA SA PRENUP, ‘DI RAW MAKATAO

ni Ambet Nabus @Let's See | May 11, 2026

Photo: FB / Circulated

For three (3) years ay naitago nga ni Kim Domingo at ng Thai BF nitong may initials lang na ‘J.I.’ ang kanilang relasyon.

Inilabas lang ito ng seksing aktres sa socmed (social media) bilang tugon nito sa malisyosong item ng socmed sensation at tsismosong si Xian Gaza.

Sa isang blind item post kasi ni Xian ay tila si Kim ang inilalarawan nitong seksing aktres na yumaman na raw sa panghaharbat sa papang rich politician.

Kaya nagbigay ng kanyang napakahabang post sa socmed si Kim at tinawag nga niyang ‘Mr. Xian’ ang naturang blogger na nagpapakalat umano ng tsismis.

Sinabi rin nitong ang rason kung bakit halos ginawa na ni KIm na second home ang Thailand ay dahil doon niya natagpuan ang hinahanap na privacy bilang isang tao at hindi bilang isang celebrity.

Ikinuwento pa nitong for three years ay ganoon ang naging set-up nila ng Thai BF at kung siya naman itong busy sa work sa bansa ay ito naman ang dumadalaw sa kanya at matiyaga siyang sinusuportahan.

“Lahat ng mga nakatrabaho ko at kilala ko ay nakikita kung paano n’ya ako sinusuportahan,” pagmamalaki pa ni Kim.

For 3 years nga raw ay ganoon ang arrangement nila kaya’t minabuti ni Kim Domingo na ibulgar sa publiko ang dahilan ng pagpunta niya sa Thailand.

---

Marami naman ang naaawa kay Bea Alonzo kung sakali mang totoo ang mga sinasabing rason kung bakit urong-sulong at tila hindi na naman matutuloy ang pagpapakasal nito kay Vincent Co.

Sa mga naglabasan na ngang report ay marami ang nagsasabing ang usapin kaugnay sa prenup ang dahilan kung bakit nangyayari ito.

Na kesyo may mga last items na hindi pinaboran ni Bea gaya ng kapag naikasal na raw sila ni Vincent ay sa tahanan ng lalaki – kasama ang buong pamilya nito – sila titira. Na kapag nagkaroon na sila ng anak at sakaling maghiwalay ay sa lalaki mapupunta ang mga bata. Na kesyo hindi magkakaroon ng anumang papel si Bea sa negosyo ng asawa o anumang kabuhayan na itatayo nito. At ‘yun ngang ‘amount’ umano ng pera na magiging ‘conjugal’ para sa mag-asawa ay may mga limitasyon din.

“Grabe namang prenup ‘yan. ‘Di na makatao. Sana naman ay ‘di ‘yan totoo,” komento ng netizen.

“Ano’ng tingin nila kay Bea, palahian lang? Naku, girl, super red na red flag ‘yan. ‘Di love ang tawag d’yan,” hirit ng ilan pa.

As we write this, tinangka naming makuhanan man lang ng kahit anong reaksiyon ang manager-friend ni Bea Alonzo na si Tita Shirley Kuan na noong huli naming makita at makausap ay kumpirmadong didiretso na ng Spain after her medical reporting sa USA doctors niya.

Ang siste, may mga kumakalat ding balita na kahit ang mga taong malalapit kay Bea na naka-book na papunta sa Spain para dumalo sa kasal ay balita  ring nagsipag-cancel na ng kanilang booking flights.

Hay…

---

Nagpipigil lang daw…

GOMA, GIGIL NA GIGIL KAY LEVISTE 

Hmmm… kung saka-sakali palang magtatagpo o muling magkukrus ang mga landas ni Cong. Richard Gomez at ng matabil at dakdakerong si Leandro Leviste ay malamang daw na masampulan ito ni Goma ng kanyang bagsik.

Inamin kasi ng malalapit na kaibigan ng aktor-pulitiko na nabanas at naangasan daw ito nang husto sa batang kongresista na baril na lang nang baril sa mga kapwa niya nasa gobyerno na akala mo’y alam ang lahat ng bagay pero kuwestiyunable naman ang mga info at proofs.

“Naku, nagpipigil lang at nagpapakita ng tamang protocol; bilang mambabatas si Goma kaya’t nananahimik s’ya. ‘Wag n’yang tangkain dahil iba rin ‘pag napikon si Cong. (Richard Gomez),” sey pa ng mga kaibigan ni Goma sa tila karakter daw ni Leviste na mambuska, o sadyang pamimikon sa sinumang mapagtripan nito sa plenaryo ng Kongreso.

Padir ng anak, umayaw na talaga… BEA, AMINADONG NAGGER

ni Mercy Lejarde @Showbiz Talkies | May 10, 2026

Photo: Bea Borres sa Fast Talk with Boy Abunda / YT

Ibinahagi ng content creator-aktres na si Bea Borres sa Fast Talk with Boy Abunda (FTBWA) kamakailan ang tungkol sa co-parenting setup kasama ang mother dearest ng kanyang dating boyfriend.

Sa panayam ay napag-usapan ang tungkol sa dating karelasyon ni Bea.

Sey ni Bea, “You know the saying, a relationship built on another woman’s tears will not work out. Totoo pala ‘yun. It will never work.”

Tanong ng mahusay na TV host na si Boy Abunda, “In other words, ang ‘di mo pa nasasabi at ‘di mo pa naikukuwento ay may umiyak na girl when you and Meray Yamada came together?”

Sey ni Bea, “Yes.”

Dagdag na tanong ni Boy, “Pero the pregnancy, ano ‘yun? Pinlano n’yo? Was that part of, you know, were you planning to get married?”

Sey ni Bea, “Tito Boy, pa-skyrocket ‘yung career ko, magsa-sign na ‘ko for GMA.

“Yes, as in may contract na ‘ko and everything. I was asking questions, parang ikina-clarify ko na lang, nagko-consult ako sa lawyer ko. Tapos biglang ‘yun, nabuntis ako. So, ‘di talaga s’ya planado.”

Sa panayam ay kinumusta ng King of Talk na si Boy ang relationship status ni Bea sa ex nito.

Sey ni Bea, “At first naman, Tito Boy, he was really willing. He was really willing. Okay, again, never ko pa nare-release ‘to pero nakipag-break ako, in-expect ko na hahabulin n’ya ‘ko, kasi s’yempre, dinadala ko ‘yung anak n’ya. And then three days after na nag-break kami, I was trying, hinahabol ko s’ya, ‘Can we fix this?’ Parang takot na takot akong maging single mom. I’m so scared na maging single mom.

“Tapos, biglang may kinausap na s’ya agad. Sabi n’ya na joke. Pero alam mo ‘yun? I’m carrying your child pero ganu’n ‘yung ginagawa mo.”

Hirit na tanong ni Boy, “Sumagi ba sa isipan mo na ipalaglag ang bata?”

Sey ni Bea, “I don’t want to put it in that way, Tito Boy, pero s’yempre sa Amerika left and right ‘yung clinic. So I considered it. I considered it na what if ‘di ko na ituloy. Ikino-consider ko talaga s’ya.”

Tanong ni Boy, “What stopped you?”

Sey ni Bea, “‘Yung takot ko po sa Diyos. I’m not the most religious person pero takot na takot po ako talaga kay Lord. Feeling ko, kahit I ask for forgiveness, may nadamay na baby, parang ‘di ko talaga kaya. Kaya ko naman honestly, honestly speaking, kaya naman ng family ko. So parang alam mo ‘yun, natatakot ako na anuhin ako ni Lord. I mean, i-take away sa akin ‘yung mga meron ako. Natakot po talaga ako.”

Saad ni Boy, “Tama ang desisyon mo.”

Sey ni Bea, “Sobra. You know what, Tito Boy? If I could go back in time, magkaka-baby ako, I would really do it the right way, but I would choose the same baby all over again, but in a different situation. Siguro, love. Alam mo ‘yun, galing s’ya sa pagmamahal.”

Tanong ni Boy, “Are you co-parenting with ‘Baby Daddy’?”

Sey ni Bea, “No, I’m co-parenting with his mom. I tried though.”

Paglilinaw na tanong ni Boy, “Sa nanay ng iyong ex?”

Sey ni Bea, “Yes.”

Saad naman ni Boy, “Okay.”

Sey ni Bea, “Wala akong masabi kay Tita. Tita, if you’re watching this, napakabait mo pero ‘yung anak mo talaga, ‘di ko gusto. Charot (joke) lang.”

Dagdag pa ni Bea, “Tito Boy, I tried. Ipinakita ko, nagsama kami, nag-acting kami na para kaming pamilya. Pero bumalik lahat ng sakit.

“Kasi when I was pregnant, wala talagang anything, tapos ngayon, kahit sabihin ko na ‘Ayoko, ikaw mag-adjust for me,’ nag-expect pa rin ako na he would try. Nakalabas na daughter namin, pero wala talaga.

“Alam mo, one thing I learned about men is if they really wanted to, they would.

“Kahit ano’ng sabihin kong ‘Ayoko, ‘wag mo kitain ang anak ko,’ pupuntahan n’ya kasi gusto niya. Dahil anak n’ya ‘yun. Pero walang ganu’n.”

Hirit na tanong ni Boy, “Ang tanong, ano naman ang pagkukulang mo sa relasyong ‘to?”

Sey ni Bea na may kasamang biro, “Perfect po ako, charot lang. Siguro kasi, masyado akong nagger at ‘yung mga lalaki kasi, ayaw nila ‘yun. Ayaw nila ng pinagsasabihan sila ng kung ano ang gagawin nila.

“But yeah, I just can’t. Parang kailangan ko i-point out ‘yung mistakes n’ya, and ‘di ako mabait. Feeling ko, nasasaktan ko rin s’ya.”

Matatandaang noong Disyembre, ipinanganak ni Bea Borres ang isang batang babae na pinangalanan niyang Victoria Hope, na gumugol ng 44 na araw sa neonatal intensive care unit (NICU) bago pinalabas.

---

IIKOT sa iba’t ibang lugar para mag-busking ang Kapamilya singer-songwriter na si Angela Ken at iparinig ang kanyang bagong EP na pinamagatang Panahon.

Nakatakda siyang mag-perform sa SM North EDSA kahapon (Mayo 8), sa SM City Baliwag sa Mayo 12 (Martes), SM City Sta. Mesa sa Mayo 14 (Huwebes), SM Mall of Asia (MOA) sa Mayo 15 (Biyernes), SM Southmall sa Mayo 18 (Lunes), at SM City Fairview sa Mayo 20 (Miyerkules).

Aawitin niya ang tracks mula sa kanyang bagong labas na Panahon EP (extended play) mula sa Tarsier Records. Naglalaman ito ng mga bagong kanta na Kahapon, Panahon, at Simula Ngayon, pati na rin ang mga nauna niyang inilabas na single na Baka Bukas, Kulimlim, at Pwede Bang Mamaya?

Si Angela ang nasa likod ng hit song na Sikulo, ang kolaborasyon niya sa kapwa-Kapamilya artists na sina Maki at Nhiko Sabiniano, at Ako Naman Muna. 

Nakipagsanib-puwersa rin siya sa OPM band na Over October para sa Moved on Last collab nila noong nakaraang taon.

Kamakailan ay umani na ng mahigit 1.2 million streams sa Spotify ang Baka Bukas single ni Angela.

Abangan si Angela sa busking tour niya sa SM Supermalls ngayong Mayo.

‘Yun lang, and I thank you.