Sey mo, Sec. Ralph? GOV. VILMA, HANGGANG SA KAMA, NAGTATRABAHO PA RIN

ni Mercy Lejarde @Showbiz Talkies | August 19, 2025

Photo: Vilma Santos-Recto - IG

Marami ang napabilib sa Star for All Seasons na si Vilma Santos-Recto sa ginagawa niyang pagtatrabaho bilang governor ng Batangas.

Hindi makikita ang tunay na edad ng magaling na aktres sa ginagawa niyang pag-aasikaso sa mga Batangueño, na daig pa ni Vilma ang mga batang governors sa sipag at malasakit sa mamamayan.

Kamakailan lang ay nag-share sa kanyang Instagram (IG) account ang mother dearest ng host ng Rainbow Rumble (RR) na si Luis Manzano at congressman ng Lipa City na si Ryan Recto.

Makikita sa larawang ibinahagi ni Gov. Vilma na nasa bahay na siya, nakauwi galing sa trabaho bilang governor at nakaupo na sa kanyang kama. Gayunpaman, nagtatrabaho pa rin siya, pumipirma ng mga kailangan kahit hatinggabi na. 

Makikita rin sa larawan ang magandang ngiti ni Gov. Vilma.

Saad niya, “Talino at Puso: Mula Agoncillo hanggang San Nicolas, puno ang araw sa kuwentuhan at kumustahan kasama ang mga kababayan. Pag-uwi sa gabi, trabaho pa rin.

Nagpipirma kahit 9:20 PM na, para masigurong tuluy-tuloy ang serbisyong kailangan ng mga Batangueño.”

Maraming netizens ang bumilib sa sipag ng governor ng Batangas at isa na nga rito ang media personality na si Christine Bersola-Babao.

Aniya, “Ala, eh! Love you, Ate Vi. Praying for your extraordinary strength & good health to carry out your mission.”

Sagot naman ni Gov. Vilma, “@christinebbabao Thankssss, Tins!! I miss and love you both! Tins/Julius! May utang pa akong interview kay Julius (tell him hindi ko nakakalimutan! Forgive a friend! Once I am done with our housekeeping in the capitol, I will invite you there!!!!!! Love you guys, God bless.”

Ala, eh! Suwerte naman ng mga Batangueño sa kanilang Gov. Vilma Santos-Recto.

---

Ngayong 50 na ang madir…

IBINULGAR NI MAVY: CARMINA, MAY MGA GABING ‘DI NAKAKATULOG

SUPER lucky naman ang aktres na si Carmina Villarroel sa pagkakaroon ng anak na sweet and loving tulad ni Mavy Legaspi.

Nagpahayag kasi ng pagbati si Mavy sa kanyang social media para sa ika-50th na kaarawan ng kanyang mother dearest noong August 17, 2025.

Saad niya, “50, looking 21. To the heart of our family, @mina_villarroel happy birthday, Momma! Your love simply makes everything better.

“Thank you for the sleepless nights, the sacrifices you never spoke of, and the unconditional love that never wavered even when I didn’t deserve it... You are the heart of our family, the soul of our home, and the greatest blessing I’ve ever known.

“You are the hardest working, kindest & most loving person in this world. She is what we call ‘HOME’ and she is the glue that holds and keeps this family together. Her patience, understanding, guidance, and perseverance are just a few of many things that describe this wonderful human being. God-fearing and a child of God.

“Cheers to 5 beautiful decades of success, tears, love, faith and dedication, the dedication to being the best actress and mother you could ever be. Cheers to you today and always.

“I’ll love you forever, I’ll love you for always, for as long as I’m living, my momma you’ll be.”

Happy Birthday, Carmina. Enjoy your special day!

---

SANIB-PUWERSA ang tatlong pinakamababangis na kontrabida sa mundo ng pelikula na sina Rez Cortez, Bembol Roco, at Dindo Arroyo sa isang action-comedy-drama film na Kontrabida, kung saan sila ang bida. Mapapanood ito worldwide sa iWant ngayong Martes (Agosto 19), 8 PM.

Ibang atake ang ihahain ng trio sa Kontrabida sa kabila ng pagiging kilala sa kanilang matitinding papel bilang sindikato, hitman, at kalaban ng bida sa ilang mga sikat at premyadong pelikula sa Pilipinas.

Gaganap si Rez bilang isang dating action star na gustong makuha ang loob ng kanyang apo, si Bembol bilang dating movie syndicate boss na ngayon ay plantito at wellness advocate, habang si Dindo ay dating real-life kontrabida na naging public servant at ngayon ay panadero na inspirasyon ng kabataan.

Magbabago ang lahat nang madukot sila ng mga rebeldeng tagahanga ng kanilang pagiging kontrabida on-screen. Pero imbes na magturo ng kasamaan, haharapin nila ang mas malaking misyon, ang iligtas ang isang bayan laban sa totoong mga terorista.

Sa direksiyon ni JR Reyes at hatid ng iWant at MAVX Productions, tampok ang umaatikabong aksiyon at riot na katatawanan ng trio kasama sina Pekto, Tito Abdul, Tito Marsy, Andrew Bongat, Denise Joaquin, Buchoy Ubaldo, Richmond Geraldo, Imy Bantog, at Papa Ahwel.

‘Yun lang, and I thank you.

PBB 2nd Big Placer, kahit support lang… RALPH, P30K ANG TF SA UNANG COMMERCIAL

ni Mercy Lejarde @Showbiz Talkies | August 18, 2025

Photo: Ralph De Leon - IG

Seryoso ang naging kuwentuhan ng Pinoy Big Brother (PBB) Celebrity Collab Edition 2nd Big Placer na si Ralph De Leon sa vlog ng broadcast journalist at ABS-CBN TV Patrol anchor na si Karen Davila nang mapag-usapan nila ang tungkol sa sakit ng ama ng aktor.

Saad ni Ralph sa naturang vlog nang tanungin ito ni Karen tungkol sa matinding pinagdaanan ng tatay niya, “Opo, nagka-cancer s’ya noon. Actually, sobrang bata ko pa po noon so ‘di ko po s’ya masyadong naaalala. He got cancer stage 4 lymphoma in 2003. Nu’ng time po na ‘yun, nagpapagamot po s’ya sa America, so hindi ko po s’ya nakikita masyado. 

“Minsan kung bumisita po kami doon, dinadala po kami ng tita ko or ng lola ko. From time to time din, umuuwi rin po si Mama rito. That was hard kasi nu’ng time po na ‘yun, parang the only way to call America was ‘yung mga card po, eh, ‘yung mga ini-scratch pa po para makuha ‘yung number.

“Not having too much contact with him, being so far away and not really knowing what was going on. Mahirap po talaga. And we’re all very lucky to still have him here. Parang hindi ko po ma-imagine ‘yung buhay ko na wala pong dad.”

Naitanong din ni Karen kung bakit ito nag-artista, dahil sabi raw ng iba ay mayaman na si Ralph at hindi na ito kailangan.

Sagot niya, “For me ‘yung showbiz po talaga, it’s something that I really learn to love. Also, as much as people say na ‘di ko po kailangang magtrabaho, sobrang yaman na ‘yan, pero ako po kasi, ‘di po ako umaasa ru’n, eh. From a very early age, they really taught me the value of working for what you have, of being independent one day.”

Tinanong din ni Karen, “Magkano ang TF (talent fee) mo nu’ng nag-commercial ka?”

Sagot ni Ralph ng may kasamang magandang ngiti ay “As a support? Parang P30,000.”

Dagdag na tanong ni Karen, “Ano ang ginawa mo sa P30,000 mo?”

Sagot ni Ralph, “Inilagay lang po ata sa bangko, eh, opo. Hindi ko po ginastos that time.”

Natanong din ni Karen, “‘Yung una mong break sa showbiz ay Zoomers, magkano ang una mong TF du’n.”

Sagot ni Ralph, “P5,000.”

Dagdag na tanong ni Karen, “P5,000 ‘yun, ‘yung taping? Ano ang ginawa mo sa P5,000 mo?”

Sagot ni Ralph, “Hindi ko po sigurado kung inilibre ko family ko for like a meal or ‘yung mga friends ko po.” 

Tinanong din ni Karen, “Matipid ka ba?”

Sagot ni Ralph, “Matipid po ako when it comes to spending, hindi po ako gumagastos masyado.”

Nakakatuwa ang tulad ni Ralph na kahit yayamanin na ay gusto pa ring magtrabaho at bongga pa sa galing sa pag-iimpok ng pera sa bangko. Sana all!

Pak na pak ka d’yan, Ralph.

---

NAKAKABILIB ang aktres at philanthropist na si Cecille Bravo, kamakailan lang ay pinarangalan siya at sa ikatlong pagkakataon ay natanggap ni Madam Cecille ang Gawad Rosa Rosal Legacy Award.

Ang Gawad Rosa Rosal Legacy Awards ay isa sa pinakamataas na parangal na ipinagkaloob sa mga indibidwal na nabubuhay sa paglilingkod sa kapwa. Ngayon sa ikatlong taon, ipinagdiriwang ng parangal ang mga pambihirang Pilipino na ang mga pamana ay sumasalamin sa dakilang Rosa Rosal.

Ang pagkilalang ito ay higit pa sa mga parangal—iginagalang nito ang isang buhay kung saan ang puso ang nangunguna sa landas. Isang buhay na may kababaang-loob, tahimik na katapangan, at hindi natitinag na habag.

Si Rosa Rosal ay hindi lamang isang screen icon, siya ay isang simbolo ng humanitarian grace.

Kilala bilang “First Lady of Philanthropy”, gumugol siya ng higit sa 60 taon sa paglilingkod bilang isang boluntaryo at gobernador para sa Philippine Red Cross, nag-donate ng dugo ng higit sa 200 beses at nakatayo sa frontline nang hindi mabilang na mga kalamidad, nag-aalok ng tulong kapag ito ay lubhang kailangan, at pag-asa sa mahihirap. Ipinakita niya sa amin na ang tunay na uri ng kagandahan ay kabaitan sa pagkilos.

Hindi na rin nakapagtataka kung maparangalan si Madam Cecille dahil 

isa siya sa mga maituturing na pilantropo pagdating sa pag-aabot ng tulong sa mga nangangailangan tulad na lang ng mga cancer patients sa ilalim ng Best Magazine ni Richard Hiñola, at sa CHILD Haus ni Mother Ricky Reyes.

Hindi lang sa pagtulong sa mga taong nangangailangan magaling si Madam Cecille, mahusay din ito sa akting lalo na sa pelikulang Aking Mga Anak (AMA) bilang si Aling Asaph na mataray at matapang na nagmamay-ari ng paupahan at may mga ampon na pinag-aaral at ang dalawa rito ay sina Klinton Start at Prince Villanueva.

Congratulations, Madam Cecille Bravo.

‘Yun lang and I thank you.

Ex-GF, after umaming 3 yrs. na silang break… ENRIQUE, BINURA NA ANG “I LOVE YOU” KAY LIZA

ni Ambet Nabus @Let's See | August 18, 2025

Photo: Enrique GIl - IG

Burado na nga raw ang ‘I love you’ comment ni Enrique Gil sa post ni Liza Soberano na kamakailan nga ay naging mainit na usapan dahil sa mga naging rebelasyon sa kanyang vlog.

May mga pumuri sa aktor dahil finally nga raw ay nagising na ito sa masakit na katotohanan sa sinapit ng kanyang buhay-pag-ibig at karir.

May mga nag-akusa pa kay Liza na cheater ito at nadamay ang karir ng aktor sa piniling landas niya.

Diumano ay may mga opportunities dapat na para kay Quen na nawala nang dahil sa involvement nito sa magandang aktres.

Nakakalungkot naman talaga, pero hindi fair na akusahan si Liza na ngayon lang nag-reveal ng kanyang mapapait na karanasan sa buhay.

Ayon sa aming mga common friends na noon pa may alam sa sitwasyon ng dalawa, sana nga raw ay magkapatawaran ang dating magkarelasyon sa mga nangyari sa kanila.

Busy ngayon si Quen sa ilang projects na kanyang ginagawa kasama na ang movie with Julia Barretto. May usap-usapan ding baka raw sa part 2 ng Incognito ay makasama na ito lalo’t minsan din naman silang naging close friends ni Daniel Padilla.

Ang tsismis lang na hindi namin maunawaan ay tungkol umano sa pera na na-invest din daw ni Quen sa supposedly ay kumpanya na minsan ay sinalihan ni Liza Soberano at diumano’y nabudol nga raw? 

May ganu’n ba?

---

Sa 7 napili, binash ng netizens…

HLA MOVIE NINA ALDEN AT KATHRYN, PINALAGAN NA MAPASAMA SA OSCARS

SA inilabas namang short list ni Film Development Council of the Philippines (FDCP) Chair Joey Reyes na mga possible movies for consideration para sa 2026 OSCARS, bukod-tanging matindi ang negative reaction sa Hello, Love, Again

(HLA) movie nina Kathryn Bernardo at Alden Richards.

Para raw kasing naligaw lang ito sa 7 movies na posibleng pagpilian gaya ng Green Bones (GB), Magellan, Song of the Fireflies (SOTF), Food Delivery: Fresh from the West Phil. Sea (FDFFTWPS), Some Nights Feel Like Walking (SNFLW), at Sunshine. 

Pawang may mga international exposure na ang mga nabanggit na movies at ang ilan pa sa kanila ay nagwagi na ng mga awards from festivals abroad at magagandang global reviews.

“Siguro, nakonsidera nila ‘yung pagiging highest grossing local film of all time ng HLA lalo’t pinag-usapan din ito ng mga Pinoy globally,” sey ng isang film critic.

But then again, ayon sa mga matitinding bumatikos at nagtataray, “Iba naman ‘yung quality sa quantity. We can’t compare the globally accepted qualities of HLA to those of 6 films na nasa short list.”

Grabe, ‘noh, short list pa lang naman ang pinag-uusapan pero may ganyang reaksiyon na, how much more kung ‘yun pa kaya ang mapipili? Hehehe!

But to be honest also at sa personal din naming pananaw bilang napanood din namin ang ilan sa mga nasa list, mukha ngang hindi bagay para i-consider ang naturang movie as Phil. official entry sa susunod na OSCARS. Ang ibig naming sabihin ay mas may iba pang deserving na mapasama sa short list kung OSCAR-bound quality ang pag-uusapan.

But then again, we have high hopes na this time ay mapasama na sana ang Pilipinas na magkaroon ng official entry na matagal na rin nating pinapangarap since decades back.

Ang GB ay ang award-winning movie na pinagbibidahan nina Dennis Trillo at Ruru Madrid under Direk Zig Dulay, habang ang SOTF na nagbigay din ng Best Actress award kay Morissette Amon ay idinirek ni King Palisoc.

Hindi rin siyempre pahuhuli ang Sunshine ni Maris Racal sa direksiyon ni Antoinette Jadaone na grabe rin ang mga papuring nakuha from various international festivals. At this early nga ay matindi ang buzz sa documentary movie na FDFFTWPS ni Baby Ruth Villarama lalo’t mainit na mainit ang isyu sa West Philippine Sea. 

Of course, hindi nagpapahuli ang impact ng Magellan ni Direk Lav Diaz at ang SNFLW ni Direk Petersen Vargas na matapang at mapangahas sa subject ng LGBTQIA+.

Sana nga ay mapili at maipadala ang most deserving sa kanilang lahat!

---

MARAMI naman ang humanga kay Marco Gallo dahil sa naging post nito tungkol sa nawalang phone ng kaibigang si Lance Carr.

Sa katatapos lang na Vivarkada concert last Friday (Aug. 15) ay nawala nga ang phone ng Viva artist na isa rin sa mga bumida sa concert.

Ang siste, tila isa nga sa mga fans na dumumog sa mga artista ang pinaghihinalaang kumuha, ayon pa sa mga lumabas na video at photos bago nawala ang nasabing phone.

Nanawagan nga si Marco para sa kaibigan lalo’t may posibilidad ngang ang isang babaeng fan ang pasimpleng dumukot nito sa bulsa ni Lance habang nakikihalubilo ito sa ibang fan.

Hinangaan ng marami ang pagiging mabuting kaibigan ni Marco at ang pagiging maayos naman nitong panawagan nang walang pagbibintang kahit pa nga malinaw sa mga lumabas na photos at video na may isang tao na sumimpleng dinukot mula sa bulsa ni Lance ang naturang phone.

Nakakaloka rin talaga ang mga nag-aastang fans, ‘noh?